1 Co 5:11 - Chuj San Sebastian Bible

¹¹ Palta a jun waljnacx 'at 'ayex, tzyal 'el'chi, toto 'ay eb' tzalni, to creyente eb', palta maysch'olnil sb'eyb'al eb', man̈xtzac stac' jun tzon̈ 'e'c yet' eb'. Atn eb' tic tzwala: Eb' 'ajmul, eb' tznib'n 'och tas 'ay 'a junc xo mach, eb' tzyal sb'a 'a jun tzo'n̈ tzalx 'och diosal, eb' b'ajwjum, eb' 'u'm 'an̈, yet' pax eb' 'elc'um. A eb' 'ixta sb'eyb'al cha, toto tzyal eb', to creyente eb', wach'xam ton̈j tzon̈ wac jac yet' eb', caw wal matz tac'a.

Chuj San Mateo Bible

¹¹ Palta a jun valnacxob'at d'ayex, syalelc'ochi tato ay eb' tz'alani to creyente eb', palta chuc sb'eyb'al eb', man̈xo toc syal junn̈ej tzex ec' yed' eb'. A eb' sval chi', aton eb' tic: Eb' ajmul, eb' syiloch sc'ool d'a junocxo, eb' tz'em cuman d'a juntzan̈ comon dios, eb' b'ajvajum, eb' uc'um an̈ yed' eb' elc'um. A eb' icha chi' sb'eyb'al, tato syal eb' to creyente eb', vach'chom ton̈ej tzon̈ va yed' eb', max yal-laj.

1 Co 5:11 ပူးပေါင်းရင်းမြစ်များ

Salmos 10:3

Mamin Jehová, a eb' tzb'on maysch'olnil, tzyij chan̈ sb'a eb' yet' tas tznib'j 'ochi. A eb' tznib'j 'och smasnil tas, tzb'uchwj eb' 'a 'ayach, tzach spatquiln can 'el eb'.

Salmos 101:5

A eb' tzc'ultac aln tu paxti 'a yib'n̈ junc xo yit 'anma'il, 'oj in satl eb'. Ma'oj wac' sgana eb' yi'n chan̈ sb'a yet' scomn nab'en.

Ez 22:12

'Ay eb' eyajlil tzchan tumin yic tzya'n 'och eb' chaml 'a yib'n̈ junc xo mach. 'Ay eb' tz'a'n q'uen tumn majnil 'a junc xo yit 'anma'il, palta niwn yune q'uen tumn chi tzc'an eb', tzya'n eb' sat sc'ojl 'ayin.

Mt 18:17

Palta toto an̈ja matz chaj yab' 'a eb', yel xo wach' tzeyal 'a iglesia. Toto an̈ja matz chaj yab' pax 'a eb', cann̈j cab' 'ixta'. 'Icha junc comn 'anma man̈ 'ojtnacoc Dios, mto junc tecm 'el tumin, 'ixta cab' tz'ajcn 'a e sat.

Mt 23:25

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Tzcob' e b'icl spatquil e vaso yet' spatquil eyuc'ab', palta ax 'a yojol, b'ut'n yet' jun tzo'n̈ tas tzeyelc'j yet' e maysch'olnilal.

Lc 18:11

Ax yic xc'och win fariseo cha, 'ix 'och lin̈an. 'Ix leslwi 'ixtic: Ach in Diosal, tzwac' yuj diosal 'ayach, yujto an tic man̈ in lajnoc 'icha jun tzo'n̈ xo 'anma'. A eb' cha, caw 'elc'm eb', man̈ tojloc snab'en eb', caw tzmuln pax eb'. Yet' pax win tecm 'el tumn tic, yuj wal dios, man̈ in lajnoc yet' winac.

Lc 21:34

Tzeyac' wal cuenta e b'a, man̈ e cha pitb'oc e b'a yuj pec'al, yuj 'u'lan̈, mto yuj tzann̈j junc xo tas tzex 'och 'il yuj 'a yolyib'n̈q'uinl tic. Toto ma'ay, ax 'oj jawc jun c'u cha, man̈ listaoc eyaji.

