1 Co 7:11 - Chuj San Sebastian Bible

¹¹ Palta toto 'ay junc 'ix tzpoj sb'a yet' yichmil, yowlal tzcann̈j 'ix 'ichn̈j ta'. Cojn yet' yichmil chi tztac' yi'n sb'a jun 'ejm xo. An̈jtona', 'ixta ex pax ex wu'tac, matz tac' e pojn e b'a yet' eyistzil cha.

Chuj San Mateo Bible

¹¹ Palta tato ay junoc ix spuc sb'a yed' vin̈ yetb'eyum, yovalil scann̈ej ix ichn̈ej ta'. An̈ej yed' vin̈ yetb'eyum ix chi' syal yic'lanxi sb'a junelxo. An̈ejtona', icha ex pax chi' ex vuc'tac ex, max yal-laj e pucan e b'a yed' ix eyetb'eyum.

1 Co 7:11 ပူးပေါင်းရင်းမြစ်များ

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Jeremías 3:1

'Ix yaln pax Jehová 'ixtic: Q'uinloc 'ay junc winc tzpoj sb'a yet' yistzil, ax 'ix 'ix cha, tzyij 'ix junc xo winac. Tzlajw cha, tzpojn pax sb'a 'ix yet' junx win cha. Ax win yijnac 'ix 'a b'ab'l cha, man̈xtzac stac' yi'n sb'a win yet' 'ix. Toto tzyij sb'a eb' jun 'ejm xo, caw tzjuw 'el lum lum tic 'a in sat yuj jun cha. An Jehová in, an tzwala, to ax israel ex tic, 'in 'ixta xeyutj e b'a. In eyactjcani, ax 'a jun tzo'n̈ comn dios to chamc'ojlb'il eyu'uj, ata ex 'och tzac'an. Ax ticnec, tzcob' e nib'n tzex meltzj cot pax 'ayn jun 'ejm xo.

Mt 5:32

Palta an tzwal 'ayex, toto 'ay mach tzpoj sb'a yet' yistzil, palta man̈ 'ajmuloc yistl cha, toto 'ixta', tzya't win 'ix 'a 'ajmulal. An̈jtona', tzann̈j mach tzyij sb'a yet' junc 'ix tzpoj sb'a yet' yichmil cha, tz'och pax win 'ajmulal yet' 'ix.

Mr 10:12

An̈jtona', tzann̈j junc 'ix tzpoj sb'a pax yet' yichmil, tzyi'n junc xo winac, tz'ochcn pax 'ix 'ajmulal jun xo, xchi Jesús 'a eb'.

Mr 10:2

'Ay jun tzo'n̈ ewin fariseo xjaw 'a 'a, yujto tznib'j ewin tzyac' prowal, yuj cha, 'ix sc'anb'n ewinac toto 'ay sleyl tzpoj sb'a junc winc yet' yistzil.

Lc 16:18

Toto 'ay junc winc tzpoj sb'a yet' yistzil, tzyi'n win junc xo 'ix, a jun winc cha, tz'och 'ajmulal. Toto 'ay pax junc winc tz'i'n junc 'ix spojjnac sb'a yet' yichmil cha, tz'och pax win 'ajmulal.

1 Co 7:10

Ax xo 'ayx eyistzil, 'oj wal't jun tzo'n̈ checnb'il tic 'ayex. A jun tzo'n̈ checnb'il tic, man̈ wico'oc, yic Cajlilec. Ax xo ex wanab', matz tac' e pojn e b'a yet' eyichmil.

1 Co 7:12

'Ay pax jun tzo'n̈ xo ex, 'ay jun tzo'n̈ tas 'oj wal't 'ayx jun xo. Palta man̈ schecnb'iloc Cajlil jun tzo'n̈ tic, yujto mun wico'. Toto 'ay junc cu'tac matz 'och yistl creyenteal yet'oc, palta 'ay sgana scan yistl chi yet'oc, matz tac' spojn sb'a yet' yistl cha.

Dt 22:19

Tzya'n eb' yac' win multa, jun ciente q'uen tumn plata tzyac' winac, ax q'uen tumn cha, a eb' smam 'ix chi tzchani, yujto tzyal winac, to 'ayx smul 'ix cob's 'ix cha. Man̈ yujoc cha, tztac' spojn sb'a win yet' 'ix, palta tzcann̈j pax 'ix yistloc winac, masnto chamel.