1 Co 9:22 - Chuj San Sebastian Bible

²² Ax yic 'ayn 'ec' 'a scal eb' mant 'a ste'nal 'a screyenteal, lajn tzwutj in b'a yet' eb'. 'Icha to mant 'a in te'nal jun xo, sec 'ay eb' tzmontchj wu'uj. Tzann̈j eb' 'aj tzin 'eq'ui, lajnn̈ej tzwutj in b'a yet' eb' smasnil, sec toq'ue 'ay eb' 'oj colchjoc can 'el wu'uj.

Chuj San Mateo Bible

²² Ayic ay in pax ec' d'a scal eb' manto tec'anoc, lajan svutej in b'a yed' eb'. Ichato manto in tec'anoc paxi, yic ay eb' tzin montejochi. Yaln̈ej mach eb' b'aj tzin eq'ui, lajann̈ej svutej in b'a yed' eb' smasanil, yic talaj icha chi' ay eb' ol colchajcanel vuuj.

1 Co 9:22 ပူးပေါင်းရင်းမြစ်များ

Ro 11:14

Yujto tzin nib'ej to tzyil eb' wit chon̈b' cha, to wan e colchji, ax stz'a sc'ojl eb' eyu'uj. To 'ixta', toq'ue 'ay eb' 'oj colchjoc paxi.

Ro 14:1

'Ay eb' creyente mant 'a ste'nal, yujto mantzac nachj 'el wal scuynb'il Cristo yuj eb'. A eb' 'ixta cha, chajec 'och eb' eyet'oc. Palta man̈ comnoc tze tej e b'a yet' eb' yuj jun tzo'n̈ tas mantzac nachj 'el yuj eb'.

Ro 14:2

Yujto a eb' creyente 'ayx ste'nal, yojc eb', to tzann̈j tas tztac' sc'uxn eb'. Palta 'ay pax eb' mant 'a ste'nal. Yuj cha, tzat xiw eb' schin chib'ej, cojxn jun tzo'n̈ te 'itj tzlo eb'.

Ro 15:1

An̈ec tic, te'n on̈c xo 'a yic Dios, yujto tznachj 'el cujec, to may yowlal jun tzo'n̈ cha. Palta 'ay eb' mant 'a ste'nal, tzxiw eb' yu'uj. Yuj cha, yowlal tzca'c techjoc tas tzna eb', sec matz somchj 'el eb' cujec. Matz tac' qui comn b'onec 'icha tzqui nib'ej.

Ro 15:2

Junjn on̈ec, qui b'oc 'icha tznib'j eb' quit creyenteal, sec caw wach' yic eb'. Toto 'ixta', 'oj 'och ste'nal eb' 'a screyenteal.

1 Co 10:33

An xo tic, jantcn̈ej tas tzin b'o'o, tzwa'lj wa'n stzaljc'ojlal smasnil 'anma'. Man̈toc mun wic tzin sayq'ui, yic tzin chan swach'il. Palta tzin say yic jun tzo'n̈ xo 'anma', sec wach' toq'ue 'oj colchjoc 'el eb'.

1 Co 7:16

Yujto ax 'istlab'il ex, man̈ eyojcoc, toq'ue 'oj colchjoc 'el eyichmil cha, yujn̈ej to tzcan eyet'oc. An̈jtona', 'ixta pax ex 'ichmilab'il ex, man̈ eyojcoc, toq'ue 'oj colchjoc 'el eyistl cha, yujn̈ej tzcan eyet' jun xo.

1 Co 8:13

Yuj cha, q'uinloc 'ay junc mach 'oj juwc snab'en yuj tas tzin c'uxu. To 'ixta', yel xo am wach' man̈x 'a chib'j 'oj in chi', sec wach' may junc eb' 'oj juwc 'el snab'en wu'uj.

1 Co 9:19

Wach'xam may mach 'ay yaln yic 'ayin, palta tzwa'ch in b'a ya'malc servil smasnil 'anma', sec wach' caw niwn eb' tzmontchj 'och yico'oc Cristo wu'uj.

1 Co 9:23

Jantcn̈ej jun tzo'n̈ tzin b'o tic, yuj wach' 'ab'x yic colnb'il tzin b'oni, sec 'oj in cha pax swach'l yuj jun xo.

2 Co 11:29

Toto 'ay eb' mant 'a ste'nal, caw tzin 'och 'il yuj eb', 'icha to may in te'nal yet' eb'. Toto 'ay eb' tz'ajx juwc 'el snab'en, caw tzwab' syal si'mb'il yuj eb'.

Gl 6:1

Ex wu'tac, ex wanab', toto 'ay junc mach tz'och smul tzeyila, ax xo yiclum ex 'a Yespíritu Dios, caw tzeyac' snab'enoc 'a 'emmquilal, sec 'oj b'oxc snab'en. Caw tzeyac' cuenta e b'a junjn ex, sec ma'oj eyajx prowal yoch e mul yet'oc.