A Tas Sc'ulejnac Eb' Schecab' Jesús Hechos 1:15

A 'a yic jun tiempoal cha, 'aym junc 120 eb' creyente 'ix syam sb'a. Ax Pedro xq'ue wan lin̈n 'a scal eb'. 'Ix yaln 'ixtic:

A Tas Sc'ulejnac Eb' Schecab' Jesús Hechos 9:17

Yuj cha, 'ix 'at Ananías 'a jun n̈a cha. Xlajw sc'ochi, 'ix 'och 'a yojol. 'Ix ya'n 'at sc'ab' 'a sjolm Saulo cha, 'ix yaln 'ixtic: —Wu'tac Saulo, a Cajlil Jesús a 'ix sch'ox sb'a 'aych 'a yol b'e 'aj ach jawi. A in checn cot 'ayach, sec wach' 'oj jacwc pax yol a sat, ax yochcn Yespíritu Dios 'aych si'mb'il, xchi 'a 'a.

Ro 13:13

'Icha eb' wach' tzyutj sb'a 'a c'ual, 'ixta tzcutjec qui b'a. Tojl tzcutjec qui b'eyb'al yil eb' 'anma'. Caw matz tac' cu'nec 'an̈, mto tzon̈ b'uyljiec. Matz tac' qui b'onec 'ajmulal, yet' junc xo tzann̈j maysch'olnil yet' qui niwnalec. Man̈ ca'c owl yet' junc xo mach. Matz tac' qui chichnec pax 'och 'a junc mach yuj tastc 'ay 'a 'a.

Ro 16:17

Ex wu'tac, ex wanab', 'ay eb' 'a e cal, wan ya'lni eb' laj e pojl e b'a, tzya'lni eb' ya'n somchjc 'el e nab'en, palta caw man̈ 'ichcta tzyal jun tzo'n̈ cuynb'il 'aj cuywnac ex, yuj cha, caw tzeyil wal e b'a 'a eb'. Yowlal tzeyij 'el e b'a 'a scal eb'.

1 Co 10:14

Yuj cha, ex chamc'ojlb'il wu'uj, caw man̈ eyal e b'a 'a jun tzo'n̈ tzalx 'och diosal.

1 Co 11:21

Yujto a yic wan sc'och yorail jun cena cha, ton̈j tze comn yamj 'och e wan eyic junjn ex muc'uc. Yuj cha, 'ayx matz e chaj eyico', tz'och e wejel. 'Ayx pax caw tzex 'och 'u'm 'an̈il yu'uj.

1 Co 6:10

An̈jtona', eb' 'elc'um, eb' tznib'n 'och tas 'ay 'a junc xo mach, eb' 'u'm 'an̈, eb' b'ajwjum, yet' pax eb' tzcomn to'n 'ec' junc tas 'a junc xo mach. Atn eb' tic, toxn ma'oj c'och 'a yol sc'ab' Dios.

1 Co 6:6

'In 'ayx ton̈j tz'at laj eya'lac queja e b'a 'a sat ewin yajal, palta man̈ creyenteoc ewinac.

1 Co 6:9

¿Tom mant eyojcoc, to a eb' man̈ tojloc tzyutj sb'a, may yaln eb' yic sc'och 'a yol sc'ab' Dios? Caw man̈ e cha 'ixtxoc paxti e b'a. Yujto a eb' 'oj wal tic, may xon jac yaln eb' yic sc'och 'a yol sc'ab' Dios. A eb' mant 'a yistzil tzcomn b'on 'ajmulal, yet' eb' tzyal sb'a 'a jun tzo'n̈ tzalx 'och diosal, eb' 'ayx yistzil tzb'on 'ajmulal, eb' tzyixtj sb'a yet' eb' yit wincal.

1 Co 7:12

'Ay pax jun tzo'n̈ xo ex, 'ay jun tzo'n̈ tas 'oj wal't 'ayx jun xo. Palta man̈ schecnb'iloc Cajlil jun tzo'n̈ tic, yujto mun wico'. Toto 'ay junc cu'tac matz 'och yistl creyenteal yet'oc, palta 'ay sgana scan yistl chi yet'oc, matz tac' spojn sb'a yet' yistl cha.

1 Co 7:15

Palta toto a jun man̈ creyenteoc chi tznib'j spoj sb'a yet' jun creyente cha, spoj cab' sb'a eb'. Toto 'ixta tz'aji, ax jun creyente cha, libre yaji. May smul tz'och 'ixta', yujto tznib'j Dios, junc'ojlaln̈ej yaji.

1 Co 8:11

Toto 'ixta tzeyutj e b'a, 'oj juwc 'el eb' mant 'a ste'nal chi yuj tas tze b'o cha. Palta a Cristo xcham pax yuj eb'.

Gl 2:12

Yujto a yic sc'och ta muc'uc, swa yet' eb' creyente man̈ israeloc. Palta ax yic sc'och jun tzo'n̈ eb' schecb' Santiago 'a Antioquía cha, yi'n 'el sb'a, man̈x 'ic wa yet' eb'. Yujto tzxiw 'a jun tzo'n̈ eb' an̈ja 'aych snab'en 'a ley yic Moisés.

