1 Co 4:10 - Chuj San Sebastian Bible

¹⁰ 'Icha to may jac qui nab'en 'a sat eb' 'anma 'on̈, yujto 'aych qui nab'en 'a Cristo on̈. Palta ax xo, caw jeln ex xo 'a yic Cristo chi e nani. Cojc on̈, man̈toc te'n on̈ on̈. Ax xo, 'icha to caw te'n ex xo. An̈ tic on̈, tzon̈ spatquilj can 'el eb' 'anma 'on̈. Palta ax xo, caw 'ay eyel'ch 'a sat eb'.

Chuj San Mateo Bible

¹⁰ Ichato malaj co pensar d'a yichan̈ anima, yujto ayoch co pensar d'a Cristo. Palta a exxo tic, te jelan exxo d'a yic Cristo e naani. Cojtac to man̈ on̈ tec'anoc. A exxo tic, ichato te tec'an exxo. A on̈ tic, tzon̈ spatiquejel eb' anima. Palta a exxo tic, te ay val eyelc'och d'a sat eb'.

1 Co 4:10 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 9:11

A yic 'ix 'elx c'ochx Jehú 'a 'aj yamn eb' yit capitan̈il yic win rey cha, 'ix sc'anb'n eb' 'ixtc 'a 'a: —¿Tas xchi, wach' ama? ¿Tas yuj tzach wul yil jun tzcot 'a sjolm cha? xchi eb'. —Ax tic eyojc winac, eyojc xon tas tzyaln̈j eb' schecb' Dios cha, xchi Jehú.

Pr 11:12

A eb' may snab'en, tu tzyal eb' 'a spatc yit 'anma'il; ax eb' 'ay snab'en, may tas tzyal eb'.

Is 53:3

B'uchb'il, patcab'il 'el yuj yit 'anma'il. 'Ix 'ajx 'och yailal 'a yib'an̈, 'ix techj yu'uj yujto c'aync xon yab'n syail. 'Icha wal junc mach to man̈x smojc yilx 'ochi, 'ixta x'aji. Xqui patquiljec can 'eli, may yel'ch 'ayn̈ec.

Os 9:7

A ticnec, xc'och sc'ul sjaw yailal. Xc'och stiempoal e chan e tojl 'a 'icha wal tas smoj e chani. Ex israel, 'oj eyab' syal jun yailal cha. Tzeyal cob' 'ixtic: A jun schecb' Dios tic, caw may jac snab'en. A jun winc 'aych cob' Yespíritu Dios 'a tic, 'ix 'och owyail, xe chi. 'Oj eyal 'ixta', yujto cajn 'och maysch'olnil 'ayex, caw niwn pax e chichnc'ojlal.

Mt 24:9

Ax tic, 'oj eyajx 'och 'a yol sc'ab' eb' yajal, sec 'oj eyab' syal yuj eb', 'oj laj ex smil cham eb'. Smasnil 'anma 'oj laj chichnc 'och 'ayx wu'uj.

Mt 5:11

Ax xo tic, q'uinloc wujn̈ej tzex b'ajxi, toto 'ay tas maysch'olnil tz'ajx 'och 'a eyib'an̈, mto wujn̈ej tz'ajx 'och jun tzo'n̈ 'es 'a eyib'an̈, toto 'ixta', caw wach' pax eyico'.

Lc 10:16

'Ix yaln pax 'a eb' scuywum 'ixtic: —A mach tzchan 'ab'noc 'ayex, tzyal 'el'chi, 'a 'ayn tzchaj eb' yab'i'. Ax eb' tzex patquiln can 'eli, tzyal 'el'chi, an tzin spatquilj can 'el eb'. A eb' tzin patquiln can 'el cha, tzyal 'el'chi, a Dios checjnacn coti, a tzpatquilj can pax 'el eb', xchi Jesús 'a eb'.

