1 Co 4:5 - Chuj San Sebastian Bible

⁵ Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

Chuj San Mateo Bible

⁵ Yuj chi', max yal-laj e ch'olb'itan yaj junocxo mach ticnaic. An̈ej to tze tan̈vej sja Cajal Jesús, yujto a' ol ch'oxanel masanil tastac. Icha tz'aj scheclajel junoc tas c'ub'ab'ilel d'a scal q'uic'alq'uinal ayic sc'och saquilq'uinal d'ay, icha chi' ol aj scheclaj masanil tastac ta'. A Cajal Jesús chi' ol ac'an checlajoc tas ay d'a co pensar co masanil. Ato val ta' ol yal co vach'il Dios, ato syala' tas co munlajel junjun on̈.

1 Co 4:5 ပူးပေါင်းရင်းမြစ်များ

Job 12:22

A tz'a'n 'ojcax 'el tas c'ultac yaj yu'uj, ax jun tzo'n̈ tas 'ay 'a scal q'uic'q'uinal, a tz'i'n 'elta, ax 'a scal sacq'uinl tzya'x cani.

Pr 12:8

Tzalx wach' paxti 'a eb' 'anma yuj sjelnal; ax eb' may snab'en, caw patcab'il 'el eb'.

Ec 11:9

Ex quelmtac yet' ex cob'stac, tzaljan̈ec ya' sb'a caw te'n eyip; 'a'c tzaljoc e c'ojl 'a tas wach' ya' sb'a tztac' eyu'uj. 'Ixquec 'aj tze nib'j tzex 'ati, yet' tas tze nib'j tze b'o'o, palta tzeyojcan pax 'eli, to 'oj ex sb'eyc'ojloc Dios yuj smasnil jun tzo'n̈ tze b'o cha.

Ec 12:14

A Dios, 'oj sc'anb'c 'ayn̈ec yuj smasnil tas xlaj qui b'o'ec, toto wach', mto man̈ wach'oc, wach'xam c'ultacl xqui b'o'ec.

Jeremías 16:17

Yujto tzwil smasnil tas tz'el sb'on eb'. May junc mach tztac' sc'ub'n 'el sb'a 'a in sat, matz tac' xon sc'ub'n 'el smul 'a in sat.

Jeremías 23:25

'Ix wab' wal tas 'ix yal jun tzo'n̈ checb' 'a'm 'es cha. Caw tzte'wtzej sb'a eb' yalni, to in paxti tzyal-l eb', tolab' tzin paxtin 'a waychil 'a eb' yala'.

Os 8:13

Xlaj yac' eb' xajmb'al 'ayin, xlaj schinc eb' no', palta matz in tzalj yet' eb'. Nann̈ej smul eb' wu'uj, yuj cha, 'oj wa'chn̈ej syailal eb'. 'Oj wa'x meltzjoc eb' jun 'ejm xo 'a Egipto.

Malaquías 3:18

Atta 'oj nachjoc 'el eyuj ax tic, chajtlto chuc spac yic eb' wach' sb'eyb'al tzin 'a'n servil, chuc pax spac yic eb' maysch'olnil sb'eyb'al matz in 'a'n servil, xchi Dios.

Mt 10:26

Yuj cha, man̈ ex xiw 'a eb' 'anma'. Jantcn̈ej tas c'ultac yaj ticnec, c'uxn 'oj checljoc 'eli. Yet' jantcn̈ej tas c'ub'b'il 'eli, c'uxn 'oj 'ojcaxc 'eli.

Mt 24:30

'Ixta to b'i'an, ax scheclj jun senya 'a satcha'an̈, chajtlto an 'Ochnc in 'Anmal tic, an tzin jawi. Ax eb' 'anma 'a junjn chon̈b' 'a yolyib'n̈q'uinl tic, 'oj 'oc' eb', yujto 'oj yil eb' in jaw 'a scal 'asun. Man̈ jantcoc in poder yet' in tzictznial, ax in jawi.

Mt 24:46

Atn eb' wan smunlj 'icha tznib'j win patron̈ cha, yic 'oj jawc win jun 'ejm xo. Caw wach' yic eb' cha.

Mt 25:21

Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a win smoso cha.

Mt 25:23

Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a junx smoso cha.

Lc 6:37

Man̈ e b'eyc'ojloc junc xo mach, toto 'ixta', ma'oj ex sb'eyc'ojloc Dios. Man̈ e comn aloc, to 'ay smul junc xo mach, toto 'ixta', ma'oj yal Dios to 'ay e mul jun xo. 'A'cn̈ej niwnc'ojlal, toto 'ixta', 'oj ex ya'n̈j pax niwnc'ojlal Dios jun xo.

Jn 21:22

Yuj cha, 'ix yaln pax Jesús 'a 'ixtic: —Toxn̈ej tzyal in c'ojol, pitznto ax in japxi, may aln ec 'a 'a. Cojnto tzach 'och wal tza'n wu'uj, xchi 'a Pedro cha.

