1 Co 7:29 - Chuj San Sebastian Bible

²⁹ Ex wu'tac, ex wanab', a junx 'oj wal't 'ayx tic, to jab'xoj wal tiempo. Yuj cha, a eb' 'ayx yistzil ticnec, matz tac' cojn 'a yistl eb' chi tzya'ch snab'en.

Chuj San Mateo Bible

²⁹ Ex vuc'tac ex vanab', a junxo tic sval d'ayex: A tiempo jab'xon̈ej ticnaic, yuj chi', a eb' vin̈ ay ix yetb'eyum, max yal-laj an̈ej d'a ix yetb'eyum eb' vin̈ chi' syac'och spensar.

1 Co 7:29 ပူးပေါင်းရင်းမြစ်များ

A Ch'an̈ Schab'l Libro Samuel 19:34

Palta 'ix ta'w Barzilai, 'ix yaln 'ixtic: —Jaye xoj ab'il pitzn in, nab'a xoj tzin cob' 'at et' 'a Jerusalén ach rey.

Ec 6:12

May junc on̈ec cojtac tas junc tz'och qui wach'loc, yic 'ayn̈ec 'ec' 'a yolyib'n̈q'uinl tic. A qui q'uinlec may jac yel'chi, lajn yec' 'icha junc wewen. ¡Toc 'ayt mach 'oj alnc cab'ec tas tzb'o 'a yolyib'n̈q'uinl tic yic chamnc on̈c xo!

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Ez 7:12

'Ix jaw stiempoal, 'ix c'och sc'ual yic man̈x 'a stzaljc'ojlal eb' manm lu'um, yet' pax eb' tzchon̈wj cha, man̈xtzac cus eb', yujto an tzwac' syailal smasnil eb' 'anma'.

Lc 14:20

'Ix yaln junx winac: Tot in nupni, yuj cha, ma'oj stac' in 'ati, xchi winac.

1 Co 7:28

Palta toto 'ayx tzeya'ch eyistzil, a jun cha, man̈ muloc. Yet' pax ex cob'stac 'ix, toto tzeya'ch eyichmil, man̈ mulc jun cha. Palta a eb' tz'och yitb'eyum, caw wal niwn yailal 'oj yil eb' 'a yolyib'n̈q'uinl tic. Yuj cha, tzwaln 'at jun tzo'n̈ tic 'ayex, yujto tzin nib'j ma'oj jawc jun tzo'n̈ yailal tic 'a eyib'an̈.

1 Co 7:30

A eb' tzcusi, matz tac' cojn jun scusc'ojlal eb' chi tzna'a. Yet' eb' tzalji, matz tac' cojn jun stzaljc'ojlal eb' chi tzna'a. Yet' eb' tzmanwji, man̈ocn̈ej ta tzya'ch eb' snab'en.

1 Co 7:31

An̈jtona', yet' eb' tzc'anlb'an jun tzo'n̈ tas 'a yolyib'n̈q'uinl tic, man̈ocn̈ej 'a jun tzo'n̈ chi tzya'ch eb' snab'en. Yujto a jun yolyib'n̈q'uinl tzquilc tic, to wan yeq'ui.

A Sb'ab'el Carta San Pedro 1:24

'Icha tzyal 'a Ch'an̈ U'un̈: A sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb', 'icha tz'aj slajw 'ejm swach'l yilx te nich te 'ay 'a lum 'a'lic. A te c'ultac, caw yajn̈ej tztacj can 'el te', ax snich te', tzlaj puccn 'eli.

A Sb'ab'el Carta San Pedro 4:7

A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.

1 Jn 2:17

A yolyib'n̈q'uinl tic, yet' jantcn̈ej maysch'olnil tznib'j 'och eb' 'anma', wan slajw 'eq'ui. Palta a eb' tzb'on 'icha tznib'j Dios, pitzn eb' 'a jun 'ejmn̈ej.