1 Co 4:8 - Chuj San Sebastian Bible

⁸ Ax xo, ¿tom tz'acn exx tze na'a? ¿Tom e chajnacx smasnil yic Dios e nan ticnec? Tecn wan e nani, to yajl ex xo ticnec. Palta an̈ xo tic on̈, ma'on̈ 'och yajlil eyet' on̈. Tocwal ex 'och yajlil 'a caw yel, to 'ixta', on̈ 'och pax yajlil eyet' on̈.

Chuj San Mateo Bible

⁸ A exxo tic, ¿tom tz'acan exxo e naani? ¿Tom e chanacxo masanil yic Dios e naan ticnaic? Tecan yajal exxo e naani. Palta a on̈xo pax tic, man̈ on̈ yajaloclaj eyed'oc. Comonoc to d'a val yel yajal ex, yic a on̈ tic, tzon̈ ochpax yajalil chi' eyed'oc.

1 Co 4:8 ပူးပေါင်းရင်းမြစ်များ

Pr 13:7

'Ay eb' may xon jac tas 'ay 'a 'a, palta 'icha xo rico tzyutj sb'a eb'; 'ay pax eb' til wal tas 'ay 'a 'a, 'icha pax meb'a tzyutj sb'a eb'.

Pr 25:14

'Icha tacn̈ 'asun, 'icha tacn̈ 'ic' may sn̈ab'il, 'ixta junc mach tzcob' sb'an̈ sb'a ya'n junc tas, ax tz'aji, may xon jac tas tzyac'a.

Is 5:21

'Oltac wal eb' cob' tzyal jelnal sb'a, caw wach' cob' snab'en eb' chi 'a tzyutj snani.

Jeremías 28:6

—Yel toni, comnoc tzb'o Jehová jun cha. Comnoc wal tzb'o 'icha jun tzo'n̈ paxti tzal cha. Comnoc tzyijx meltzjoc jun tzo'n̈ syamc'ab'il yatut 'ijxnac 'at 'a Babilonia, yet' pax smasnil eb' 'anma yamchjnac can 'ati.

Nm 11:29

'Ix ta'w Moisés, xyaln 'ixtic: —¿Tom tza nib'j cojn in niwn wel'ch 'a scal eb' 'anma tic? Comnoc wal tz'el 'a sc'ojl Jehová, tzyac' Yespíritu 'a smasnil eb' schon̈b' tic, sec wach' tz'ochcn eb' schecb'oc, xchi.

Mt 5:1

Yic 'ix yiln Jesús eb' 'anma', 'ix 'at 'a jun tzalan, 'ix 'em wocn ta'. Ax eb' scuywum, 'ix c'och eb' 'a 'a.

Lc 6:25

Ax xo b'utnn̈ej e c'ojl ticnec, caw 'oltac ex, yujto 'oj jawc jun tiempoal, caw 'oj 'och e wejel. Ax xo tzex tzewjn̈ej ticnec, caw 'oltac ex, yujto 'oj eyoc' yuj cusc'ojlal.

A Tas Sc'ulejnac Eb' Schecab' Jesús Hechos 26:29

—Comnoc 'icha 'ajnc in woch creyenteal, comnoc 'ixta tzyal sc'ojl Dios tzach 'aj 'ochi. Comnoc tz'och pax eb' wan yab'xni tic smasnil. A tzyala, toto yuj jab' tic tzex 'ochi, mto yuj niwnto 'oj alxc 'ayex. Comnoc wal lajn tzex 'aj e masnil 'icha in tic, palta matz ex pixx yet' q'uen cadena, xchi Pablo 'a eb'.

Ro 12:3

A Dios, 'a'jnac wopiso tic yuj swach'c'ojlal. Yuj cha, tzwaln 'at jun tzo'n̈ tic 'ayx e masnil. Matz tac' qui nan junjn on̈ec, to caw jeln on̈. Yowlal 'emmquilal tzcutjec qui nan qui b'a, a tzyala tas 'opiso tzyac' Dios 'ayn̈ junjn on̈ec, yujto 'aych qui c'ojlec 'a 'a.

1 Co 1:5

Man̈ jantcoc swach'c'ojlal Dios tzyac' 'ayex, yujto junxn̈ej tzex 'aj yet' Cristo. Yuj cha, c'uxn xyac' nachjc 'el eyu'uj, 'aj 'ay tas yel. An̈jtona', c'uxn xyac' eyal-l pax jun tzo'n̈ cha.

1 Co 4:18

'Ay ab' jaywn̈ eb' tzyij chan̈ sb'a 'a e cal, yujto tzna eb', man̈x 'oj 'at ex wila'.

1 Co 5:6

Yuj jun maysch'olnil 'a e cal cha, caw man̈ smojc e b'an̈n e b'a ta'. ¿Tom man̈ eyojcoc, to a jac yich pan tzpucb't 'a scal 'ixm harina, c'uxn tzjuw 'ixm yuj smasnil?

2 Co 11:1

Octom wal 'oj eyac' techjoc jun tzon̈ 'oj walb't 'ayx tic. 'Icha to man̈ nab'enal waj jab'oc tzwaln 'ati, palta caw tzeyac' techjoc.

2 Co 13:9

Yuj cha, wach'xam may wal quel'ch on̈, palta tzon̈ tzaljn̈ej on̈, sec tzwach' 'och e te'nal. An̈jtona', 'oj qui leslwi pax eyuj on̈, sec 'oj swach' b'oc e nab'en.

Gl 6:3

Toto 'ay mach caw 'ay yel'ch cob' snani, palta toto may pax yel'chi, mun tzcob' yixtc sb'a snani.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

A Scarta San Pablo D'a Eb' Aj Filipos 2:12

Yuj cha, ex chamc'ojlb'il wu'uj, yiclumn̈ej cab' tzeyutj e b'a 'icha xon e ley. Caw tzeyac' eyip 'a 'emmquilal, 'a xiwc'ojlal, sec 'oj 'el'choc e colnb'il eyu'uj. Man̈ cojnoc yic 'ayn 'ec' eyet' ta', 'ixta tzeyutj e b'a. Palta tze wach' b'oj jun tzo'n̈ tic, yic man̈ in 'ayc 'ec' eyet'oc.

Apoc 3:17

Yujto wan eyaln 'ixtic: An̈ec tic caw rico on̈c 'a sat Dios, caw wach'n̈ec. May jac qui paltailec, xcob' e chioc. Palta man̈ jac tznachj 'el eyu'uj, chajtlto may e ch'olnil, may jac eyel'chi. Yuj cha, 'icha junc mach caw may xon jac tas 'ay 'a 'a, matz uj yilni, jitn 'el paxi, 'ixta 'ex.

Apoc 5:10

Ach xa'ch eb' reyal. Ach a'jnac yopiso junjn eb', yic tzya'n 'och eb' sti 'a Dios. Ax yoch eb' yajlil 'a yolyib'n̈q'uinal, xchi eb'.