1 Co 4:12 - Chuj San Sebastian Bible

¹² Caw wal tz'el quip qui munlj yet' qui c'ab' tic on̈. Ax eb' 'anma', tzb'uchwj eb' 'ayn̈ on̈, palta tzqui c'an cot swach'c'ojlal Dios 'a yib'n̈ eb' on̈. 'Ay 'aj tzya'ch eb' yailal 'a quib'n̈ on̈, palta tzcac' techjoc on̈.

Chuj San Mateo Bible

¹² Tz'el val quip co munlaj yed' co c'ab' tic. Ay mach tzon̈ b'uchani, palta sco c'ancot svach'c'olal Dios d'a yib'an̈ eb'. Ay b'aj syac'och yaelal eb' d'a quib'an̈, palta scac'n̈ej techajoc.

1 Co 4:12 ပူးပေါင်းရင်းမြစ်များ

Mt 5:11

Ax xo tic, q'uinloc wujn̈ej tzex b'ajxi, toto 'ay tas maysch'olnil tz'ajx 'och 'a eyib'an̈, mto wujn̈ej tz'ajx 'och jun tzo'n̈ 'es 'a eyib'an̈, toto 'ixta', caw wach' pax eyico'.

Mt 5:44

Palta an tzwal 'ayex, yowlal tze chamc'ojlej eb' 'ajc'ojl yajch 'ayex. [A eb' tzc'ann cot yowl sc'ojl Dios 'a eyib'an̈, ax xo tze c'an cot swach'c'ojlal Dios 'a yib'n̈ eb'. Wach'n̈j tzeyutj e b'a 'a eb' tzchichn 'och 'ayex. Ax eb' tzex b'uchni,] yet' eb' tz'a'n 'och 'a eyib'an̈, tzex leslwi pax yuj eb'.

Lc 23:34

Ax yic wan st'un̈n q'ue eb' Jesús, 'ix yaln 'ixtic: —Mamin, 'ac' niwnc'ojlal 'a eb', yujto man̈ yojcoc eb' tas wan sb'oni, xchi 'a Dios. Ax ewin soldado cha, xya'n ewin b'ul, yic tzpojn 'ec' ewin spichl Jesús 'a 'a.

Lc 6:28

A eb' tzc'ann cot yowl sc'ojl Dios 'a eyib'an̈, ax xo tze c'an cot swach'c'ojlal Dios 'a yib'n̈ eb'. A eb' tzex b'uchni, tzex leslwi yuj eb'.

Jn 15:20

Caw tze na cot jun paxti 'ix wal 'ayx tic: May junc moso 'ec'b'al yel'ch 'a yib'n̈ spatron̈, xin chi 'ayex. 'Icha tzya'ch eb' yailal 'a wib'an̈, 'ixta 'oj yutc eb' ya'n 'och 'a eyib'n̈ jun xo. Toto 'ix syiclj eb' in paxti an tic, 'oj syiclc pax eb' eyic jun xo.

A Tas Sc'ulejnac Eb' Schecab' Jesús Hechos 18:3

Ata x'och wan yet' eb', yujto lajn smunljel eb' schawn̈il. To b'om mantiado eb'. Yuj cha, junn̈j tzmunlj eb' ta'.

A Tas Sc'ulejnac Eb' Schecab' Jesús Hechos 20:34

'In eyojtac, caw in munlj yet' in c'ab' yuj tas 'ay x'och wu'uj, yet' tas 'ay x'och yuj eb' ajun wet'oc.

A Tas Sc'ulejnac Eb' Schecab' Jesús Hechos 7:60

Xlajwn̈ej cha, 'ix 'em cuman. Caw 'ip xq'ue yaw sleslwi: —Mamin, man̈ a'cn 'och jun smul eb' tic 'a yib'an̈, xchi. Xlajw xoj yaln jun cha, 'ix cham yuj eb'.

Ro 12:14

A mach tu tzlaj yutc sb'a 'ayn̈ec, yowlal tzqui c'an cot swach'c'ojlal Dios 'a yib'an̈. Man̈oc yowl sc'ojl Dios chi tzqui c'anc cot 'a yib'an̈.

Ro 12:20

An̈jtona tzyaln pax 'ixtc 'a Ch'an̈: Toto 'ay swejl eb' 'ajc'ojl yajch 'ayex, 'a'c tas tzc'ux eb', toto 'ay stacn̈til eb', 'a'c tas tzyu'j eb'. 'Ixta 'oj 'aj schacb' 'el sat eb' sq'uixwi, 'icha wal to tze secc q'ue stza c'ac' caw tzn̈ilchj 'a sjolm eb', xchi 'a Ch'an̈.

