1 Cr 1:17 - Chuj San Sebastian Bible

¹⁷ Eb' yunnal Sem: atn Elam, Asur, Arfaxad, Lud yet' Aram. A eb' yunnal Aram: atn Uz, Hul, Geter yet' Mesec.

Chuj San Mateo Bible

¹⁷ Axo eb' vin̈ yuninal vin̈aj Sem: Aton vin̈aj Elam, vin̈aj Asur, vin̈aj Arfaxad, vin̈aj Lud yed' vin̈aj Aram. Axo eb' vin̈ yuninal vin̈aj Aram chi': Aton vin̈aj Uz, vin̈aj Hul, vin̈aj Geter yed' vin̈aj Mesec.

1 Cr 1:17 ပူးပေါင်းရင်းမြစ်များ

Gn 10:21

A Sem atn sb'ab'l 'u'tac Jafet, 'ay pax yunnal x'alji, smasnil eb' yin̈tl Heber, ata cotnc yin̈tl eb' 'a Sem.

Gn 11:10

Atn yab'xil eb' yin̈tl win Sem tic: Jun ciente ab'il xo sq'uinl Sem 'a jun tiempoal cha, yic x'alj jun yunnal Arfaxad sb'i, 'a yic schab'l ab'il xo ye'cn owl yaxn̈ab'.

Gn 14:1

A 'a yic jun tiempoal cha, a Amrafel 'aych reyl 'a Sinar, ax Arioc 'aych reyl 'a Elasar, ax Quedorlaomer 'aych reyl 'a Elam, ax Tidal 'aych reyl 'a Goím.

1 Cr 1:16

eb' arvadeo, eb' zemareo yet' eb' hamateo.

1 Cr 1:18

A Arfaxad, a 'ay yunnal Sela, ax Sela, a 'ay yunnal Heber.

Esdras 4:2

Yuj cha, 'ix 'at eb' 'a Zorobabel yet' 'a eb' yajl yaj 'a eb' yican, 'ix yaln eb' 'a eb' 'ixtic: —Comnoc tzchaj e c'ojl qui b'on jun munljel tic eyet'oc, yujto an̈ tic on̈ tzon̈ 'och pax 'emmquilal 'a Dios 'icha ex tic, atxo yic on̈ 'ijx cot yuj Esar-hadón sreyl Asiria, atxo ta 'on̈ c'ojl ca'n qui xajmb'al 'a e Diosal cha, xchi eb'.

Salmos 83:8

yet' pax eb' 'aj Asiria. 'Ix ya'ch sb'a eb' yet' eb' yin̈tl can Lot.

Is 11:11

A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

Is 21:2

Caw wal 'ay xo smay jun tas x'ajx wil tic 'a 'icha waychil. A mach toxn to tu snab'en, caw tu tas tzb'o'o, a mach milwjum xoni, caw tzmilwjn̈ej. 'Ixquec mu'c 'a owl ex 'aj Elam, ex 'aj Media, 'ochn̈ec oyn 'a chon̈b' Babilonia. Smasnil jun tzo'n̈ yailal xya'ch Babilonia cha, c'uxn 'oj 'och wan yuj Jehová.

Is 22:6

A eb' 'aj Elam, wan sb'on eb' sjul-lab', 'ayx 'och eb' 'a yol scaruaje, 'ayx q'ue pax eb' 'a yib'n̈ schej; ax pax eb' 'aj Kir, wan yi'n 'elt eb' smacl sat jul-lab' tzc'anlb'ej.

Is 66:19

'Ay jun senya 'oj in ch'ox yil eb', 'oj wac' 'elcn jaywn̈oc eb' 'a scal owl cha, ax in checn can 'at eb' 'a jun tzo'n̈ nacion̈ tic: 'Ay eb' 'oj c'och 'a Tarsis, 'a Libia, 'a Lidia, atn jun chon̈b' chi 'aj caw jeln eb' 'anma sjulwji. 'Ay pax eb' 'oj c'och 'a Tubal, 'a Grecia yet' 'a jun tzo'n̈ chon̈b' 'ay 'a sti a mar. A eb' 'anma cha, may 'aj tzyab' eb' in b'inaxi, may pax 'aj tzyil eb' in poder. A 'a jun tzo'n̈ nacion̈ xwal tic, ata 'oj wac' yal-l eb' 'anma chi wab'xil.

Jeremías 25:25

'Ix wa'n 'a smasnil eb' rey 'a chon̈b' Zimri, 'a Elam, yet' 'a Media,

Ez 27:10

Ax eb' 'aj Persia, eb' 'aj Lidia yet' eb' 'aj Libia, a eb' 'aych 'a soldadooc, a eb' tzach coln 'a owal. Tzolmtac yajch locn sq'uen xumpiln eb', yet' syamc'ab' eb' tzmacn sat jul-lab' yic owl 'a smuroal a chon̈ab'. Atn jun tzo'n̈ chi 'aych yelwnub'loc.

Ez 27:23

A eb' 'aj Harán, eb' 'aj Cane, eb' 'aj Edén, eb' 'aj Sabá, eb' 'aj Asiria yet' smasnil eb' cajn 'a Media, tzchon̈wj eb', tzmanwj pax eb' 'ayach.

Ez 32:22

Ata 'ayc' win sreyl Asiria yet' smasnil eb' soldado, oyn 'och eb' 'a stz'ey winac, atn eb' chamnc yuj owal.

Ez 32:24

Ata mucb'il win sreyl chon̈b' Elam, oyn 'och smasnil eb' soldado 'a stz'ey, atn eb' chamnc yuj owal. Teln 'ec' sniwnal win 'a scal eb' 'anma chamnc yuj owl cha, atn eb' man̈ wico'oc, eb' 'a'jnac 'ejm xiwc'ojlal 'a scal eb' 'anma 'a yolyib'n̈q'uinl tic, palta man̈x 'a yel'ch x'aj sc'och eb' 'a scal eb' chamnc cha.

Dn 8:2

A wal xwutj wilni, 'icha wal to 'ayn 'ec' 'a chon̈b' Susa, jun 'ay 'a yol yic Elam 'a sti a niwn a Ulai sb'i.

Os 14:3

A chon̈b' Asiria matz tac' on̈ scoln on̈, an̈jtona matz tac' pax qui colx yuj no chej on̈. A tas tzlaj qui b'o yet' qui c'ab' on̈, man̈x 'oj calch qui diosalc on̈, yujto cojxn ach Mamin Jehová, ach tzac' tas 'ay tz'och yuj eb' meb'a 'unn chamnc smam, xe chi 'a Dios.

Nm 23:7

Xlajw cha, 'ix syamn 'och Balaam yaln 'ixtic: Atta 'ayn 'ec' 'a jun lum witz 'a stojlal 'aj tzq'uel c'u, 'a yol yic Aram, yic in ya'n 'ijxoc cot Balac sreyl Moab. 'Ix yaln 'ixtc 'ayin: Lem, cotn̈ muc'uc, wul catb'tzej can eb' israel tic, alcn 'el tu paxti 'a yib'n̈ eb' yin̈tl Jacob, xchi 'ayin.