1 Co 9:13 - Chuj San Sebastian Bible

¹³ Eyojc xoni, a eb' tzmunlj 'a yatut Dios, ata tzchaj eb' tas tzc'uxu. Yujto a eb' 'ay yopiso ya'n xajmb'al, 'ay yaln eb' yic schin schib'jal no noc' chi tzyac' eb' xajmb'al-l cha.

Chuj San Mateo Bible

¹³ Eyojtacxo, a eb' smunlaj d'a stemplo Dios, a d'a spatic smunlajel eb' chi' scha tas sva'a. Yujto a eb' ay yopisio sn̈usantz'a juntzan̈ silab', syal schi'an schib'ejal noc' noc' sn̈usjitz'a silab'il chi' eb'.

1 Co 9:13 ပူးပေါင်းရင်းမြစ်များ

Lv 21:22

Tztac' sc'uxn eb' jun tzo'n̈ ofrenda cha, yet' smasnil jun tzo'n̈ xo tas to wic yaji,

Lv 22:7

At yic tzmucn sb'a c'u, tzb'ox can 'el'chi. Tzlajw cha, tztac' xo sc'uxn tas to wic yaji, yujto yic xon yaji.

Lv 6:26

A win ya'mal 'och sti eb' 'anma cha, a tz'a'n jun xajmb'al cha, yuj yajx lajwc mul, tztac' schin win jac no', palta ata tzchi win no 'a jun lugar to wicn̈ej yaji, atn 'a yamq'uil Mantiado 'aj tzin chaj in b'a eyet'oc.

Lv 7:31

A no xepu cha, tz'ajx tz'a no 'a yib'n̈ yet'l xajmb'al yuj win ya'mal 'och sti eb' 'anma', ax no sn̈i sc'ojl cha, yic Aarón yaj no yet' eb' yunnal.

Nm 18:31

tztac' sc'uxn eb' yet' yunnal, yaln̈ej 'aj 'ayc' eb'. Atn jun chi tztojlej eb', yic tzmunlj eb' 'a yol Mantiado cha.

Ro 6:16

Cojquec, toto 'ay junc mach tzya'ch sb'a smoosoc junc winac, to man̈x yico'oc sb'a, toto 'ixta', an̈j win 'ay yic 'a jun 'ejmn̈ej. Yowlal tzyiclj tas tzyal winac. An̈jtona', 'ixta on̈c paxi. Toto tzca'c 'och qui b'a ya'malc servil maysch'olnil, tzqui yiclni tas tznib'ej, to 'ixta', an̈j 'ayn̈ec yico'. Ax qui chamc yuj 'a jun 'ejmn̈ej. Palta toto tzca'c servil Dios, tzqui yiclniec tas tznib'ej, to 'ixta', an̈j 'ayn̈ec yico'. Ax swach' tojlb'i qui nab'enec yu'uj.

1 Co 10:18

Tze na cot tas tzyutj sb'a eb' wit israelal cha. A yic tzchin eb' jun tzo'n̈ no noc' tzyac' xajmb'alil, junxn̈ej yaj eb' yet' Dios, atn jun tzchan xajmb'al eb' cha.

1 Co 9:24

Q'uinloc 'ay eb' 'aych 'a tajnel ticnec, tzya'n eb' carela. Eyojc xoni, smasnil eb' tzyac' carela. Palta an̈j jun tzb'ab'l c'ochi, an̈j tzchan spac yic cha. Yuj cha, 'icha eb' tz'a'n carela cha, yowlal 'ixta tzcutjec qui b'a 'a yic Cristo, sec 'oj qui chac spac quic junjn on̈ec.

Dt 10:9

Yuj cha, a eb' yin̈tl Leví, may smacl lum eb' schaj 'icha yic smasnil eb' quit chon̈b'ec, yujto a Jehová a tzyac' servil eb', a chi smacl eb' yaji, 'icha wal yaj yaln cani.)

A Ch'an̈ B'ab'el Libro Samuel 2:28

Ax 'a scal smasnil eb' eyit israelal, ata ex in si'cn 'eli, yic tzex 'och ya'malc 'och sti eb' 'ayin, sec ax xo tze n̈us no xajmb'al 'a yib'n̈ yet'l 'aj tz'a'i. Tzeya'n tz'a pax incienso, 'aych cab' pax e camx chaleco eyu'uj yic tzex 'ochch 'a wojltac. An̈jtona', xwac' sc'ux eb' e mam eyichm smasnil jun tzo'n̈ ofrenda tz'ajx tz'a 'a wojltac yic tzin yi'n chan̈ eb' eyit israelal tic.