1 Co 4:6 - Chuj San Sebastian Bible

⁶ Ex wu'tac, ex wanab', 'ix wal't 'ayex, tas waji, tas yaj pax Apolos, sec tznachj 'el jun tzo'n̈ cuynb'il tic eyu'uj. Yujto an yet' Apolos cha, ch'oxnb'il caj 'ayx on̈, sec wach' eyojtac, to matz tac' tzex 'ec' 'a yib'n̈ tas tzyal Ch'an̈ U'un̈. Yujto may junc mach tztac' e b'an̈ni, may pax junc mach tztac' e patquiln can 'eli.

Chuj San Mateo Bible

⁶ Ex vuc'tac ex vanab', ix valb'at juntzan̈ tic d'ayex, tas vaji yed' tas pax yaj vin̈aj Apolos chi', yic vach' snachajel juntzan̈ c'ayb'ub'al tic eyuuj. Yujto a in tic yed' vin̈, ch'oxnab'il caj d'ayex, yic vach' tzeyojtaquejeli to max yal-laj eyec' d'a yib'an̈ tas syal Slolonel Dios Tz'ib'ab'ilcani. Yujto max yal-laj eyic'anchaan̈ e b'a yuj tas syal yuj junoc mach, axo junocxo mach max yal yuuj tze patiquejeli.

1 Co 4:6 ပူးပေါင်းရင်းမြစ်များ

Salmos 146:3

Man̈ eya'ch eb' niwc yajl yipc e c'ojol, yujto 'anman̈ej eb', matz tac' scolwj eb' 'ayex,

Salmos 8:4

Yuj cha, tzwaln 'ixtic: ¿Tas quel'ch an̈ 'anman̈ tic on̈, yuj cha, tzon̈ a nan coti, tzach 'och 'il cuj on̈?

Is 2:22

Cactquec ca'n 'och eb' 'anma yipc qui c'ojol, yujto an̈ 'anman̈ec tic chamlb'a cajec. Jun wal rato tz'el jab' qui'c tic, yuj cha, man̈ ca'c 'och qui nab'en 'a eb' 'anma'.

A Tas Sc'ulejnac Eb' Schecab' Jesús Hechos 18:24

Ax 'a jun tiempoal cha, 'ay jun win israel Apolos sb'i, 'aj chon̈b' Alejandría. 'Ix c'och 'a chon̈b' Efeso. Caw yojc spaxti Dios tz'ib'b'il can 'a Ch'an̈ U'un̈.

A Tas Sc'ulejnac Eb' Schecab' Jesús Hechos 19:1

Yic 'ayc' Apolos 'a Corinto cha, 'ix 'ec' Pablo 'a jun tzo'n̈ chon̈b' 'ay 'a tzalctac. Xlajw cha, xc'och 'a chon̈b' Efeso. Ata 'ix 'ilchj jun tzo'n̈ eb' creyente yu'uj.

Ro 12:3

A Dios, 'a'jnac wopiso tic yuj swach'c'ojlal. Yuj cha, tzwaln 'at jun tzo'n̈ tic 'ayx e masnil. Matz tac' qui nan junjn on̈ec, to caw jeln on̈. Yowlal 'emmquilal tzcutjec qui nan qui b'a, a tzyala tas 'opiso tzyac' Dios 'ayn̈ junjn on̈ec, yujto 'aych qui c'ojlec 'a 'a.

1 Co 1:12

Tzyal 'el'chi, chucchc wan eyaln junjn ex. Yujto 'ayx wan eyaln 'ixtic: Yic in Pablo, xe chi. 'Ayx pax tzeyala: An tic, yic in Apolos, xe chi. 'Ayx pax tzeyala: Yic in Pedro, xe chi. An̈jtona', 'ayx pax tzeyala: Yic in Cristo, xe chi.

1 Co 1:19

yujto tzyal 'ixtc 'a Ch'an̈ U'un̈: A eb' jelan, 'oj wac' sat sjelnal eb' cha. Ax eb' caw 'ay snab'en, 'oj wi'cn 'ec' snab'en eb', xchi Dios 'a Ch'an̈.

