1 Co 6:5 - Chuj San Sebastian Bible

⁵ Tzwalb't jun tzo'n̈ tic 'ayex, sec 'oj e q'uixw 'eli. ¿Tom tze na'a, to may junc eb' 'a e cal tznachj 'el yu'uj? ¿Tom may junc eb' tztac' ex sb'onyaj ax creyente ex xo cha?

Chuj San Mateo Bible

⁵ Svalb'at juntzan̈ tic d'ayex, yic vach' tzex q'uixvieli. ¿Tom malaj junoc mach d'a e cal snachajel yuuj sb'oan yaji? ¿Tom malaj junoc mach syal sb'oan yaj d'ayex a ex creyente exxo?

1 Co 6:5 ပူးပေါင်းရင်းမြစ်များ

Pr 14:8

A sjelnal eb' jelan, a tz'a'n yojcoc 'el eb' tas tzb'o'o, ax sman̈ nab'enal eb' tu snab'en, a tz'ixtn 'el eb'.

A Tas Sc'ulejnac Eb' Schecab' Jesús Hechos 1:15

A 'a yic jun tiempoal cha, 'aym junc 120 eb' creyente 'ix syam sb'a. Ax Pedro xq'ue wan lin̈n 'a scal eb'. 'Ix yaln 'ixtic:

A Tas Sc'ulejnac Eb' Schecab' Jesús Hechos 9:13

Palta xyaln Ananías 'ixtc 'a Cajlil: —Mamin, til wal mach xaln 'ayn yuj Saulo cha. A 'a Jerusalén, man̈ jantcoc stul 'ix yac' 'a eb' tzya'ch sc'ojl 'ayach.

1 Co 11:14

'In yojc eb' 'anma smasnil, an̈ winc on̈c tic, toto niwc xil qui jolm 'icha junc 'ix, tzon̈ q'uixwec.

1 Co 15:34

Caw tze na wal e b'a, tze b'o e nab'en. Man̈x e b'o jun tzo'n̈ maysch'olnil, yujto 'ayx mantzac eyojquej 'el wal Dios. Tzwalb't jun tzo'n̈ tic 'ayex, sec 'oj e q'uixw 'eli.

1 Co 3:18

Caw man̈ e cha 'ixtxoc paxti e b'a. Toto 'ayx tze na'a, to jeln ex 'a yic yolyib'n̈q'uinl tic, yowlal tzeyij 'ejm e b'a 'a 'emmquilal, 'icha to may xon tas eyojtac, sec a Dios 'oj 'a'nc e jelnal cha.

1 Co 4:10

'Icha to may jac qui nab'en 'a sat eb' 'anma 'on̈, yujto 'aych qui nab'en 'a Cristo on̈. Palta ax xo, caw jeln ex xo 'a yic Cristo chi e nani. Cojc on̈, man̈toc te'n on̈ on̈. Ax xo, 'icha to caw te'n ex xo. An̈ tic on̈, tzon̈ spatquilj can 'el eb' 'anma 'on̈. Palta ax xo, caw 'ay eyel'ch 'a sat eb'.

1 Co 4:14

Man̈ yujoc ex wa'n q'uixwc 'eli, tzin tz'ib'n 'at jun tzo'n̈ tic 'ayex. Palta tzin nib'j tzwac' e nab'enoc. Q'uinloc 'ay junc wunnal caw xajn wu'uj, 'ixta eyaj wuj ticnec.

1 Co 6:1

'Ayx ab' 'ay owl 'a e cal, tzex 'at ab' e jac e b'a 'a ewin yajal. ¿Tas yuj tze te'wtzej e b'a e 'at 'a ewin yajl man̈ creyenteoc cha? ¿Tas yuj man̈oc 'a eb' yic xo Dios, man̈oc ta tz'at e b'oyaj e b'a?

1 Co 6:4

Yuj cha, a yic 'ay jun tzo'n̈ owl 'a e cal, ¿tas yuj a 'a eb' may yopiso yuj iglesia, ata tzex 'at e b'oyaj e b'a?

Santiago 1:5

Toto 'ayn̈ 'ayt palta qui jelnal, qui c'anc 'a Dios. 'Oj yac'a', yujto yelc'ojlal tzyac' 'ayn̈ec qui masnil, toto tzqui c'anc 'a 'a. Matz cot yowl 'ayn̈ec.