1 Co 9:24 - Chuj San Sebastian Bible

²⁴ Q'uinloc 'ay eb' 'aych 'a tajnel ticnec, tzya'n eb' carela. Eyojc xoni, smasnil eb' tzyac' carela. Palta an̈j jun tzb'ab'l c'ochi, an̈j tzchan spac yic cha. Yuj cha, 'icha eb' tz'a'n carela cha, yowlal 'ixta tzcutjec qui b'a 'a yic Cristo, sec 'oj qui chac spac quic junjn on̈ec.

Chuj San Mateo Bible

²⁴ Q'uinaloc tato ay eb' ayoch d'a junoc tajnel ticnaic, a carrera syac' eb'. Eyojtacxo, vach'chom syac' carrera chi' eb' smasanil, palta an̈ej jun mach sb'ab'laj c'ochi, a jun chi' schaan spac. Yuj chi', ichocab' syutej sb'a eb' tz'ac'an carrera chi', yovalil icha chi' scutej co b'a d'a yic Cristo, sec yuj chi' ol co cha spac quic junjun on̈.

1 Co 9:24 ပူးပေါင်းရင်းမြစ်များ

Salmos 19:5

A jun c'u cha, lajn 'icha junc quelm tot nupnac tz'elt 'a yol scuarto, lajn pax 'icha junc winc caw 'ay yip, caw tzalj s'at yac' carela.

Ec 9:11

'Ay junx tas xwil 'a yolyib'n̈q'uinl tic: Man̈ smasnilc tiempo an̈j eb' jeln sb'ey tz'a'n ganar, man̈ smasnilc pax eb' jeln ya'n owl tz'a'n ganar; man̈ smasnilc eb' jelan, wach' yec' tiempo yu'uj. Man̈ smasnilc eb' 'ay snab'en tz'och ricoal, man̈ smasnilc eb' cuywnac tz'och 'a niwc 'opiso; palta a tzyala tas tzchachj yuj junjn mach.

Jeremías 12:5

'Ix yaln Jehová 'ixtc 'ayin: Ach Jeremías, toto matz ach techj a'n carela yet' eb' tzb'ey 'a yoc, ¿tasto wal 'oj otc 'a lajb'tzan a b'ey yet' eb' 'ay q'ue 'a yib'n̈ chej? Toto tzach telw 'a lum 'a'lic caw wach' yec' sat, ¿tasto wal 'oj otc ec' 'a scal te c'ultc caw chitc 'a sti a Jordán?

Os 12:10

An tic, in paxtin 'a eb' in checab'. 'Ix wa'n niwtjoc tas xyil eb' 'a 'icha waychil. A eb' xwac' alnc 'el in cuynb'il 'a ch'oxnb'ilal.

Ro 6:16

Cojquec, toto 'ay junc mach tzya'ch sb'a smoosoc junc winac, to man̈x yico'oc sb'a, toto 'ixta', an̈j win 'ay yic 'a jun 'ejmn̈ej. Yowlal tzyiclj tas tzyal winac. An̈jtona', 'ixta on̈c paxi. Toto tzca'c 'och qui b'a ya'malc servil maysch'olnil, tzqui yiclni tas tznib'ej, to 'ixta', an̈j 'ayn̈ec yico'. Ax qui chamc yuj 'a jun 'ejmn̈ej. Palta toto tzca'c servil Dios, tzqui yiclniec tas tznib'ej, to 'ixta', an̈j 'ayn̈ec yico'. Ax swach' tojlb'i qui nab'enec yu'uj.

1 Co 9:13

Eyojc xoni, a eb' tzmunlj 'a yatut Dios, ata tzchaj eb' tas tzc'uxu. Yujto a eb' 'ay yopiso ya'n xajmb'al, 'ay yaln eb' yic schin schib'jal no noc' chi tzyac' eb' xajmb'al-l cha.

1 Co 9:23

Jantcn̈ej jun tzo'n̈ tzin b'o tic, yuj wach' 'ab'x yic colnb'il tzin b'oni, sec 'oj in cha pax swach'l yuj jun xo.

