1 Co 3:21 - Chuj San Sebastian Bible

²¹ Yuj cha, matz tac' eya'n 'och e nab'en 'a junc 'anma', tze b'an̈n e b'a yu'uj. Yujto xyac' Dios smasnil tas eyico'oc quet' on̈.

Chuj San Mateo Bible

²¹ Yuj chi', max yal eyac'anoch e pensar d'a junoc anima yic tzeyic'chaan̈ e b'a yuuj. Yujto masanil tas syac' Dios eyiquej.

1 Co 3:21 ပူးပေါင်းရင်းမြစ်များ

Is 20:5

Ax eb' 'anma cob' yipc'ojlal yaj Etiopía yu'uj, yet' eb' cob' tzb'an̈ sb'a yuj jun nacion̈ cha, 'oj xiw chan̈ eb', ax sq'uixw can 'el eb'.

Ro 4:13

Ya'jnac can Dios sti 'a win Abraham yet' 'a eb' yin̈til, chajtlto 'oj yac' yolyib'n̈q'uinl tic yico'oc eb'. Man̈ yujoc syicljnac win sley Dios, ya'n can sti 'a winac, palta yujn̈ej to wach' win 'a sat, yujto ya'jnac 'och win sc'ojl 'a 'a.

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

1 Co 4:6

Ex wu'tac, ex wanab', 'ix wal't 'ayex, tas waji, tas yaj pax Apolos, sec tznachj 'el jun tzo'n̈ cuynb'il tic eyu'uj. Yujto an yet' Apolos cha, ch'oxnb'il caj 'ayx on̈, sec wach' eyojtac, to matz tac' tzex 'ec' 'a yib'n̈ tas tzyal Ch'an̈ U'un̈. Yujto may junc mach tztac' e b'an̈ni, may pax junc mach tztac' e patquiln can 'eli.

2 Co 4:15

Smasnil jun tzo'n̈ xwal tic, eyu'uj tz'ajx 'och 'a quib'n̈ on̈. 'Ixta tzon̈ 'aj on̈, sec niwn mach tzchan swach'c'ojlal Dios. An̈jtona', niwn mach tzyac' yuj diosal 'a 'a. 'Ixta 'oj 'aj scheclj 'eli, to niwn swach'il.

2 Co 4:5

A yic tz'ec' calnc 'el on̈, man̈oc cab'xil tz'ec' cal-l on̈. Palta an̈j tic tzcal-l on̈, chajtlto a Jesucristo Cajlilec. Tzcaln cuj on̈, to eya'maln̈ej servil caj on̈, yujto 'ay qui chamc'ojlal 'a Jesús on̈.

2 Co 6:10

Wach'xam tz'ajx qui cusc'ojlal on̈, palta smasnil tiempo tzon̈ tzalj on̈. Wach'xam caw meb'a on̈ on̈, palta til wal eb' tz'och ricoal 'a sat Dios cuj on̈. Wach'xam may xon jac tas 'ayn̈ on̈, palta a 'a sat Dios, 'ay smasnil tas 'ayn̈ on̈.

Apoc 21:7

A eb' tz'a'n ganar ya'n techjoc, 'oj scha eb' smasnil jun tzo'n̈ tic smacloc 'ayin. Yujto an tic, sDiosal in eb', ax eb' wunnal eb', wisl eb'.