1 Co 1:31

Tz'ib'b'il can 'ixtc 'a Ch'an̈ U'un̈: Toto 'ay mach tznib'j tzyij chan̈ sb'a, caw matz tac'a. Cojxn Cajlil tztac' qui'nec cha'an̈, xchi.

1 Co 13:4

'Oj wala', tas tzcutjec qui b'a, toto yel 'ay qui chamc'ojlalec. Caw niwn tzcutjec qui c'ojl 'a eb' quit 'anma'il, tzqui ch'oxnec pax qui wach'c'ojlal 'a eb'. Man̈ comnoc tzon̈ chichnec 'och 'a junc xo mach yuj tas 'ay 'a 'a. Man̈ qui b'an̈c qui b'a, mto tzquijec chan̈ qui b'a.

1 Co 3:19

Yujto a jun jelnal yic yolyib'n̈q'uinl tic, caw may jac yel'ch 'a sat Dios. Yujto 'ixta yaj stz'ib'x can 'a Ch'an̈ U'un̈, 'a 'aj tzyal 'ixtic: A tztenn 'och wan eb' maysch'olnil snab'en cha, sec matz 'el'ch tas tznib'j eb', xchi.

1 Co 3:21

Yuj cha, matz tac' eya'n 'och e nab'en 'a junc 'anma', tze b'an̈n e b'a yu'uj. Yujto xyac' Dios smasnil tas eyico'oc quet' on̈.

1 Co 5:2

Eyojtac, 'ixta tzyutj sb'a winac, palta an̈ja e b'an̈n e b'a. Smoj wal caw tzex cus si'mb'il. A win tzb'on jun maysch'olnil cha, yowlal tzeyij 'el 'a e cal.

1 Co 5:6

Yuj jun maysch'olnil 'a e cal cha, caw man̈ smojc e b'an̈n e b'a ta'. ¿Tom man̈ eyojcoc, to a jac yich pan tzpucb't 'a scal 'ixm harina, c'uxn tzjuw 'ixm yuj smasnil?

1 Co 8:1

A ticnec, 'oj wal yuj jun tzo'n̈ tas tz'ajx xajmb'al-l 'a jun tzo'n̈ tzalx 'och diosal, tzlajw cha, tzchix paxi. Yel tzeyala, a jun tzo'n̈ tic, tznachj 'el cujec qui masnil. Palta a qui jelnalec tic, ton̈j tzqui b'an̈c qui b'a yu'uj. Ax toto 'ay qui chamc'ojlalec 'a eb' quit creyenteal, caw tz'och ste'nal eb' cujec.

1 Co 9:23

Jantcn̈ej jun tzo'n̈ tzin b'o tic, yuj wach' 'ab'x yic colnb'il tzin b'oni, sec 'oj in cha pax swach'l yuj jun xo.

2 Co 10:12

An̈ tic on̈, matz qui te'wtzej qui b'a qui nan on̈, to lajn on̈ 'icha jun tzo'n̈ xo eb' mun tzyal wach'l sb'a. Matz qui lajb'tzej qui b'a yet' eb' on̈. A eb' cha, man̈ nab'enal yaj eb', yujto junjn eb', mun a snab'en eb' tzcob' sc'anlb'oc yic tzb'eyc'ojlan sb'a eb'. An̈jtona', tzcob' slajb'tzanc eb' snab'en yet' jun tzo'n̈ xo eb'.

2 Co 10:15

May 'aj tzquij chan̈ qui b'a 'a spatc smunljel junc xo mach on̈. Matz cal quico'oc on̈. Palta tzca'ch junx tic yipc qui c'ojl on̈, a yic 'oj e wach' 'a'c 'och e c'ojl 'a Dios. Ata 'oj stac' qui wach' munlj 'a e cal on̈. Palta ma'oj qui c'axw 'ec' 'a junc xo lugar on̈.

2 Co 10:7

Ax xo, cojxn tas tzeyil yet' e sat tztac' snachj 'el eyu'uj. Toto 'ayx tze na'a, to cojn ex caw yic ex Cristo, nachj cab' 'el eyu'uj, to an̈jtona', yic on̈ pax Cristo on̈.

