1 Co 8:3 - Chuj San Sebastian Bible

³ Palta a eb' tzchamc'ojlan Dios, 'ojcab'il xon eb' yu'uj.

Chuj San Mateo Bible

³ Palta a eb' xajanab'il Dios yuuj, ojtacab'il pax eb' yuj Dios chi'.

1 Co 8:3 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 3:3

Caw wal tzchamc'ojlej Salomón Jehová, tzyiclni ley alb'il can yuj David 'a 'a, atn smam. Locn pax tz'at yac' xajmb'al yet' incienso 'a jolmctac witz,

Salmos 1:6

A Jehová a tztan̈wni eb' tojl sb'eyb'al, palta ax pax eb' tu sb'eyb'al, wan s'atcn eb' 'a syailal.

Salmos 17:3

Ach tic Mamin, caw ojtac tas 'ayc' 'a in nab'en. 'A junjn 'ac'wal tzwul in a b'eyc'ojlani, tzin a'n prowal, palta may in mul tz'ilchj o'oj. May 'aj 'ix wal jun tzo'n̈ paxti to man̈ smojc walni.

Ex 33:12

'Ix yaln Moisés 'ixtc 'a Jehová: —Mamin, ach 'ix al 'ayin to an tzin jucb'tzej jun chon̈b' tic, palta ma'ix al 'ayin mach tzcolwj wet'oc. 'Ix aln paxi chajtlto 'ojcab'iln o'oj, 'ay a tzaljc'ojlal wet' alni.

Ex 33:17

'Ix yaln Jehová 'ixtc 'a Moisés: A jun tzo'n̈ paxti tzal tic, 'oj in b'o 'icha tzal cha, yujto caw tzach wa'ch yipc in c'ojol, caw wojc ach paxi, xchi Dios 'a Moisés.

Jeremías 1:5

Yictax mantzac ach wac' pitzwc 'a a nun, toxn sic'b'ilch xon 'el wu'uj. A yic mantzac ach 'alji, ach wi'n xon 'och wico'oc, yic tzach 'och in checb'oc 'a scal jun tzo'n̈ nacion̈, xchi 'ayin.

Am 3:2

Ex israel, to cojn ex sic'b'ilx 'elt wuj 'a scal smasnil eb' chon̈b' 'ay 'a yolyib'n̈q'uinal. Yuj cha, 'oj wa'ch yailal 'a eyib'n̈ yuj smasnil maysch'olnil tze b'o'o, xchi.

Nahúm 1:7

Caw wach' snab'en Jehová, colnb'il yaj 'a yic 'ay junc yailal. A eb' tzya'ch sc'ojl 'a 'a, caw tzcolx eb' yu'uj.

Mt 7:23

Palta 'oj wal 'ixtc 'a eb': Toxn man̈ ex wojcoc. 'Eln̈ec 'a in tz'ey, yujto cojn maysch'olnil xlaj e b'o', 'oj in chic 'a eb'.

Jn 10:14

An tic, lajn in yet' junc 'ilm calnelu caw wach'. Ax eb' 'anma to yajnacx 'och sc'ojl 'ayin, 'icha in calnelu yaj eb'. A 'in Mam, yojc in. An̈jtona 'in, wojc pax in Mam cha. 'Icha wojc in b'a yet' in Mam cha, 'ixta wojc in b'a yet' eb' wic jun xo. 'Oj wac' cham in b'a yuj eb' wic cha.

Jn 21:17

'Ix yaln pax 'ixtc 'a yoxlal: —Simón, ach yunnal Juan, ¿tzam in a chamc'ojlej? xchi 'a 'a. Yuj cha, caw 'ix cus chan̈ Pedro cha, yujto yoxlal sc'anb'n Jesús 'a 'a, toto tzchamc'ojlej. Yuj cha, 'ix yaln pax 'a 'ixtic: —Mamin, ojc xon smasnil to chamc'ojlb'ilchn̈ej wu'uj, xchi 'a 'a. —Toto 'ixta', 'icha junc 'ilm calnelu, 'ixta tzotj a jucb'tzan eb' wic xo.

