1 Co 4:18 - Chuj San Sebastian Bible

¹⁸ 'Ay ab' jaywn̈ eb' tzyij chan̈ sb'a 'a e cal, yujto tzna eb', man̈x 'oj 'at ex wila'.

Chuj San Mateo Bible

¹⁸ Ay ab' jayvan̈ eb' syic'chaan̈ sb'a d'a e cal, yujto a snaan eb' to man̈xo ol in b'at ex vila'.

1 Co 4:18 ပူးပေါင်းရင်းမြစ်များ

1 Co 4:21

Palta a ticnec, ¿'aja junc tas tze nib'j tz'at in b'o 'ayex? ¿Tom tze nib'j tz'at ex wac' cuenta yuj e mul? ¿Mto tze nib'ej, to tz'at in ch'ox in chamc'ojlal 'ayex, 'emmquilal tz'at wutc in b'a 'ayex?

1 Co 5:2

Eyojtac, 'ixta tzyutj sb'a winac, palta an̈ja e b'an̈n e b'a. Smoj wal caw tzex cus si'mb'il. A win tzb'on jun maysch'olnil cha, yowlal tzeyij 'el 'a e cal.

2 Co 10:2

Palta tzin tew 'at 'ayex, sec wach' a yic 'oj in c'och 'ayex, man̈ yowlalc ow 'oj wutc in b'a. Yujto 'ayx wan eyaln cuj on̈, to ton̈j tzqui b'eylb'ej 'icha sb'eyb'al junc comn 'anma 'on̈. Palta an tic, caw ma'oj in xiw in ten in b'a yet' eb' tzaln cha.

2 Co 12:20

Tzin xiwi, yujto a yic 'oj 'at ex wila', toq'ue man̈ ex 'ichcta 'icha tzin nib'ej. An xo tic, toq'ue man̈ in 'ichcta 'icha tze nib'ej. Caw tzin xiw in 'at 'ayex, toq'ue 'ay owl 'a e cal, chichnc'ojlal, yet' c'a'lc'ojlal. Toq'ue 'ayx wan laj eyi'n chan̈ e b'a, toq'ue 'ayx tzex laj b'uchwj 'a e patc junjn ex, 'ayx alm ex peclal. Toq'ue 'ayx tzlaj e b'an̈ e b'a, 'ayx pax wan laj e somchj 'eli.