1 Co 9:18 - Chuj San Sebastian Bible

¹⁸ Yuj cha, a spac wan in chan ticnec, atn tzaljc'ojlal wan in chani yic tz'ec' walnc wach' 'ab'x 'a nab'an̈ej. Yujto wach'xam 'ay waln wic in c'ann in gasto 'a spatc wopiso tic, palta toxn may tas tzin c'ana.

Chuj San Mateo Bible

¹⁸ Yuj chi', a jun spac van in chaan ticnaic, aton tzalajc'olal yujto ix in ec' valel vach' ab'ix d'a nab'an̈ej. Yuj chi' vach'chom ay valan vic in c'anan in gasto d'a spatic vopisio tic, palta malaj tas tzin c'ana'.

1 Co 9:18 ပူးပေါင်းရင်းမြစ်များ

Jn 4:36

'Ay eb' 'e'nc xo munljoc 'a scal eb', 'icha junc 'awm 'in̈at. 'Ay pax eb' tzmunlj 'icha junc jach'm 'a scal eb', sec 'oj scha eb' 'anma chi sq'uinl 'a jun 'ejmn̈ej. Ax eb' tzmunlj cha, c'uxn 'oj scha eb' spac jun smunljel cha, sec wach' lajnn̈ej 'oj tzaljc eb' munljum chi smasnil.

A Tas Sc'ulejnac Eb' Schecab' Jesús Hechos 18:3

Ata x'och wan yet' eb', yujto lajn smunljel eb' schawn̈il. To b'om mantiado eb'. Yuj cha, junn̈j tzmunlj eb' ta'.

Ro 14:15

Q'uinloc 'ay junc tas 'ay yowlal sc'uxx yuj jun tzo'n̈oc eb' quit creyenteal. Toto yuj tzqui c'uxu, yuj cha, tzcus eb', toto 'ixta', may qui chamc'ojlalec 'a eb'. Palta a Cristo 'ix cham pax yuj eb' quet'ec. Yuj cha, caw 'ay smay toto tzjuw 'el snab'en eb' yuj junc tas tzqui c'uxc cha.

1 Co 10:33

An xo tic, jantcn̈ej tas tzin b'o'o, tzwa'lj wa'n stzaljc'ojlal smasnil 'anma'. Man̈toc mun wic tzin sayq'ui, yic tzin chan swach'il. Palta tzin say yic jun tzo'n̈ xo 'anma', sec wach' toq'ue 'oj colchjoc 'el eb'.

1 Co 3:8

A eb' 'awum yet' eb' tz'a'n 'och yalil, lajnn̈ej yel'ch smunljel eb'. Palta 'oj scha eb' spac 'a Dios, a tzyala jantc smunljel junjn eb'.

1 Co 7:31

An̈jtona', yet' eb' tzc'anlb'an jun tzo'n̈ tas 'a yolyib'n̈q'uinl tic, man̈ocn̈ej 'a jun tzo'n̈ chi tzya'ch eb' snab'en. Yujto a jun yolyib'n̈q'uinl tzquilc tic, to wan yeq'ui.

1 Co 8:9

Wach'xam libre cajc qui c'uxn smasnil tas, palta 'ay smay tzjuw 'el eb' mant 'a ste'nal 'a screyenteal cujec. Yuj cha, yowlal tzca'c cuenta qui b'a.

1 Co 9:12

'Ay jun tzo'n̈ xo eb' 'ay yaln yic schan yic 'ayex. Yuj cha, an̈ tic on̈, yel xo wal 'ec'b'al 'ay caln quic 'ayx on̈. Palta wach'xam 'ay caln quic 'ayx on̈, mant 'a jun 'ejmoc qui c'anjnac qui gasto 'ayx on̈. Caw tzcac' techjoc smasnil tas on̈, sec wach' niwn yel'ch yab'xil Cristo 'a 'ajtc tz'ec' cal-l on̈.

1 Co 9:15

An tic, wach'xam 'ay waln wic yet' eb', palta mant 'a 'aj xin c'an jun tic jun 'ejmoc. Ton̈j tzwal't jun tzo'n̈ tic 'ayex. Man̈ yujoc in c'ann in gasto tzin tz'ib'n 'at jun tzo'n̈ tic. Tzin na'a, yel xom wach' tzin chami, 'a yib'n̈ to tzin c'an in gasto 'ayex. Yuj jun tic 'ay waln wic in tzalj 'a sat Dios. May mach tztac' yi'n 'ec' jun in tzaljc'ojlal tic.

1 Co 9:17

Q'uinloc yujn̈ej in wach'loc, tz'ec' walnc 'eli. Toto 'ixta', yowlal tzin chaj in tojol. Palta tzwal-li, yujto wib'n̈ xon yaji, yujto a Dios 'a'jnac jun wopiso tic.

2 Co 4:5

A yic tz'ec' calnc 'el on̈, man̈oc cab'xil tz'ec' cal-l on̈. Palta an̈j tic tzcal-l on̈, chajtlto a Jesucristo Cajlilec. Tzcaln cuj on̈, to eya'maln̈ej servil caj on̈, yujto 'ay qui chamc'ojlal 'a Jesús on̈.

1 Ts 2:6

Tztac' ton caln qui b'a yajlil 'ayex, yujto schecb' on̈ Cristo on̈. Palta 'in ma'ix quij chan̈ qui b'a 'ayx on̈. An̈jtona', may pax junc xo mach 'aj xquij chan̈ qui b'a on̈.