1 Co 7:34 - Chuj San Sebastian Bible

³⁴ Yuj cha, chab' tz'el snab'en eb'. An̈jtona', man̈ lajnoc eb' 'ix 'ayx yichmil yet' eb' may yichmil. A eb' may yichmil cha, tzna eb' tas 'oj yutc eb' ya'n servil Cajlilec, yujto tzyac' eb' sniwnal yet' spixn yico'oc Dios. Ax eb' 'ayx yichmil, a wal tas 'ay 'a yolyib'n̈q'uinl tic tzna eb'. Yujto tzna eb' tas 'oj yutc eb' ya'n servil sb'a yet' yichmil cha.

Chuj San Mateo Bible

³⁴ Yuj chi' chab' tz'aj spensar vin̈. An̈ejtona', man̈ lajanoc ix ayxo vin̈ yetb'eyum yed' ix cob'esto. Yujto a ix cob'es chi', an̈ej d'a juntzan̈ tas stzalaj Cajal Jesús yed'oc, a sna ix, yujto syac' val snivanil ix yicoc Dios yed' spensar. Axo ix ayxo vin̈ yetb'eyum, a val tas ay d'a yolyib'an̈q'uinal tic snaub'tan̈ej ix, yujto sna ix tas syutej yac'an servil vin̈ yetb'eyum ix chi'.

1 Co 7:34 ပူးပေါင်းရင်းမြစ်များ

Jn 10:13

Ton̈j tz'at win 'eloc, yujto yujn̈ej schan win stojol, tzyiln win e no'. Yuj cha, may yel'ch e no 'a winac.

Ro 6:13

Matz tac' ca'nec 'och qui niwnal tic 'a yol sc'ab' maysch'olnil tzqui b'onec jun tzo'n̈ tu'al. Yowlal an̈j 'a yol sc'ab' Dios tzca'c 'och qui b'a, yujto chamnc on̈c xo 'a sat, on̈ pitzwec paxi. Yuj cha, caw ca'c 'och qui niwnal tic 'a yol sc'ab' Dios, sec wach' cojxn jun tzo'n̈ tas wach' tzqui b'oc yet'oc.

1 Co 6:20

yujto manb'iln̈ec xo 'eli. Yuj cha, yowlal caw wach' tzcutjec ca'n cuenta qui niwnalec tic, tzqui ch'oxnec 'el qui b'a, to caw niwn yel'ch Dios.

1 Co 7:33

Ax eb' 'ayx yistzil, a wal tas 'ay 'a yolyib'n̈q'uinl tic tzna eb', yujto tzna eb' tas 'oj yutc ya'n stzaljc'ojlal yistzil cha.

1 Co 7:35

A jun tzo'n̈ tzwal't 'ayx tic, man̈ yujoc ex in tenn 'och wa'an, tzwaln 'ati. Ma'ay, palta tzwal't jun tzo'n̈ tic 'ayex, sec caw wach' eyico'. Yujto tzin nib'j tze b'eylb'ej 'icha tznib'j Cajlilec, tzeya'n servil 'a smasnil e c'ojol.

2 Co 11:28

Man̈ cojnoc jun tzo'n̈ yailal tic tzwab'i, yujto junjn c'u, caw tzwab' syal in nan eb' creyente 'a junjn iglesia.

2 Co 8:16

Tzwac' yuj diosal 'a Dios, yujto a tz'a'n jawc 'a sc'ojl Tito, yic tzex sya'ilni, 'icha tzwutj ex wiln an tic.

A Scarta San Pablo D'a Eb' Aj Filipos 1:20

Tzwa'ch yipc in c'ojol, to ma'oj wac' in q'uixwloc. Tzin nib'ej, caw te'n 'oj wutc waln 'eli, 'icha xon tzwutj in b'a. Toto 'ixta', wach'xam pitzn in, wach'xam tzin chami, wu'uj 'oj checljoc can 'eli, chajtlto caw niwn yel'ch Cristo.

1 Ts 5:23

A Dios 'a'm junc'ojlal. Tzqui nib'j on̈, a tzex wach' 'i'n 'och yico'oc si'mb'il. Tzqui nib'j pax on̈, a tz'a'n cuenta e pixan, e nab'en, yet' pax e niwnal, sec may jac e mul ax sjaw Cajlil Jesucristo.

1 Ti 3:5

A mach man̈ yojcoc tas tzyutj ya'n cuenta sb'a 'a yol yatut, ¿tast wal 'oj yutc ya'n cuenta yiglesia Dios?

1 Ti 5:5

'Ay eb' 'ix chamnc xo yichmil, caw yel tzcan eb' sch'ocoj. Cojxn Dios tzya'ch eb' yipc sc'ojol. Sc'ual yac'wlil sleslwi eb' 'a 'a, tzc'ann eb' jantcn̈ej tas 'ay tz'och yu'uj.

Tito 3:8

A jun tzo'n̈ tic, caw yel. Tzin nib'j caw te'n tzotj a b'a aln 'el jun tzo'n̈ cuynb'il tic, sec wach' a eb' tzya'ch sc'ojl 'a Dios, 'oj ya'ch wal eb' snab'en sb'on jun tzo'n̈ tas wach'. A jun tzo'n̈ cuynb'il tic, caw wach'. Caw 'ay yopiso 'ayon̈ yet' 'a smasnil 'anma'.