1 Co 5:9 - Chuj San Sebastian Bible

⁹ Waljnacx 'at 'a jun in carta 'ayex, to matz tac' jun tzon̈ 'ec' yet' eb' tzb'on 'ajmulal.

Chuj San Mateo Bible

⁹ Valnacxob'at d'a jun in carta d'ayex to max yal-laj junn̈ej tzon̈ ec' yed' eb' sc'ulan ajmulal.

1 Co 5:9 ပူးပေါင်းရင်းမြစ်များ

Pr 9:6

'Actjec can e man̈ nab'enal, sec wach' pitzn exn̈ej; b'eylb'ejc sb'eyb'al eb' 'ay snab'en, xchi eb' 'ix schecb' 'ix cha. A jun 'ix cha, tzyal 'el'chi, atn jelnal.

1 Co 5:10

Man̈ yujocn̈ej eb' 'ajmul to man̈ creyenteoc waln 'at jun tic. An̈jtona', waljnac 'at yuj eb' tznib'n 'och tas 'ay 'a junc xo mach, eb' 'elc'um, yet' pax eb' tzyal sb'a 'a jun tzo'n̈ tzalx 'och diosal. Toto man̈ creyenteoc eb', man̈ yujoc eb' walni, chajtlto matz tac' jun que'c yet' eb'. Ya' sb'a 'ayn̈ec 'ec' 'a yolyib'n̈q'uinl tic, 'oj qui c'umquecn̈ej qui b'a yet' eb', yujto 'ayn̈ec 'ec' 'a scal eb'.

1 Co 5:2

Eyojtac, 'ixta tzyutj sb'a winac, palta an̈ja e b'an̈n e b'a. Smoj wal caw tzex cus si'mb'il. A win tzb'on jun maysch'olnil cha, yowlal tzeyij 'el 'a e cal.

1 Co 5:7

Yuj cha, 'actjec can jun tzo'n̈ e b'eyb'al 'a yic yalan̈. Yujto a jun tzo'n̈ cha, lajn 'icha yich pan. Toto 'ixta', 'oj eyoch 'icha jun pan tzwax 'a q'uin̈ yic tznax cot yel eb' israel 'a libre, may jac spaltail. Yujto wal yel, 'ixta ex 'a sat Cristo, yujto a xcham qui jelquec. 'Icha no quelm calnelu tzmilx chamoc, tz'och xajmb'al-l 'a jun q'uin̈ cha, 'ixta x'aj scham Cristo yic yi'n can 'el qui mulec.

2 Co 6:14

Matz tac' junn̈j tzon̈ 'aj yet' eb' man̈ creyenteoc, yujto caw man̈ smojc 'ixta'. A jun wach' b'eyb'al, may yaln yic 'a maysch'olnil. Ax jun sacq'uinl 'aych 'a qui pixnec, man̈ yitb'eymoc sb'a yet' q'uic'q'uinal.

2 Co 6:17

Yuj cha, yaljnac can pax Cajlil 'ixtic: 'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.

Ef 5:11

Man̈ eya't e b'a 'a scal jun tzo'n̈ tas tzlaj sb'o eb' q'uic'q'uinl to yaj spixan, yujto a jun tzo'n̈ tas tzlaj sb'o eb', may jac yopiso. Yel xo wach' tzeyal-li, tze ch'oxli, to may yel'ch jun tzo'n̈ cha.

2 Ts 3:14

Toto 'ay eb' matz yiclni tas tzcalb't 'ayx 'a jun qui carta tic on̈, yowlal tze checltej 'el eb' 'a e cal, sec 'oj q'uixwc 'el eb'. An̈jtona', caw matz tac' jun tzex 'ec' yet' eb'.

2 Ts 3:6

Ex wu'tac, ex wanab', a 'a sb'i Cajlil Jesucristo, tzcalb't jun tzo'n̈ xo checnb'il tic 'ayx on̈. Toto 'ay eb' creyente matz nib'j sb'o smunljel ta', toto matz b'eylb'ej eb' jun tzo'n̈ cuynb'il 'ec' caljnac can 'ayx on̈, caw matz tac' jun tzex 'ec' yet' eb'.