1 Co 9:8 - Chuj San Sebastian Bible

⁸ Palta a jun tzo'n̈ tic tzwal't 'ayx tic, man̈ snab'enoc 'anma'. A 'a ley yic Moisés, ata yaljnac can Dios jun tzo'n̈ tic.

Chuj San Mateo Bible

⁸ Palta a juntzan̈ svalb'at tic d'ayex, man̈oclaj eb' anima ay spensar. A d'a ley Moisés, ata' yalnaccan juntzan̈ tic Dios.

1 Co 9:8 ပူးပေါင်းရင်းမြစ်များ

Is 8:20

Tze say eyila', tas xchi ley yet' spaxti Dios, xe chi 'a eb'. Toto 'oj yal eb' 'icha jun tzo'n̈ tzwal tic, toto 'ixta', 'icha to scal q'uic'q'uinl to 'ayc' eb', mant 'a sacq'uinl 'a spixn eb'.

Ro 3:31

Yel toni tzon̈ colchjec, yujn̈ej to tzca'c 'och 'a qui c'ojol. Palta ¿tom yuj chi tztac' calnec, to man̈x 'a yopiso ley yic Moisés? Ma'ay, caw matz tac' calnec 'ixta'. Ticni a jun ley cha, to tzqui wach' 'a'jec 'och yopiso.

Ro 3:5

An̈ec tic, man̈ on̈ tojloc. Yuj cha, tzcheclj 'eli to cojn Dios tojol. Palta ¿tasm tze na'a? ¿Tom man̈ tojloc Dios yujto 'oj ya'ch qui yailalec yuj qui mul? 'Ay eb' 'anma tznan 'ixta'.

Ro 6:19

A jun tzo'n̈ wan waln 'at 'ayx tic, 'icha to comn 'ab'xn̈ej tzwutj walni, yujto mantzac nachj 'el wal jun tzo'n̈ cuynb'il tic eyu'uj. A 'a yic yalan̈, ca'jnaquec 'och qui niwnal ya'malc servil tu'al, yet' maysch'olnil. Yuj cha, caw maysch'olnil cutjnaquec qui b'a ta'. Ax ticnec, yowlal 'ixta tzcutjec ca'n 'och qui niwnal tic ya'malc servil wach'il, sec wach' cojxn Dios 'aj tzca'c 'och qui nab'en.

1 Co 14:34

An̈jtona', 'ixta 'ayex, yowlal sictac tz'aj eb' 'ix 'a 'aj tzeyam e b'a cha, yujto may spermiso eb' 'ix spaxtin 'a culto. Yiclum cab' tzyutj sb'a eb', yujto 'ixta tzyal sley Dios.

1 Co 7:40

Palta tzin na 'an tic, tecn yel xo 'ay stzaljc'ojlal 'ix, toto man̈xtzac yij 'ix junc xo winac. Tzin na'a a Yespíritu Dios 'aych wet'oc, yic tzwaln jun tic.

Gl 1:11

Ex wu'tac, ex wanab', tzin nib'j tzeyojquej 'el junx 'oj wal tic. A jun wach' 'ab'x tz'ec' wala', man̈ yico'oc 'anma'.

1 Ts 2:13

A yic caln 'el spaxti Dios 'a e cal on̈, yajn̈ej eya'n 'och 'a e c'ojol, chajtlto yel yic Dios, man̈ yico'oc 'anma'. Yuj cha, caw tzca'n̈j yuj diosal 'a Dios eyuj on̈. A spaxti tic, caw yel yico'. Caw 'ay yopiso sb'on qui nab'en an̈ creyente on̈c tic.

1 Ts 4:8

Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.