Ro 8:35

May junc tas tzch'oxni, to tzyij 'el Cristo schamc'ojlal 'ayn̈ec. Wach'xam yailal, wach'xam junc niwn cusc'ojlal, mto junc mach tz'a'n 'och junc tas 'a quib'n̈ec, toxn̈ej tz'och qui wejlec, toxn̈ej may qui pichul, toxn̈ej tzjaw junc tas 'ay smay, wach'xam tzon̈ milxec chamoc, toxn matz yij 'el Cristo schamc'ojlal 'ayn̈ec.

1 Co 9:6

¿Tom may waln wic in chan jac colwal yet' Bernabé tic tze na'a? ¿Tom yowlal an̈ja tzin munlji yic tzin sayn jac in gasto? ¿Tom cojn jun tzo'n̈ xo eb' schecb' chi 'ay yaln yic e nani?

2 Co 11:8

'Icha wal to 'ochnc in 'elc'l 'a jun tzo'n̈ xo iglesia eyu'uj, yujto a 'a eb' in chajnac in gasto, yic ex wa'n servil.

Ef 4:28

Toto 'ayex, an̈ja 'elc'm ex, caw man̈x eyelc' junc tas ticnec. Yel xo wach' tzex munlj 'a junc munljel wach', sec 'oj stac' e colwj pax 'a jun tzo'n̈ xo eb' caw may jac yico'.

1 Ts 2:9

Ex wu'tac, ex wanab', tecn tze na coti, chajtl 'ec' cutjnac qui munlj 'a e cal on̈. Caw xcac' 'ip qui munlj on̈. Yic 'ec' calnc 'el wach' 'ab'x yic Dios 'ayx on̈, sc'ual yac'wlil munljnacn̈ pax yuj qui gasto on̈. 'Ixta 'e'nc on̈ ta 'on̈, yujto qui nib'jnac on̈, may mach tz'ab'n syal ya'n qui gasto ta 'on̈.

2 Ts 3:8

Eyojtac, may 'aj qui c'anjnac wa qui b'a 'ayx 'a nab'an̈ej on̈. Palta sc'ual yac'wlil on̈ munlj 'a e cal on̈. Caw ca'jnac 'ip qui munlj on̈, yujto qui nib'jnac on̈, may mach tz'ab'n syal ya'n qui gasto ta 'on̈.

1 Ti 4:10

Yuj wal jun tic, caw 'ip tzon̈ munlj 'a yic Dios, tzcab'n pax syal yu'uj. Yujto a Dios pitzan, a tzca'ch yipc qui c'ojol. A Dios, sColmal smasnil 'anma yaji. A wal eb' tzya'ch sc'ojl 'a 'a, 'oj colchjoc eb' yu'uj.

A Sb'ab'el Carta San Pedro 2:23

A 'a yic 'ix b'uchwj eb' 'a 'a, ma'ix b'uchwj pax 'a eb'. Ax yic 'ix 'ajx pax 'och 'a syailal, ma'ix yala, to 'oj yac' spac 'a eb'. Ton̈j xyac' 'ab'enal sb'a 'a Dios, atn jun Juez caw tojol.

A Sb'ab'el Carta San Pedro 3:14

Palta toto tzcab'c syal yuj qui wach' b'eyb'al, caw wach' quiquec. Yuj cha, man̈ ex xiw 'a junc mach. Man̈ eyac' somchjc 'el e nab'en.

A Sb'ab'el Carta San Pedro 3:9

Toto 'ay eb' tu tzyutj sb'a 'ayex, man̈ tuc tzeyutj e b'a 'a eb' jun xo. Toto 'ay eb' tzex b'uchni, man̈ ex b'uchwjoc pax 'a eb'. Ton̈j tze c'an swach'c'ojlal Dios 'a yib'n̈ eb'. Yujto a Dios on̈ 'awtnec 'och yico'oc, yic tzya'n swach'c'ojlal 'ayn̈ec.

A Sb'ab'el Carta San Pedro 4:19

Yuj cha, a yic tzjaw junc yailal 'a quib'n̈ec 'icha tznib'j Dios, yowlal an̈ja wach' tzcutjec qui b'eyb'al. Tzca'nec qui b'a 'a yol sc'ab' jun b'ojnacn̈ec, yujto a jun cha, tz'el'chn̈ej tas tzyala.

San Judas 1:9

Tzqui nacc cot jun sat ángel Miguel sb'i, ya'jnac owl yet' win diablo 'a jun 'el, yic sten sb'a yet' win yuj sniwnal Moisés. A Miguel cha, wach'xam caw niwn spoder, palta ma'ix ste'wtzej sb'a sb'uchwj 'a win diablo cha. Ma'ix yal smul winac. Cojn 'ixtc xyutj yaln 'a winac: Comnoc a Dios 'oj a tumni, schin̈j 'a winac.