1 Co 6:15 - Chuj San Sebastian Bible

¹⁵ 'In eyojc xoni, a qui niwnalec tic, 'icha to sniwnal Cristo yaji. Yuj cha, ¿tom tztac' qui'nec 'at sniwnal Cristo, tz'at ca'noc yitb'eymoc junc 'ix 'ajmul 'ix, sec junxn̈ej tz'aj yet' 'ix? May ton b'i'an.

Chuj San Mateo Bible

¹⁵ Ina eyojtacxo to a co nivanil tic, icha junoc macan̈ snivanil Cristo yaji. Yuj chi', ¿tom syal quic'anb'at junoc macan̈ snivanil chi', b'at cac'anoch yetb'eyumoc junoc ix ajmul ix, yic junxon̈ej tz'aj yed' ix?

1 Co 6:15 ပူးပေါင်းရင်းမြစ်များ

Gn 44:17

Xyaln pax José 'ixtic: —Ma'ay, cojn win 'aj x'ilchj q'uet q'uen in vaso cha, cojn win tzcan in checb'oc. Ax xo tic, paxn̈ec 'a tzaljc'ojlal 'a e chon̈b' 'a 'aj 'aycn e mam, xchi.

Lc 20:16

A win 'aj lum chi 'oj 'atoc, ax 'at ya'nc lajwc win ewinac, ax ya'n can pax win slum chi majnil 'a jun tzo'n̈ xo, xchi Jesús 'a eb'. Xlajw yab'n eb' jun tzo'n̈ cha, 'ix yaln eb' 'ixtic: —¡'Ay, comnoc man̈ 'ichcta tz'aji!, xchi eb'.

Ro 12:5

'Icha qui niwnalec tic, 'ixta on̈ec. Wach'xam niwn on̈ec, palta 'icha to junn̈j 'anmal cajc 'a yol sc'ab' Cristo. 'Icha jun tzo'n̈ tastc 'ay 'a junc niwnal cha, to junn̈j yaji, 'ixta 'on̈ec, junn̈j cajc pax qui masnil.

Ro 3:31

Yel toni tzon̈ colchjec, yujn̈ej to tzca'c 'och 'a qui c'ojol. Palta ¿tom yuj chi tztac' calnec, to man̈x 'a yopiso ley yic Moisés? Ma'ay, caw matz tac' calnec 'ixta'. Ticni a jun ley cha, to tzqui wach' 'a'jec 'och yopiso.

Ro 3:6

Palta caw man̈ 'ichcta'. Q'uinloc man̈ tojloc Dios ticnec, toto 'ixta', ma'oj stac' sb'eyc'ojlan eb' 'anma 'a yolyib'n̈q'uinl tic.

Ro 6:15

A ticnec, 'ayn̈ec 'ec' 'a yol sc'ab' swach'c'ojlal Dios, man̈xoc 'a yol sc'ab' ley yic Moisés. Palta ¿tas tze na'a? ¿Tom yuj cha, tztac' an̈ja qui b'onec maysch'olnil? Ma'ay, caw wal man̈xtzac stac'a.

Ro 6:2

Ma'ay, caw wal matz tac'a. A 'a sat Dios chamnc on̈c xo, man̈x 'a yaln maysch'olnil yic 'ayn̈ec. Yuj cha, ¿tom an̈ja tzat stac' qui b'eylb'anec maysch'olnil?

Ro 7:13

Palta ¿tas tze na'a? ¿Tom a jun wach' chi x'i'n cot chaml 'a wib'an̈? Ma'ay, caw man̈o'oc. Atn jun tzo'n̈ maysch'olnil toxn 'aych 'ayin, a 'ix 'i'n cot 'a wib'an̈. 'Ixta x'aj scheclj 'eli, to yel maysch'olnil jun tzo'n̈ cha. A jun tzo'n̈ chi 'ix 'i'n cot chaml 'a wib'n̈ yuj jun wach' cha. 'Ixta tzyutj jun ley chi sch'oxn 'eli, to a jun tzo'n̈ maysch'olnil cha, caw tu'.

Ro 7:7

Palta ¿tas tze na'a? A ley yic Moisés, ¿tom maysch'olnil tze na'a? Caw ma'ay. Yujn̈ej jun ley cha, tznachj 'el cujec to maysch'olnil tas tzqui b'o'ec. Q'uinloc 'ay junc tas tzin nib'j 'och ticnec. Wojtac, to maysch'olnil wan in b'oni, yujto tzyal jun ley chi 'ixtic: Man̈ a nib'c 'och junc tas, xchi. Q'uinloc may tas tzyala, to 'ixta', man̈ wojcoc, toto maysch'olnil tas wan in nani.