Jn 21:23

Yuj cha, 'ix 'el speclal 'a scal eb' creyente, chajtlto ma'oj cham jun scuywum Jesús cha. Palta may tas 'ix yal Jesús, toto ma'oj chamoc. Cojn 'ix yal 'ixtic: Toxn̈ej tzyal in c'ojol, pitznto ax in japxi, may aln ec 'a 'a, xchi.

Jn 5:44

Toto an̈j 'a e sat junjn ex tze nib'j 'ay eyel'chi, toto matz e nib'j 'ay eyel'ch 'a sat Dios jun caw yel, ¿tom 'oj stac' eya'n 'och e c'ojl 'a 'a?

Ro 14:4

Q'uinloc 'ay junc mach tzmunlj 'a junc spatron̈. ¿Tom 'ay calnec quic qui b'eyc'ojlan jun cha? Cojxn jun spatron̈ chi 'ay yaln yic yalni, toto wach' 'a sat, mto ma'ay. An̈jtona', 'ixta on̈c 'a Cajlil. Palta wach' 'oj cajc 'a sat, yujto 'ay spoder yoch quet'ec, sec caw wach' tzcutjec qui b'a.

Ro 2:1

Tzann̈j junc on̈c tzqui b'eyc'ojlej junc xo mach, matz tac' calnec, to may qui mul, yujto a yic tzqui b'eyc'ojlanec cha, wan qui'nec cot yailal 'a quib'an̈. Yujto lajn tas tz'el qui b'onec yet'oc.

Ro 2:16

At 'a yic 'oj jawc jun c'ual, 'oj sb'eyc'ojloc Dios smasnil 'anma', yuj tastc c'ultac yaj yuj eb'. A Jesucristo 'oj b'eyc'ojlanc eb' yu'uj, 'icha tzyal jun wach' 'ab'x yic colnb'il tzwal-l tic.

Ro 2:29

Palta a eb' yel 'aych snab'en 'a Dios, atn eb' yel israel 'a sat. Yujto a jun circuncisión yel 'a sat Dios, atn jun 'aych 'a qui nab'en, man̈ yujoc junc ley tz'ib'b'il cani, tz'ajx 'ayon̈, palta a Yespíritu tz'a'n 'ayon̈. Yuj cha, man̈oc eb' 'anma tzon̈ alnec wach'il, palta a cab' Dios tzon̈ alnec wach'il.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

1 Co 1:7

A ticnec, wan e tan̈wni jun c'u yic 'oj jawc pax Cajlil Jesucristo. Ax Dios, tz'acn tzyac' smasnil yic 'ayex.

1 Co 11:16

Toto 'ay ex, tzcot eyowl yuj jun tzo'n̈ cuynb'il tic, yowlal tznachj cab' 'el eyu'uj, chajtlto an̈ tic on̈, toxn matz qui chaj junc xo chuc b'eyb'al on̈. An̈jtona', 'ixta pax eb' creyente 'a junjn yiglesia Dios, matz chaj eb' junc xo chuc b'eyb'alil.

1 Co 11:26

Yuj cha, a yic tzqui wanec jun pan tic, tzcu'lb'anec jun vaso tic 'a junjn 'ejem, tzqui ch'oxnec 'el schaml Cajlilec. 'Ixtc 'oj qui b'o'ec, masnto 'oj jawc pax Cajlilec cha.

1 Co 15:23

'Ay stiempoal 'ix pitzw pax Cristo. An̈jtona', 'ay stiempoal 'oj qui pitzwec pax jun xo. A Cristo cha, b'ab'l pitzwnac. Ax 'a yic 'oj jawc jun 'ejm xo, atta 'oj pitzwc pax smasnil eb' yico'.

1 Co 3:13

Palta a qui munljel junjn on̈ec, caw 'oj checljoc 'eli, a yic 'oj jawc jun c'u yic b'eyc'ojlal. 'Icha junc c'ac' tzjawi, 'ixta 'oj 'aj sjaw jun b'eyc'ojlal cha. Ax yajx prowal qui munljel junjn on̈ec, toto wach', mto ma'ay.

1 Co 3:14

'Ay eb' wach' smunljel. 'Icha junc n̈a matz tz'a yuj c'ac', 'ixta smunljel eb' cha, yujto 'oj techjoc jun b'eyc'ojlal chi yu'uj. Atn eb' chi 'oj chanc spac smunljel.

1 Co 3:8

A eb' 'awum yet' eb' tz'a'n 'och yalil, lajnn̈ej yel'ch smunljel eb'. Palta 'oj scha eb' spac 'a Dios, a tzyala jantc smunljel junjn eb'.

2 Co 10:18

'Ay eb' mun tzyal wach'l sb'a, palta may yel'ch tas tzyal eb' cha, cojn eb' tzyal Cajlilec wach'il, an̈j eb' wach'.

2 Co 10:9

'Ixtc tzwutj waln 'at 'ayex, sec ma'oj e na', chajtlto ton̈j tzin nib'j tzex xiw yuj jun tzo'n̈ in carta tzwa't 'ayex.