2 Co 11:4

Yujto 'ay eb' tz'ec' alnc 'el junx chuc cuynb'ilal 'ayex. 'Icha to chuc junc xo Jesús tz'ec' yal-l eb' yab'xil, man̈oc jun tz'ec' cal-l on̈, man̈oc chi tz'ec' yal-l eb', palta wan cob' e chanc eyab' 'a eb'. Wan e chan junc xo espíritu 'a eb', palta man̈ 'icha'oc jun chab'ilx eyu'uj. Wan eya'n pax 'och e c'ojl 'a jun 'ab'x yic colnb'il cob'i', palta man̈oc jun eyab'jnac 'ayn̈ on̈.

2 Co 12:19

Tecn tze na'a, to ton̈j tzqui col qui b'a 'a eyojltac on̈. Palta man̈ 'ichcta tzcutj qui b'a on̈, yujto a 'a sat Dios, wan caln 'at jun tzo'n̈ tic 'ayx on̈ 'icha tznib'j Cristo, sec 'oj laj 'och e te'nal.

2 Co 12:20

Tzin xiwi, yujto a yic 'oj 'at ex wila', toq'ue man̈ ex 'ichcta 'icha tzin nib'ej. An xo tic, toq'ue man̈ in 'ichcta 'icha tze nib'ej. Caw tzin xiw in 'at 'ayex, toq'ue 'ay owl 'a e cal, chichnc'ojlal, yet' c'a'lc'ojlal. Toq'ue 'ayx wan laj eyi'n chan̈ e b'a, toq'ue 'ayx tzex laj b'uchwj 'a e patc junjn ex, 'ayx alm ex peclal. Toq'ue 'ayx tzlaj e b'an̈ e b'a, 'ayx pax wan laj e somchj 'eli.

2 Co 12:6

Q'uinloc yelc'ojlal tzin nib'j tzin b'an̈ in b'a ticnec, toto 'ixta', matz wal 'icha junc man̈ nab'enal yaji, yujto an̈j jun tzo'n̈ tas yel, an̈j tzwala. Palta ma'oj in b'an̈ in b'a 'ixta', yujto tzin nib'ej, may junc mach tznani, to yel xo niwn wel'ch 'a yib'n̈ tas tzyila, mto tzyab' 'ayin.

2 Co 4:15

Smasnil jun tzo'n̈ xwal tic, eyu'uj tz'ajx 'och 'a quib'n̈ on̈. 'Ixta tzon̈ 'aj on̈, sec niwn mach tzchan swach'c'ojlal Dios. An̈jtona', niwn mach tzyac' yuj diosal 'a 'a. 'Ixta 'oj 'aj scheclj 'eli, to niwn swach'il.

A Scarta San Pablo D'a Eb' Aj Colosas 2:18

'Ay eb' tznib'j 'oj 'i'nc 'ec' jun spac eyic 'oj yac' Dios, palta man̈ e cha tas tzyal eb' 'ayex. Caw 'emmquilal tzcob' yutc sb'a eb', tzya'n 'ejm sb'a eb' 'a jun tzo'n̈ ángel. Tzcomn 'a'n 'och sb'a eb' 'a scal jun tzo'n̈ tas man̈ yojcoc. Ton̈j tzcomn b'an̈j sb'a eb', yujto caw jeln eb' snani.

1 Ts 1:5

A yic 'ec' calnc 'el wach' 'ab'x yic colnb'il 'ayx on̈, man̈toc ton̈j 'e'nc on̈ paxtinc on̈. Yujto a Yespíritu Dios 'ochnc quet' on̈. Caw cojc si'mb'il on̈, to caw yel jun 'ab'x tic. Eyojtac, chajtl 'ec' cutjnac qui b'eyb'al 'a e cal on̈, sec caw wach' eyico'.

2 Ti 2:10

'Ay jun tzo'n̈ xo eb' sic'b'ilx xon 'el yuj Dios. Tzin nib'j 'oj scha eb' swach'l quet'oc. Yuj wal cha, tzwa'n techjoc jantcn̈ej syal tzjaw 'a wib'an̈, sec 'oj scha pax eb' scolnb'il caw niwn yel'chi. Atn jun tz'ajx 'ayn̈ 'a jun 'ejmn̈ej, yujto junxn̈ej caj yet' Cristo Jesús.