Lc 18:9

'Ix yaln Jesús junx 'ab'x 'a jun tzo'n̈ eb' tzyal wach'l sb'a, palta may yel'ch yit 'anmal eb' 'a sat. Yuj cha, xyaln 'ixtc 'a eb':

Lc 6:22

Wuj an 'Ochnc in 'Anmal tic, 'oj chichnc 'och eb' 'anma 'ayex, 'oj ex spech 'elt eb' 'a scal, 'oj ex sb'uch pax eb'. Caw maysch'olnil 'oj yal eb' 'a e patc wu'uj. Palta 'a yic 'ixta 'oj ex yutc eb', caw wach' eyico'.

A Tas Sc'ulejnac Eb' Schecab' Jesús Hechos 17:18

'Ay jun tzo'n̈ winc caw jelan, yujto tzcuy eb' sjelnal eb' tzcuch epicúreo yet' jun tzo'n̈ eb' tzcuch estoico. 'Ix syamn 'och eb' spaxtin yet' Pablo. Ax nan̈l xo eb', mun xyal eb' 'ixtic: —A win puch yec' paxtinc tic, ¿tas 'oj yal win 'ayn̈ec? xchi eb'. 'Ay jun tzo'n̈ xo eb' xaln 'ixtic: —Al qui nani, to tzwul yal win yab'xil jun tzo'n̈ chuc diosal, xchi eb'. 'Ixta xyutj eb' yalni, yujto x'ec' yal-l Pablo yab'xil Jesucristo. 'Ix yaln paxi, chajtlto 'oj pitzwc pax eb' chamnac.

A Tas Sc'ulejnac Eb' Schecab' Jesús Hechos 17:32

A yic xyab'n eb', to tzpitzw pax eb' chamnac, 'ay eb' xb'uchwj 'a 'a, palta 'ay jun tzo'n̈ xo eb' xaln 'a 'ixtic: —'Oj qui c'anb'c cab' jun tzo'n̈ tic 'aych jun 'ejm xo, xchi eb'.

A Tas Sc'ulejnac Eb' Schecab' Jesús Hechos 26:24

Wan yaln Pablo jun tzo'n̈ tic, yic xyaln spaxti', ax Festo, xq'ue jucnjoc yaln 'a 'a: —Caw owya ach Pablo. Til wal tas a cuyjnac, yuj cha, ach 'och owyail, xchi win 'a 'a.

A Tas Sc'ulejnac Eb' Schecab' Jesús Hechos 9:16

An 'oj in ch'ox 'a 'a, to yowlal 'oj yab' syal wu'uj, xchi Cajlil.

1 Co 1:21

Yuj sjelnal Dios 'ix 'el 'a sc'ojol, to a eb' yic yolyib'n̈q'uinl tic, man̈ yujoc sjelnal eb' cha, tztac' yojcan 'el eb' Dios cha. Palta x'el 'a sc'ojol, to an̈ec 'aych qui c'ojl 'a 'a, tzon̈ colchjec yuj jun wach' 'ab'ix, atn jun may yel'ch 'a sat eb' 'anma'.

1 Co 1:23

Palta an̈ec xo tic, tzcalc 'el yab'xil Cristo, chajtlto xcham 'a spenc culus. A 'a sat eb' israel cha, may jac yopiso jun 'ab'x tic, ton̈j tzchichn 'och eb' 'a 'a. An̈jtona', yet' eb' man̈ israeloc, may jac yel'ch jun 'ab'x tic 'a sat eb'.

1 Co 1:25

Yuj schamlil Cristo 'a spenc te culus, yuj cha, 'icha to may snab'en Dios snan eb' 'anma'. Palta 'ix sch'oxo, to 'ec'b'al sjelnal 'a yib'n̈ eb' smasnil. An̈jtona', 'icha to may spoder Dios chi snan eb'. Palta 'ix sch'oxo, to 'ec'b'al spoder 'a yib'n̈ eb' 'anma smasnil.

1 Co 10:12

Yuj cha, a mach tznani to caw tec'an, yowlal tzyac' cuenta sb'a, yujto 'ay smay tzjuw 'eli.

