1 Co 3:18 - Chuj San Sebastian Bible

¹⁸ Caw man̈ e cha 'ixtxoc paxti e b'a. Toto 'ayx tze na'a, to jeln ex 'a yic yolyib'n̈q'uinl tic, yowlal tzeyij 'ejm e b'a 'a 'emmquilal, 'icha to may xon tas eyojtac, sec a Dios 'oj 'a'nc e jelnal cha.

Chuj San Mateo Bible

¹⁸ Malajocab' mach syac' musansatil sb'a. Tato ayex tze na'a to jelan ex d'a yic yolyib'an̈q'uinal tic, yovalil tzeyiq'uemta e b'a, ichato malaj tas eyojtac, yic vach' ol yac' e jelanil Dios.

1 Co 3:18 ပူးပေါင်းရင်းမြစ်များ

Pr 26:12

'Ayt wal jacx wach'l 'a eb' may snab'en, 'a yib'n̈ eb' to tzyal jelnal sb'a.

Pr 3:5

Yet' wal smasnil a c'ojol, tza'n 'och a nab'en 'a Jehová, man̈ a'ch a jelnal yipc a c'ojol.

Pr 3:7

Man̈ a na', chajtlto caw yel xo jeln ach; 'ay cab' yel'ch Jehová 'a a sat, 'ij 'el a b'a 'a scal maysch'olnil.

Pr 5:7

Yuj cha, ach wunnal 'ab' wal tas 'oj wala'. Man̈ e'l a b'a 'a in cuynb'il tic.

Is 44:20

A jun tzo'n̈ 'anma 'ixta tzyutj sb'a cha, 'icha to a stan̈il c'ac' tzc'ux eb', juwnacx 'el snab'en eb', satnc eb'. A jun tzo'n̈ 'anma cha, ma'oj stac' scoln sb'a eb'. Matz nachj 'el yuj eb', toto a tas b'ob'il yuj eb' cha, may jac yel'chi.

Is 5:21

'Oltac wal eb' cob' tzyal jelnal sb'a, caw wach' cob' snab'en eb' chi 'a tzyutj snani.

Jeremías 37:9

A Jehová tzaln 'ixtic: Man̈ eyixtc paxti e b'a, yic tzeyalni to tox 'ix 'el eb' soldado 'aj Babilonia 'a e cal, yujto man̈ 'ixta'oc yaji.

Jeremías 8:8

¿Tas yuj tzeyal 'ixtic: An̈ tic caw wal jeln on̈, cojc sley Jehová, xe chi? ¡'Intax eb' tz'ib'n ley, tzjel pax eb' tas tzyal jun ley cha!

Mt 13:22

Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios. Palta an̈j jun tzo'n̈ yic yolyib'n̈q'uinl tic tzna eb', tzjuw snab'en eb' yuj snib'n 'och sb'a ricoal. Yuj jun tzo'n̈ cha, man̈x 'a yel'ch spaxti Dios 'a eb'. Lajn tz'aj eb' 'icha 'ixm trigo may xon jac sjolm tzyac'a.

Mt 18:4

Yuj cha, a eb' 'emmquil tzyutj sb'a 'icha jun 'unn tic, an̈j eb' caw niwn yel'ch 'a scal eb' 'aych 'a yol sc'ab'.

Mr 10:15

Wal yel tzwal 'ayex, a eb' matz chan Dios Syajlilc 'icha tzchaj junc 'unin, ma'oj 'och eb' 'a yol sc'ab', xchi Jesús 'a eb'.

Lc 18:17

Wal yel tzwal 'ayex, a eb' matz chan Dios Syajlilc 'icha tzchaj junc 'unin, may b'a'n̈ 'oj 'och eb' 'a yol sc'ab', xchi Jesús 'a eb'.

Lc 21:8

Yuj cha, xyaln Jesús 'a eb' 'ixtic: Caw lista tzeyutj e b'a, sec may mach 'oj eyixtn paxti'. Yujto til wal mach 'oj jawoc, ax yesn 'el eb' in b'i. An ton tic Cristo in, 'oj xchic eb'. 'Ix jaw stiempoal jun slajb' tic, 'oj schic cob' eb'. Palta caw man̈ eya'ch e nab'en 'a eb'.

