1 Co 4:11 - Chuj San Sebastian Bible

¹¹ A ticnec, 'ay 'aj caw tzcab' syal yuj wejl on̈, yet' tacn̈ti'al. Caw may pax qui pichl on̈. 'Ay 'aj tzon̈ smac' eb' 'anma on̈. May pax catut on̈.

Chuj San Mateo Bible

¹¹ An̈ejtona' ticnaic, ay b'aj ya tzon̈ ec' yuj vejel yed' yuj taquin̈tial. Malaj pax co pichul. Ay b'aj tzon̈ smac' eb' anima. Malaj pax co pat.

1 Co 4:11 ပူးပေါင်းရင်းမြစ်များ

Job 22:6

Yujto xlaj a c'anc' spichl eb' meb'a 'anma smajnub'loc junc tas tzac' smajnc cha.

Mt 8:20

Ax Jesús, xyaln 'ixtc 'a winac: —A no wa'ax 'ay yet'l no 'a yol n̈aq'ue'en, no ch'ic, 'ay yet'l no 'aj tzwayi. Palta an xo tic, wach'xam 'Ochnc in 'Anma'il, may wet'l 'aj tzin wayi, xchi 'a winac.

A Tas Sc'ulejnac Eb' Schecab' Jesús Hechos 14:19

Palta 'ay jaywn̈ eb' israel 'aj Antioquía xc'ochi, yet' jaywn̈ xo eb' 'aj Iconio. 'Ix ya'n eb' sc'ojloc eb' 'anma cha. Yuj cha, xlaj sjulq'uenan eb' Pablo cha, a snan eb' to xchami. X'at sjucn can 'el eb' 'a sti 'el schon̈ab'.

A Tas Sc'ulejnac Eb' Schecab' Jesús Hechos 16:23

Til wal x'aj eb' sma'xi, xlajw cha, 'ix xutx 'och eb' 'a preso. Ax ewin juez cha, xyaln ewin 'a win tan̈m preso chi 'ixtic: —Caw sin̈n̈i tzotj ewinac, xchi ewin 'a winac.

A Tas Sc'ulejnac Eb' Schecab' Jesús Hechos 23:2

Ax Ananías, win sat ya'mal 'och sti eb' israel 'a Dios, 'ix yaln win 'a eb' 'ayc' 'a stz'ey Pablo cha, to tzmac' eb' sti'.

Ro 8:35

May junc tas tzch'oxni, to tzyij 'el Cristo schamc'ojlal 'ayn̈ec. Wach'xam yailal, wach'xam junc niwn cusc'ojlal, mto junc mach tz'a'n 'och junc tas 'a quib'n̈ec, toxn̈ej tz'och qui wejlec, toxn̈ej may qui pichul, toxn̈ej tzjaw junc tas 'ay smay, wach'xam tzon̈ milxec chamoc, toxn matz yij 'el Cristo schamc'ojlal 'ayn̈ec.

1 Co 9:4

An tic, 'ay waln wic in chan tas tzin c'uxu, yet' tas tzwuq'uej.

2 Co 11:20

'Ay eb' tzex 'a'n pural, yic tzeya'n servil eb'. Ax jantcn̈ej tas 'ay 'ayex, c'uxn tztoc'c' eb'. Caw tzya'ch sb'a eb' yajlil 'ayex, tzyi'n chan̈ sb'a eb', 'ay 'aj tzpawch eb' scab' 'a e sat, palta ax xo, 'in tzeyac' techjoc 'a eb'.

2 Co 4:8

'Icha to caw oyn 'och yailal 'ayn̈ on̈, palta matz on̈ can 'a yaln̈ yuj on̈. 'Ayn̈ 'och 'a somc'ojlal on̈, palta matz qui wach' 'a'j somchjc 'el qui b'a on̈.

A Scarta San Pablo D'a Eb' Aj Filipos 4:12

Smasniln̈ej tas xwa'lej. 'Ay 'aj may jac tas 'ayin. 'Ay 'aj caw tzyac' pax sobra. Yuj cha, toxn̈ej b'ut'n in, tzyac' sobra tas 'ay 'ayin, toxn̈ej tz'och in wejel, may xon jac tas tzin c'uxu, palta c'aync in, tztechn̈ej wu'uj.

2 Ti 3:11

An̈jtona', lajn pax a te'nal wet' 'a scal jun tzo'n̈ tas tz'ajx 'och 'a wib'an̈, yet' jun tzo'n̈ xo tas tzwab' syail. 'In ojc xo, caw in 'ixtxi, yic wec' 'a chon̈b' Antioquía, 'a Iconio, yet' 'a Listra. Til wal wab'jnac syal 'a jun tzo'n̈ chon̈b' cha, palta a Cajlil, a coljnacn can 'el 'a yol sc'ab' smasnil.