1 Co 7:26 - Chuj San Sebastian Bible

²⁶ Yuj jun tzo'n̈ yailal tzjaw 'a quib'n̈ec tic, tzin na'a, wach' tzon̈ canc junjn on̈c 'icha xon cajec.

Chuj San Mateo Bible

²⁶ Yuj juntzan̈ yaelal van sja d'a quib'an̈ tic, tzin na'a to vach' tzon̈ can junjun on̈ ichataxon caji.

1 Co 7:26 ပူးပေါင်းရင်းမြစ်များ

Mt 24:19

A 'a jun tiempoal cha, a yic 'oj 'at eb' 'anma 'eloc, caw 'oltac eb' 'ix 'ix 'ayx tz'i'ni, yet' eb' tzyac' chuw yune'.

Lc 21:23

A wal yic 'oj 'at eb' 'anma 'elc 'a jun tiempoal cha, caw 'oltac eb' 'ix 'ix 'ayx tz'i'ni, yet' eb' 'ix tzyac' chuw yune'. Yujto caw niwn yailal 'oj jawc 'a yib'n̈ eb' 'anma 'a jun tzo'n̈ lugar tic. Yujto a Dios 'oj ya' cot yowl sc'ojl 'a yib'n̈ eb' quit israelal.

1 Co 7:1

Tic 'oj walb't yuj jun tzo'n̈ tas e c'anb'jnac 'a jun e carta 'ayin. Wach' toni, toto 'ay eb' winc matz 'och yistzil.

1 Co 7:27

Yuj cha, ax xo 'ayx eyistzil, matz tac' e sayni, chajtl tzeyutj e pojn e b'a. Yet' pax ex mant 'a eyistzil, wach' matz e say xon eyistl cha.

1 Co 7:28

Palta toto 'ayx tzeya'ch eyistzil, a jun cha, man̈ muloc. Yet' pax ex cob'stac 'ix, toto tzeya'ch eyichmil, man̈ mulc jun cha. Palta a eb' tz'och yitb'eyum, caw wal niwn yailal 'oj yil eb' 'a yolyib'n̈q'uinl tic. Yuj cha, tzwaln 'at jun tzo'n̈ tic 'ayex, yujto tzin nib'j ma'oj jawc jun tzo'n̈ yailal tic 'a eyib'an̈.

1 Co 7:8

Tzwaln pax 'at jun tzo'n̈ xo tic 'a 'ayx mantzac 'och eyistzil, yet' 'a 'ayx ex 'ix chamnc eyichmil. Yel xo am wach' tzex cann̈j e ch'ocoj, 'icha 'in tic.

2 Ts 2:2

man̈ e comn 'a'c somchjc 'el e nab'en, toto 'ay eb' tzaln 'ayex, to jawnacx Cajlilec. Wach'xam tzyal eb' to a Yespíritu Dios xch'oxn 'a eb', mto mun tzyal eb' sch'ocoj, man̈ ex 'och 'il yuj eb'. Toxn̈ej tzyal eb', to xc'och qui carta 'a eb' on̈, man̈ e cha eyab'i'.

A Sb'ab'el Carta San Pedro 4:17

Tox 'oj jawc stiempoal sb'eyc'ojlax smasnil 'anma'. An̈ec yunnaln̈ec xo Dios, 'oj qui b'ab'l b'eyc'ojlaxi. Toto tzon̈ b'ab'l b'eyc'ojlax an̈ec tic, ¿ocxom wal eb' matz yiclni xon jun wach' 'ab'x yic Dios?