1 Co 9:26

An xo tic, 'icha junc mach caw tzyac' carela 'a tajnel, 'ixta tzwutj in b'a 'a yic Dios. Matz in chab'c'ojlej in b'a. 'Icha eb' tztajni, tzma'n sb'a eb', yaln̈ej mach tz'a'n ganar, 'ixta tzwutj in b'a jun xo. Yujto 'a smasnil in c'ojol, tzin munlj 'a yic Dios.

Gl 2:2

In 'atx ta', yujto sch'oxjnac Dios 'ayin, to yowlal tzin 'ati. A yic in c'och ta', a eb' checl xon yaji, syam sb'a eb' ta sch'ocj wet'oc. Ata waljnac 'a eb', tas wal yaj jun wach' 'ab'x tzwal-l 'a scal eb' man̈ israeloc. 'Ixta wutjnac in b'a, yujto in nib'jnac, man̈ nab'an̈ejc wixtjnac in b'a in munlji.

Gl 5:7

Caw wach' cob' eyutjnac e b'eyb'al 'a yic yalan̈. Palta ¿machm wal x'a'n e c'ojloc, yuj cha, man̈xtoc yiclum ex 'a jun cuynb'il caw yel?

A Scarta San Pablo D'a Eb' Aj Filipos 2:16

Yujto tzeyal-l spaxti Dios 'a scal eb', atn tzaln yuj qui q'uinlec 'ay 'a jun 'ejmn̈ej. Yuj cha, a yic 'oj jawc Cristo, caw 'oj jawc in tzaljc'ojlal eyu'uj, yujto wojtac, man̈ nab'an̈ejoc xwac' 'ip in munlj 'a e cal.

A Scarta San Pablo D'a Eb' Aj Filipos 3:12

Matz wala, toto tox xwac' ganar jun tzo'n̈ xwal tic. Yujto mant toc caw tz'acn in 'a smasnil. Palta caw an̈ja tzwac' 'ip ticnec, sec toq'ue 'oj in tz'acw 'a smasnil. Yujto a Cristo Jesús, tox in yique'ej.

A Scarta San Pablo D'a Eb' Aj Filipos 3:14

sec wach' 'oj wac' ganar in chan spac, atn in q'uinl 'a jun 'ejmn̈ej. Yuj wal jun tic, tzon̈ yawtnec Dios yico'oc, yujto junxn̈ej tzon̈ 'ajc yet' Cristo Jesús.

A Scarta San Pablo D'a Eb' Aj Colosas 2:18

'Ay eb' tznib'j 'oj 'i'nc 'ec' jun spac eyic 'oj yac' Dios, palta man̈ e cha tas tzyal eb' 'ayex. Caw 'emmquilal tzcob' yutc sb'a eb', tzya'n 'ejm sb'a eb' 'a jun tzo'n̈ ángel. Tzcomn 'a'n 'och sb'a eb' 'a scal jun tzo'n̈ tas man̈ yojcoc. Ton̈j tzcomn b'an̈j sb'a eb', yujto caw jeln eb' snani.

A Ch'an̈ Carta D'a Eb' Hebreo 12:1

Til wal eb' sch'oxjnac 'el sb'a, to ya'jnac 'och eb' Dios 'a sc'ojol. A eb' cha, 'icha to oyn 'och eb' 'ayn̈ec ticnec. An̈ec xo tic, lajn on̈c 'icha eb' caw tzyac' carela 'a junc tajnel. Yuj cha, yowlal tzquijec 'el jun tzo'n̈ 'al yajch 'ayn̈ec, yujto a jun tzo'n̈ chi tzon̈ 'i'nec 'och wa'an. An̈jtona', yowlal tzcactjec can pax jun tzo'n̈ maysch'olnil, yujto a jun tzo'n̈ cha, lajn 'icha junc tas tzcan b'a'n 'a scal coc, tzon̈ telw yu'uj. Yowlal caw te'n tzcutjec qui b'a ca'n quip, 'icha eb' tzyac' carela cha.

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

Apoc 3:11

Jab'xoj 'oj in c'ochxi. Yuj cha, an̈ja wach' tzeyutj e b'eyb'al 'icha ex xoni, sec may mach 'oj stac' yi'nc 'ec' spac eyico'.