1 Co 11:3

Palta tzin nib'j tzeyojquej 'eli, to a Cristo, a Yajl yaj 'a junjn winac, 'icha to sjolm yaji. Ax yichmil junjn eb' 'ix 'ix, a yajl yaj 'a eb', 'icha Dios, Yajl yaj 'a Cristo.

1 Co 12:27

Yuj cha, an̈ec tic, 'icha to sniwnal Cristo cajec. Junjn on̈ec, 'icha to stz'acb' sniwnal chi cajec, 'ixta cajc 'och qui masnil 'a 'a.

1 Co 6:13

Tecn 'ayx pax tzeyal 'ixtic: A tas tzc'uxxi yic qui c'ojl yaji, yujto a qui c'ojl tic, a 'ay yic pax jun tzo'n̈ cha, xe chi. Yel toni, palta a Dios 'oj 'a'nc lajwc 'el jun tzo'n̈ chi smasnil. A qui niwnalec tic, man̈ yico'oc 'ajmulal yaji, to yicn̈ej Cajlilec. A Cajlilec chi 'aych 'a qui niwnalec tic.

1 Co 6:17

Palta a yic tzca'nec qui b'a 'a Cajlil, junxn̈ej tzon̈ 'ajc can yet' 'a 'esal.

1 Co 6:19

Eyojc xoni, to a qui niwnalec tic, to yatut Yespíritu Dios yaji. A 'aych 'a 'a, yujto a Dios 'a'jnac 'och 'ayn̈ junjn on̈ec. Man̈x quico'oquec qui b'a ticnec,

1 Co 6:3

¿Tom mant eyojcoc paxi, to an̈ec tic, 'oj qui b'eyc'ojloc pax eb' ángel? Yuj cha, a jun tzo'n̈ tas yic yolyib'n̈q'uinl tic, caw smoj qui b'onec pax yaji.

Gl 2:17

Tzqui nib'j on̈, yuj Cristo, tzyaln Dios, to wach'n̈ 'a sat on̈. Yuj cha, tzcheclj 'eli to qui masnil an̈ israel on̈ tic on̈, 'ajmul on̈ pax eyet' on̈. Palta ¿tom a Cristo tzon̈ 'a'n 'och 'ajmulal on̈? Caw ma'ay.

Gl 3:21

Palta a ley yic Moisés, matz 'och 'ajc'ojlal 'a jun tzo'n̈ tas yaljnac can Dios, yic ya'n sti 'ayn̈ec. Q'uinloc 'ac'b'il junc ley 'aj tztac' qui chan qui q'uinlec 'a jun 'ejmn̈ej, toto 'ixta', tzyal am Dios to wach'n̈ec 'a sat, yujn̈ej tzqui yicljec jun ley cha.

Gl 6:14

Palta an xo tic, may junc tas 'aj tzin b'an̈ in b'a 'a spatic. Cojxn schamlil Cajlil Jesucristo 'a spenc culus a tzin b'an̈a. Yuj schamlil cha, man̈x 'a yaln yolyib'n̈q'uinl tic yic 'ayin, 'icha to chamnc xo 'a in sat. An xo tic, 'icha to chamnc in pax 'a yolyib'n̈q'uinl tic jun xo, yujto man̈x 'a waln wic 'a 'a.

Ef 4:12

'Ixta tzyutj ya'n copiso junjn on̈ an̈ yic on̈c xo, yic tzca'nec servil, sec 'oj wach' te'nb'oc qui nab'enec, yujto an̈ec tic, 'icha to sniwnal Cristo cajec.

Ef 5:23

Yujto a eyichmil, 'icha to e jolm yaji. 'Icha Cristo, sjolm yaj 'a yiglesia. An̈jtona', qui Colmalec paxi, 'icha to sniwnal cajec.

Ef 5:30

yujto 'icha to caw sniwnal cajec.

A Scarta San Pablo D'a Eb' Aj Colosas 2:19

Yuj cha, man̈xtzac ya'ch eb' snab'en 'a Cristo. Palta 'icha qui jolom, 'ixta yaj Cristo 'ayn̈ec. Yujto a tz'a'n quipec, tzon̈ wach' te'nb'iec yu'uj. Yu'uj, caw junn̈j tzon̈ 'ajc qui masnil 'icha tznib'j Dios.