1 Co 7:17 - Chuj San Sebastian Bible

¹⁷ Junjn on̈ec, a tas caj xon yuj Cajlilec yic on̈ yawtnec 'och Dios, tzon̈ cann̈j 'ixta'. 'Ixta tzwutj waln pax 'a eb' creyente 'a junjn iglesia.

Chuj San Mateo Bible

¹⁷ Junjun on̈, a tas cajcan yuj Cajal Jesús ayic ix on̈ yavtanoch Dios yicoc, tzon̈ cann̈ej ichn̈ej ta'. Icha chi' svutej pax valan d'a eb' creyente d'a junjun iglesia.

1 Co 7:17 ပူးပေါင်းရင်းမြစ်များ

Mt 19:12

'Ay jun tzo'n̈ eb', yictax yalj eb' palta xon yaj eb', yuj cha, matz tac' yoch yistl eb'. 'Ay pax eb' tzat juw yuj eb' 'anma', yuj cha, matz tac' yoch pax yistl eb'. 'Ay pax eb' matz ya'ch xon yistzil, yujto cojxn Cajlil 'ayc' 'a satcha'an̈, an̈j tznib'j eb' tzyac' servil. A eb' tz'a'n techjoc jun tic, techj cab' yuj eb', xchi Jesús 'a eb'.

1 Co 10:32

Wach'xam israel, mto man̈ israeloc, caw matz tac' ca'nec juwc 'el snab'en eb'. An̈jtona', yet' eb' yiglesia Dios quet'ec, matz tac' ca'nec juwc 'el snab'en eb'.

1 Co 11:16

Toto 'ay ex, tzcot eyowl yuj jun tzo'n̈ cuynb'il tic, yowlal tznachj cab' 'el eyu'uj, chajtlto an̈ tic on̈, toxn matz qui chaj junc xo chuc b'eyb'al on̈. An̈jtona', 'ixta pax eb' creyente 'a junjn yiglesia Dios, matz chaj eb' junc xo chuc b'eyb'alil.

1 Co 11:34

Toto 'ayx caw 'ay e wejel, yowlal tzex wacn 'a eyatut. Toto 'ixta', wach' 'oj eyutc e b'eyb'al, yic tzeyamn e b'a ta'. Ax Dios, ma'oj ya' cot yailal 'a eyib'an̈. Ax jun tzo'n̈ xo tas tzat yac' palta 'ayex, 'ojt in b'oyaji, yic 'oj in c'och 'ayx ta'.

1 Co 14:33

Toto ton̈j tzon̈ somljiec calni, man̈oc 'a Dios tzcot jun cha. Yujto tznib'ej, sictac tzon̈ 'ajec. A sb'eyb'al eb' creyente 'a junjn iglesia, caw sictac tz'aj eb' 'ix 'ix.

1 Co 16:1

A ticnec 'oj wal't 'ayx yuj jun ofrenda 'oj q'ue wan 'a e cal, yic 'oj 'ajxc 'a eb' quit creyenteal 'ay 'a Jerusalén. A jun tzo'n̈ checnb'il tic 'oj wal't 'ayx tic, waljnacx 'a eb' creyente 'a yol yic Galacia. Yuj cha, 'ixta 'oj eyutc e b'a junx yet' eb'.

1 Co 4:17

Yuj wal jun tic, tzin checn 'at Timoteo tic 'ayex. A Timoteo tic, 'icha to wunnal yaj 'a sat Cajlilec. Caw chamc'ojlb'il wu'uj, caw yiclum pax tzyutj sb'a. A 'oj 'at alnoc 'ayex, ax e nan coti, tas xwutj in b'eyb'al 'a yic wa'n 'och in nab'en 'a Cristo. 'Icha tzwutj in cuyn eb' creyente 'a junjn iglesia, 'ixta 'oj yutc ex scuyn jun xo.

1 Co 7:18

Yuj cha, toto 'ayx chab'il xo jun yechl circuncisión chi 'a e niwnal, yic ex 'awtx 'och yuj Dios, matz tac' e c'ub'n 'eli. An̈jtona', toto 'ayx man̈ chab'ilc jun yechl chi eyu'uj, yic ex 'awtx 'ochi, man̈xtzac stac' e chan ticnec.

1 Co 7:24

Yuj cha, ex wu'tac, ex wanab', a 'a sat Dios, wach' tzon̈ can junjn on̈c 'icha xon cajec, yic on̈ yawtnec 'och Dios yico'oc.

1 Co 7:7

An tic, tzin na'a, to wach' matz 'och eyistzil e masnil 'icha 'in tic. Palta chucchc qui nab'en junjn on̈ yuj Dios. Yujto 'ay eb' winc yowlal tz'och yistzil, 'ay pax eb' 'ix 'ix yowlal tz'och yichmil. 'Ay pax eb' man̈ yowlaloc.

2 Co 11:28

Man̈ cojnoc jun tzo'n̈ yailal tic tzwab'i, yujto junjn c'u, caw tzwab' syal in nan eb' creyente 'a junjn iglesia.

2 Co 8:18

'Ay junx cu'taquec 'oj qui checb't yet' on̈. A jun tic, caw tzyal eb' creyente wach'l 'a junjn iglesia, yujto caw wach' smunlj 'a wach' 'ab'x yic colnb'il.

Gl 1:22

Ax eb' 'anma 'a jun tzo'n̈ yiglesia Cristo 'a yol yic Judea, mant in yojcoc eb' ta'.

1 Ts 2:14

Ex wu'tac, ex wanab', caw lajn ex 'aj yet' eb' creyente 'a junjn yiglesia Dios 'a yol yic Judea. A eb' cha, yic xo Cristo Jesús eb' quet'ec. Caw xyab' eb' syal yuj eb' yit israelal. An̈jtona', 'ixta ex. Xeyab' syal yuj eb' eyit chon̈b' jun xo.

2 Ts 1:4

Yuj cha, tz'ec' cal e wach'l 'a scal eb' creyente 'a junjn yiglesia Dios. Yujto til wal tas tz'ajx 'och 'a eyib'an̈, caw niwn syal wan eyab'n ta', palta caw te'n tzeyutj eya'n 'och e c'ojl 'a Dios. Wan eya'n techjoc smasnil.