1 Co 2:14

A eb' man̈ 'ayc 'och Yespíritu Dios 'a 'a, matz ya'ch eb' sc'ojl 'a jun tzo'n̈ cuynb'il yic Espíritu, yujto may yel'ch 'a sat eb'. Matz tac' scomn nachj 'el jun tzo'n̈ tic yuj eb', yujto cojxn Yespíritu Dios tz'a'n nachjc 'eli.

1 Co 2:3

A yic wec' ta', may wel'ch 'a sat junc 'anma'. 'Ib'xnacn yuj xiwlal.

1 Co 3:18

Caw man̈ e cha 'ixtxoc paxti e b'a. Toto 'ayx tze na'a, to jeln ex 'a yic yolyib'n̈q'uinl tic, yowlal tzeyij 'ejm e b'a 'a 'emmquilal, 'icha to may xon tas eyojtac, sec a Dios 'oj 'a'nc e jelnal cha.

1 Co 3:2

'Icha junc tz'ulc 'unin, mantzac stac' xon swan jac wa'il, 'ixta 'ex ta'. Yuj cha, 'icha tz'aj yajx chuw junc tz'ulc 'unn cha, 'ixta 'ec' wutjnac waln jun tzo'n̈ cuynb'il 'ayex. An̈j jun tzo'n̈ cuynb'il man̈ 'ajltacc 'ec' waljnac 'ayex, yujto a jun tzo'n̈ cuynb'il ya, mantzac techj eyuj ta'. Palta an̈jtona', 'ixta 'ex to pax ticnec,

1 Co 4:8

Ax xo, ¿tom tz'acn exx tze na'a? ¿Tom e chajnacx smasnil yic Dios e nan ticnec? Tecn wan e nani, to yajl ex xo ticnec. Palta an̈ xo tic on̈, ma'on̈ 'och yajlil eyet' on̈. Tocwal ex 'och yajlil 'a caw yel, to 'ixta', on̈ 'och pax yajlil eyet' on̈.

2 Co 10:10

Yujto 'ayx ab' tzeyal wuj 'ixtic: A jun tzo'n̈ scarta, caw ow ton yalni, caw 'ay yip. Palta ax winac, toxn may jac yip win tzquila. A yic tzpaxtini, may jac yel'ch tzcab'i, xe chi ab'i'.

2 Co 11:19

Ax tic, caw jeln ex. Palta 'in caw tzeyac' techjoc 'a eb' man̈ nab'enal tzyutj sb'a 'ayex, 'in tzex tzalj yet' eb'.

2 Co 11:29

Toto 'ay eb' mant 'a ste'nal, caw tzin 'och 'il yuj eb', 'icha to may in te'nal yet' eb'. Toto 'ay eb' tz'ajx juwc 'el snab'en, caw tzwab' syal si'mb'il yuj eb'.

2 Co 13:9

Yuj cha, wach'xam may wal quel'ch on̈, palta tzon̈ tzaljn̈ej on̈, sec tzwach' 'och e te'nal. An̈jtona', 'oj qui leslwi pax eyuj on̈, sec 'oj swach' b'oc e nab'en.

2 Co 4:12

Yuj cha, an̈ tic on̈, 'ayx 'och chaml 'a quib'n̈ on̈. Ax xo, 'ayx e q'uinl 'a jun 'ejmn̈ej.

2 Co 6:8

'Ay 'aj niwn quel'ch on̈, 'ay 'aj may jac quel'ch on̈. 'Ay 'aj tzon̈ alx wach'l on̈, 'ay 'aj ton̈j tzon̈ b'uchx on̈. 'Ay 'aj ton̈j tzcac' 'es snan eb' on̈, palta yel tas tzcal on̈.

1 Ts 4:8

Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.

A Sb'ab'el Carta San Pedro 4:14

Toto 'ay eb' tzon̈ b'uchnec, yujto 'aych qui nab'enec 'a Cristo, caw tzaljc'ojlal quiquec. Yujto a Yespíritu Dios, atn jun caw niwn yel'chi, a cajn 'och 'ayn̈ec. [A eb' cha, tu tzyal eb' 'a spatc Cristo. Palta an̈ec xo tic, niwn yel'ch 'a qui satec.]