Ef 5:18

Man̈ ex 'och 'u'm 'an̈il, yujto a te 'an̈, tzwach' juw 'el qui nab'enec yuj te'. Yel xo wach' a Yespíritu Dios 'aych yajlilal 'ayn̈ec, man̈oc te 'an̈ cha.

Ef 5:5

Cojquec xo, to a eb' tzb'on 'ajmulal, yet' eb' tzb'on tzann̈j junc maysch'olnil yet' sniwnal, yet' eb' tznib'n 'och ricoal, may xon yaln eb' yic yoch 'a yol sc'ab' Cristo, yet' 'a yol sc'ab' Dios. Toto tzqui nib'jec 'och ricoal, a 'a sat Dios, wan ca'nec 'och jun chi qui diosaloc.

A Scarta San Pablo D'a Eb' Aj Colosas 3:5

Yuj cha, jantcn̈ej e b'eyb'al yic yolyib'n̈q'uinl tic, 'actjec can smasnil, satc can 'el 'a jun 'ejmn̈ej. Caw man̈x e b'o 'ajmulal, mto junc xo tzann̈j maysch'olnil yet' e niwnal. Man̈xtzac stac' eya'n 'och e nab'en 'a 'ajmulal, mto 'a junc xo tu'al. An̈jtona', matz tac' e nib'n 'och ricoal. Yujto a yic tzqui nib'nec 'och ricoal, a 'a sat Dios, wan caln 'och jun chi qui diosaloc.

2 Ts 3:14

Toto 'ay eb' matz yiclni tas tzcalb't 'ayx 'a jun qui carta tic on̈, yowlal tze checltej 'el eb' 'a e cal, sec 'oj q'uixwc 'el eb'. An̈jtona', caw matz tac' jun tzex 'ec' yet' eb'.

2 Ts 3:6

Ex wu'tac, ex wanab', a 'a sb'i Cajlil Jesucristo, tzcalb't jun tzo'n̈ xo checnb'il tic 'ayx on̈. Toto 'ay eb' creyente matz nib'j sb'o smunljel ta', toto matz b'eylb'ej eb' jun tzo'n̈ cuynb'il 'ec' caljnac can 'ayx on̈, caw matz tac' jun tzex 'ec' yet' eb'.

1 Ti 3:3

Caw matz tac' yu'n eb' 'an̈. Matz tac' sma'wj pax eb'. [Matz tac' snib'n eb' yac' ganar stumn 'a spatc maysch'olnil.] Yowlal niwn tzyutj eb' sc'ojol. Matz tac' ya'n eb' owl yet' junc xo mach. Man̈ pec' tumnoc eb'.

1 Ti 6:5

tz'och eb' 'ajc'ojlal 'a junc xo mach. 'Ixta tzyutj sb'a eb' juwnac 'el snab'en, eb' man̈xtzac ya'ch snab'en 'a jun cuynb'il yel. Tzcob' snanc eb', to 'oj yac' ganar eb' stumn 'a spatc scuynb'il cha. [Caw man̈ junc tzach 'ec' yet' eb'.]

2 Jn 1:10

Toto 'ay eb' tzc'och 'ayex, to chuc cuynb'ilal tz'ec' yal eb', man̈ e chach eb' 'a yol eyatut. Man̈ e c'an swachc'ojlal Dios 'a yibn̈ eb'.

Apoc 2:14

Palta 'ayt wal jun tzo'n̈ e paltail tzwila. Yujto 'ayx tzeya'ch e nab'en 'a scuynb'il can win Balaam. A win 'a'jnac sc'ojloc win Balac, yic ya'n win juwc 'el eb' israel. Yuj win Balac cha, schin eb' jun tzo'n̈ xajmb'al tz'ajx 'a jun tzo'n̈ tzalx 'och diosal, sb'on pax eb' 'ajmulal.

Apoc 2:20

Palta 'ay wal jab' in c'ojloc 'ayex. Yujto tze chaj 'och 'ix Jezabel 'a e cal. A jun 'ix cha, tzcob' yalch sb'a schecb'oc Dios, palta ton̈j tzyixtj paxti 'ix eb' tzin 'a'n servil. Yujto a tz'a'n sc'ojloc eb', sec tzb'o eb' 'ajmulal, tzchin pax eb' jun tzo'n̈ xajmb'al tz'ajx 'a jun tzo'n̈ tzalx 'och diosal.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.