1 Co 3:17 - Chuj San Sebastian Bible

¹⁷ Toto 'ay mach tz'a'n juwc 'el yatut Dios cha, ax Dios 'oj satnc 'el jun cha. Yujto a yatut Dios, caw yicn̈ej yaji. A yatut tzwal tic, ax ton tic.

Chuj San Mateo Bible

¹⁷ Tato ay mach sjuanel stemplo Dios chi', a Dios chi' ol satanpaxeloc. Yujto a stemplo chi', yicn̈ej yaji. A stemplo sval tic, a ex toni.

1 Co 3:17 ပူးပေါင်းရင်းမြစ်များ

Gn 28:17

'Ix xiw cha'an̈, yuj cha, snan 'ixtic: Caw 'ay smay jun lugar tic. Atn am wal 'a tic 'ay yatut Dios, mto ¡spuertail satchan̈ yaji! xchi.

1 Cr 29:3

An̈jtona', yujn̈ej pax to 'ay in niwquil chamc'ojlal 'a yatut in Diosal cha, yuj cha, tzin siyj q'uen oro, q'uen plata to mun wico', an̈jtona', 'ix in yamb'tzej can smasnil tas 'oj c'anxc 'a yatut qui Diosal cha.

Salmos 74:3

Cotan̈, wul 'ilt jun tzo'n̈ xjuw can 'el 'a jun 'ejmn̈ej tic; a eb' 'ajc'ojl 'ix ma'n can juwc smasnil tas 'ay 'a yol a cajnub'.

Salmos 79:1

Ach qui Diosal on̈, 'ix wul stoc'c' eb' chuc chon̈b'al lum a lum tic. 'Ix yixtj 'el eb' atut, xlajw cha, sma'n can juwc eb' chon̈b' Jerusalén.

Salmos 93:5

Mamin Jehová, a wal jun tzo'n̈ a paxti tic, caw wal 'ay yip 'a jun 'ejmn̈ej. A atut niwn yel'chi yujto ecn̈ej yaj 'a smasnil tiempo.

Salmos 99:9

Ex wit chon̈ab', ¡Calc wach' paxti 'a Jehová qui Diosalec! 'Em coyc cumn 'a yojltac 'a lum tzaln yic yaji, yujto a qui Diosalec, Dios Cojxn̈ej Toni.

Ex 3:5

'Ix yaln Dios 'ixtc 'a 'a: —Man̈ ach 'ochlc 'a tic, 'ij 'el a xan̈ab', yujto a jun lugar 'aj tzach jaw tic, an 'ay wico', an 'ayn 'ec' 'a tic.

Is 64:11

Ax yatutal 'aj tzcal qui b'a 'ayach, atn jun caw wach' yilxi, 'ix lajw stz'a 'ejmi, atn jun 'aj yaljnac sb'a eb' qui mam quichm 'aych on̈. Smasnil jun tzo'n̈ tas caw wach' yilx 'aych cuj ta 'on̈, c'uxn xlajw 'ejmi.

Ez 43:12

Atn sleyl watut tic: Smasnil lum lum oyn 'och 'a spatc 'el lum tzaln to wicn̈ej yaji, jun 'ejmn̈ej to wic yaj lu'um, xchi Dios 'ayin.

Ez 5:11

Yuj cha, an Jehová in tic, an tzwal 'ixtic: Yel xo wal man̈x 'a yel'ch xeyutj watut yuj jun tzo'n̈ e diosal yajb'entac yilxi. Caw wal maysch'olnil pax e b'eyb'al, yuj ton wal cha, ax wa'n 'och eyailal. Man̈x 'a in niwnc'ojlal 'ayex, man̈x 'oj 'o'ch in c'ojl 'ayx yuj eyailal cha.

Ez 7:22

'Oj wi'l in sat 'a jun nacion̈ tic, ax eb' 'elc'm cha, man̈x 'a yel'ch 'oj yutc can eb' jun lugar to wicn̈ej yaji.

Lv 15:31

'Ixta tzeyutj eyi'n 'el e b'a ax israel ex tic 'a tas man̈ wach'oc, sec ma'oj e chami, yujto 'ay smay sb'on̈x in cajnub' 'a 'aj 'ayn 'ec' 'a e cal tic, xchi Dios.

Lv 20:3

'Ay yowl in c'ojl 'a yib'n̈ junc 'anma 'ixta tzb'o'o, yuj cha, 'oj in satl 'a scal eb' yit chon̈ab', yujto tzyixtj 'el in cajnub'. Tzin spatquiln can pax 'eli, yujto tzyac' yunnal chi xajmb'al-l 'a Moloc.

Sofonías 3:4

A eb' tzyalch sb'a schecb'oc Dios, caw tzb'an̈ sb'a eb', 'a'm 'es eb'. A eb' ya'mal 'och sti eb' 'anma', tzyixtj 'el eb' scajnub' Dios, tzjeln eb' tas tzyal sley.

Nm 19:20

Toto 'ay junc 'anma matz sacb'tzej sb'a 'icha yaln ley, a jun 'anma cha, tztac' yijx 'el 'a scal eb' yit chon̈ab', yujto tz'och smul 'a in cajnub' an Jehová in, yujto matz tzicx 'och a a chi 'a 'a, a tzsacb'tzan 'anma', yuj cha, man̈ wach'c tz'ajcni.

1 Co 3:16

¿Tom man̈ eyojcoc, to yatut Yespíritu Dios eyaji, a Yespíritu chi cajn 'ec' 'a e cal?

1 Co 3:18

Caw man̈ e cha 'ixtxoc paxti e b'a. Toto 'ayx tze na'a, to jeln ex 'a yic yolyib'n̈q'uinl tic, yowlal tzeyij 'ejm e b'a 'a 'emmquilal, 'icha to may xon tas eyojtac, sec a Dios 'oj 'a'nc e jelnal cha.