2 Co 4:2

'Ay jun tzo'n̈ tas tzlaj sb'o eb' 'anma 'a c'ultaquil, caw q'uixweltac. An̈ xo tic on̈, cactjnac can jun tzo'n̈ chi 'a jun 'ejmn̈ej on̈. May junc mach tz'ec' quixtj paxti yuj tas jeln tzcutj caln on̈. May junc comn paxti tzca'ch 'a scal spaxti Dios on̈. Yujto cojn wal jun tzo'n̈ tas yel, an̈j tzcal on̈. 'Ixta tzcutj qui ch'oxn 'el copiso 'a junjn mach 'a sat Dios on̈, sec tztac' snan eb' yet' snab'en tas caj on̈.

2 Co 5:10

Yujto yowlal 'oj qui c'ochc 'a yojltac sdespacho Cristo, sec junjn on̈ec, 'oj qui chac spac tastc tzqui b'o'o, yic 'ayn̈ect 'ec' 'a jun qui niwnalec tic. A tzyala, toto wach' tzqui b'o'o, mto maysch'olnil.

1 Ts 5:2

Yujto eyojc xo si'mb'il, 'icha junc 'elc'm tzjaw 'a 'ac'wal, may mach 'ojtnac, janc' tzjawi, 'ixta 'oj jawc sc'ul sjaw Cajlilec.

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.

Santiago 4:11

Ex wu'tac, ex wanab', man̈x eyal-lac e peclal. Toto tzcalc speclal junc quit creyenteal, mto tzqui b'eyc'ojlej, tzyal 'el'chi, a sley Dios tzcalc speclal, mto wan qui b'eyc'ojlani. Palta toto tzqui b'eyc'ojlejc sley Dios, man̈xtzac qui yicljec sley cha, wan ca'nec 'och qui b'a juezal.

Santiago 5:7

Palta ax xo wu'tac, wanab', 'a'c niwnc'ojlal e tan̈wni, masnto 'oj jawc Cajlilec. 'Iltec eb' munljum, tztan̈wj eb' yel-l smunljel, atn jun sat caw 'ay tz'och yuj eb'. Tz'ec' jun b'ab'l n̈ab', masnto tzlajw 'ec' n̈ab'lq'uinal, palta tzyac' eb' niwnc'ojlal 'a smunljel cha.

Santiago 5:9

Ex wu'tac, ex wanab', man̈ eya'lac queja e b'a, sec wach' ma'oj e b'eyc'ojlaxi. Yujto jab'xoj 'oj jawc qui Juezalec.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.

A Schab'il Carta San Pedro 3:12

Qui tan̈wquec sjaw jun c'u yic Dios. Ca'c wal 'ip qui munlj 'a 'a, sec toq'ue 'oj jawc muc'uc. A 'a jun c'u cha, 'oj lajwc satchan̈ yuj c'ac'. Ax jantcn̈ej tas 'ay 'a sat lum tic, c'uxn 'oj 'ulb'xoc yuj c'ac' cha.

A Schab'il Carta San Pedro 3:4

'Oj yal pax eb' 'ixtic: Ya'jnac can Cristo sti', chajtlto 'oj jawc paxi, palta ¿'in 'ajm 'ay ticnec? Niwnoc cob' stan̈wjnac eb' qui mam quichmec, palta chamnc pax eb'. 'Iltec, 'ichan̈ej yaj smasnil tas yictax sb'o yolyib'n̈q'uinl tic, an̈ja 'ixtan̈ej yaj pax ticnec, palta an̈ja may mach tzjawi, 'oj schic cob' eb'.

San Judas 1:14

A win Enoc, yucl xo yin̈tl Adán yajcn winac. A Dios 'a'jnac yalcn 'el win yab'xil eb' 'ay 'a qui calc tic. Yic yaln win 'ixtic: 'Ab'ec. A yic 'oj jawc Cajlilec, man̈ jantcoc eb' yic 'oj jawc yet'oc.

Apoc 1:7

'Iltec, jab'xoj 'oj jawc Cristo 'a scal 'asun. Smasnil 'anma', 'oj yil eb' sjawi, an̈jtona eb' tecjnac chamoc, 'oj yil pax eb' sjawi. Ax eb' 'anma 'a junjn chon̈b' 'a yolyib'n̈q'uinl tic, a yic 'oj yilnc eb', caw 'oj 'oc' eb'. Wal yel, 'ixta wal 'oj 'ajoc.

Apoc 20:12

Ax xwiln eb' chamnc smasnil, eb' niwn yel'chi, yet' eb' may yel'chi, lin̈n 'ec' eb' 'a yojltac Dios smasnil. Xlajw cha, xjacw jun tzo'n̈ ch'an̈ libro. 'Ay pax junx 'ix jacwi, atn jun libro yic q'uinl 'a jun 'ejmn̈ej. 'Ix b'eyc'ojlax eb' yuj tastc sb'ojnac jun jun. A tzyala, tastc tz'ib'b'il 'a jun tzo'n̈ libro cha.