Ro 11:25

Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.

Ro 12:16

Junc'ojlal tzlaj cutquec qui b'a qui masnil. Matz tac' qui b'an̈nec qui b'a. Jun tzon̈ 'e'c cab' yet' eb' may yel'ch 'a sat eb' 'anma'. Matz tac' qui nanec, to caw jeln on̈ec.

1 Co 15:33

Caw man̈ e cha 'ixtxoc paxti e b'a yuj junc 'es. Toto 'ay eb' maysch'olnil jun tzon̈ 'ec' yet'oc, 'oj juwc 'el qui wach' b'eyb'alec yuj eb'.

1 Co 3:17

Toto 'ay mach tz'a'n juwc 'el yatut Dios cha, ax Dios 'oj satnc 'el jun cha. Yujto a yatut Dios, caw yicn̈ej yaji. A yatut tzwal tic, ax ton tic.

1 Co 4:10

'Icha to may jac qui nab'en 'a sat eb' 'anma 'on̈, yujto 'aych qui nab'en 'a Cristo on̈. Palta ax xo, caw jeln ex xo 'a yic Cristo chi e nani. Cojc on̈, man̈toc te'n on̈ on̈. Ax xo, 'icha to caw te'n ex xo. An̈ tic on̈, tzon̈ spatquilj can 'el eb' 'anma 'on̈. Palta ax xo, caw 'ay eyel'ch 'a sat eb'.

1 Co 6:9

¿Tom mant eyojcoc, to a eb' man̈ tojloc tzyutj sb'a, may yaln eb' yic sc'och 'a yol sc'ab' Dios? Caw man̈ e cha 'ixtxoc paxti e b'a. Yujto a eb' 'oj wal tic, may xon jac yaln eb' yic sc'och 'a yol sc'ab' Dios. A eb' mant 'a yistzil tzcomn b'on 'ajmulal, yet' eb' tzyal sb'a 'a jun tzo'n̈ tzalx 'och diosal, eb' 'ayx yistzil tzb'on 'ajmulal, eb' tzyixtj sb'a yet' eb' yit wincal.

Gl 6:3

Toto 'ay mach caw 'ay yel'ch cob' snani, palta toto may pax yel'chi, mun tzcob' yixtc sb'a snani.

Gl 6:7

Man̈ eyixtc e b'a e nani to matz yil Dios tas tze b'o'o. May junc mach tztac' sc'ub'n 'el tas 'a sat Dios. Yuj cha, a tas tzqui b'o'ec, a chi 'oj 'ajxoc pax spacc 'ayn̈ec.

Ef 5:6

Man̈ e cha 'ixtxoc paxti e b'a yuj eb' tzalni, to may yowlal qui b'onec jun tzo'n̈ tzwal tic. Caw wal may yel'ch tas tzyal eb', yujto atn 'a yib'n̈ eb' tzb'on jun tzo'n̈ tic, 'oj cot jun niwn yailal yuj yowl sc'ojl Dios, yujto matz yiclj eb' tas tzyala.

2 Ti 3:13

Palta ax eb' maysch'olnil sb'eyb'al, yet' eb' tz'ixtn paxti yit 'anma'il, 'oj wach' 'atcn eb' 'a maysch'olnil. Tzyixtn paxti eb' junc xo mach. Palta tz'ixtx paxti pax eb' jun xo.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

Santiago 1:22

Qui yiclquec tas tzyal spaxti Dios. Man̈toc ton̈j tzqui macljec cab'i'. Toto ton̈j tzqui macljec, mun wan quixtnec paxti qui b'a qui nan 'es.

Santiago 1:26

Toto 'ayn̈ec tzqui na'a, to 'aych qui c'ojl 'a Dios, palta matz qui tench wan qui b'a 'a tas tzcala, nab'an̈ej tzqui na'a, to 'aych qui c'ojl 'a 'a. Mun tzquixtj paxti qui b'a qui nan 'ixta'.

1 Jn 1:8

Toto tzcalec to may qui mul, mun wan quixtnec paxti qui b'a qui nani, yujto may jac yel tzcalec.