1 Co 6:16 - Chuj San Sebastian Bible

¹⁶ Yujto eyojtac, toto 'ay junc winc tzyij sb'a yet' junc 'ix 'ajmul 'ix, junxn̈ej niwnal tz'ajcn yet' 'ix. Yujto 'ixta tzyal 'a Ch'an̈ U'un̈, 'a 'aj tzyal 'ixtic: A eb' schawn̈il, junxn̈ej niwnal tz'ajcn eb', xchi.

Chuj San Mateo Bible

¹⁶ Eyojtacxo to a junoc mach syic'laj sb'a yed' junoc ix ajmul ix, junxon̈ej nivanil tz'ajcan yed' ix. Yujto icha chi' syal d'a Slolonel Dios Tz'ib'ab'ilcani, aton b'aj syal icha tic: A eb' schavan̈il, junxon̈ej nivanil tz'ajcan eb', xchi.

1 Co 6:16 ပူးပေါင်းရင်းမြစ်များ

Gn 2:24

Yuj cha, a eb' winac, yowlal tzyactj can eb' smam snun, sec junxn̈ej tz'ajcn eb' yet' yistzil, 'icha wal to junxn̈ej niwnal tz'ajcn eb' schawn̈il.

Gn 34:31

Palta xta'w ewin 'ixtic: —¿Tom 'ay sleyl tzyixtj win 'unx canb' tic on̈, tzya'n can 'och jun winc chi 'unx 'icha junc 'ix 'ajmul 'ix? xchi ewinac.

Gn 38:15

Ax yic xyiln 'at Judá 'ix, snan 'ixtic: 'Ajmul 'ix am jun cha, xchi, yujto macn sat 'ix.

Gn 38:24

'Oxe xo am 'ujal, x'at alxoc 'ixtc 'a win Judá cha: —A 'ix alb' Tamar, 'ay am junc winc sc'umj 'ix, yuj cha, to yet'x 'ix yune ticnec, xchi eb' 'a winac. —'Ijec 'el 'ix 'a sti 'el chon̈ab', tzlajw cha, tze n̈usntz'a 'ix, xchi winac.

Mr 10:8

'Icha wal to junxn̈ej niwnal tz'ajcn eb' schawn̈il, xchi Dios. Yuj cha, man̈x chawn̈oc eb', to junxn̈ej tz'aj eb'.

1 Co 6:3

¿Tom mant eyojcoc paxi, to an̈ec tic, 'oj qui b'eyc'ojloc pax eb' ángel? Yuj cha, a jun tzo'n̈ tas yic yolyib'n̈q'uinl tic, caw smoj qui b'onec pax yaji.

Ef 5:31

Yuj cha, a win winac, 'oj yactc can win smam snun, sec junxn̈ej tz'aj win yet' yistzil. Ax eb' schawn̈il, 'icha wal to junxn̈ej 'anmal tz'ajcn eb', xchi 'a Ch'an̈ U'un̈.

A Ch'an̈ Carta D'a Eb' Hebreo 11:31

Ax jun 'ix Rahab sb'i, caw 'ajmul 'ix, palta ya'jnac 'och 'ix Dios 'a sc'ojol. Yuj cha, ma'ix cham 'ix yet' eb' man̈ yiclumoc yutjnac sb'a, yujto wach' yutjnac 'ix schan eb' israel xit' 'iljnac tas yaj jun chon̈b' cha.

Jueces 16:1

'Ix xit' Sansón 'a Gaza. Ata 'ix yil jun 'ix 'ajmul 'ix. 'Ix 'och 'a yol yatut 'ix, 'ix way win yet' 'ix 'a jun 'ac'wl cha.