Ro 11:2

Yictax pecti', yaljnac Dios yuj eb' israel to yic eb'. Ax ticnec, ma'oj spatquilc can 'el eb'. Cojquec yab'xil win Elías 'a Ch'an̈ U'un̈. A 'a jun 'el, xleslwi Elías 'a Dios, yalni tas smul eb' yit israelal cha. Yaln yuj eb' 'ixtic:

1 Co 13:12

Yujto a ticnec, mantzac nachj 'el wal yic Dios cujec. 'Ichan̈ej quilnec jun tzo'n̈ tas 'a junc nen q'uic'moynac sat, 'ixta cajec. Palta a yic jun tiempoal cha, 'oj nachjc 'el smasnil tas yic Dios cujec. Yujto si'mb'il 'oj quilc wal smasnil tas. A ticnec, mantzac tz'acw cojcanec 'el yic Dios, palta a 'a jun tiempoal cha, 'oj cojcoquec 'eli. A ticnec, yojc on̈c Dios si'mb'il. 'Ixta 'oj 'aj cojcanec 'el smasnil yic Dios ta'.

1 Co 2:9

Palta tzyal 'ixtc 'a Ch'an̈ U'un̈: 'Ay wal jun tas sb'ojnac Dios, yic tzya'n 'a eb' 'ay schamc'ojlal 'a 'a. Mant 'a junc mach tz'iln junc chi 'ixta', mant 'a mach tz'ab'ni. May pax junc mach xnan 'el jun cha, xchi 'a Ch'an̈.

Gl 4:9

Al ticnec eyojc xo Dios. Yel xo wach' tzcala, a Dios tox ex 'ojcan 'eli. Yuj cha, ¿tas yuj tzex meltzj pax 'a jun tzo'n̈ b'eyb'al caw may yel'chi? ¿Tas yuj tze nib'j tzeya'x servil jun tzo'n̈ cha?

2 Ti 2:19

'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

A Sb'ab'el Carta San Pedro 1:8

Ax xo, wach'xam man̈x 'ic eyil Jesucristo, palta 'ay e chamc'ojlal 'a 'a. Matz eyila, palta tzeya'ch e c'ojl 'a 'a. Caw tzex tzalji. A wal e tzaljc'ojlal cha, caw niwn yel'chi, man̈ jantcoc swach'il.

1 Jn 4:19

'Ay qui chamc'ojlalec 'a Dios ticnec, yujto a on̈ b'ab'l chamc'ojlanec.

1 Jn 4:7

Ex wu'tac, ex wanb' chamc'ojlb'il wu'uj, caw qui chamc'ojloquec qui b'a, yujto a jun chamc'ojlal, a 'a Dios tzcoti. Toto tzqui chamc'ojlejec qui b'a, to 'ixta', yunnaln̈ec Dios, 'ojcab'ilx cujec.

Apoc 2:13

[Wojtac, jantcn̈ej tas tze b'o'o.] Wojtac, to 'ayx 'ec' 'a jun chon̈b' 'aj tzyac' Satanás yajlil, palta an̈ja yiclum ex 'ayin. A Antipas, caw yel ya'jnac testigoal sb'a wu'uj. 'Ix milx cham 'a e cal, 'a 'aj 'ayc' Satanás cha, palta an̈ja ma'ix eyactj can eya'n 'och e c'ojl 'ayin.

Apoc 2:19

Wojtac, jantcn̈ej tas tze b'o'o. Wojtac, to 'ay e chamc'ojlal. Caw tzin eya'ch 'a e c'ojol. Tzin eyac' servil. Caw niwn tzeyutj e c'ojol. Wojtac, yel xo niwn e munljel ticnec, man̈ 'ichaoc ex 'a yic yalan̈.

Apoc 2:9

[Wojtac, jantcn̈ej tas tze b'o'o.] Wojtac, caw tzeyab' syal wu'uj. Caw meb'a 'ex, palta wal yel rico ex 'a sat Dios. Wojc paxi, chajtl tzex 'aj e b'uchx yuj eb' tzyalch sb'a israelal. Palta a eb' cha, atn win Satanás wan ya'n servil eb'.