1 Co 3:16 - Chuj San Sebastian Bible

¹⁶ ¿Tom man̈ eyojcoc, to yatut Yespíritu Dios eyaji, a Yespíritu chi cajn 'ec' 'a e cal?

Chuj San Mateo Bible

¹⁶ ¿Tom man̈ eyojtacoc to stemplo Dios eyaji, axo Yespíritu cajan ec' d'a e cal e masanil?

1 Co 3:16 ပူးပေါင်းရင်းမြစ်များ

Ez 36:27

'Oj wa'ch Wespíritu 'ayex, ax eyiclni in ley, yic tze b'eylb'ani.

Jn 14:17

A eb' yic xon yolyib'n̈q'uinl tic, ma'oj stac' schan eb' jun tic, yujto matz tac' yiln eb', man̈ yojcoc eb'. Ax xo tic, eyojc xo Yespíritu tic, yujto 'ayc' xon eyet'oc. A 'oj 'ochcn 'ayx 'a jun 'ejmn̈ej.

Ro 6:16

Cojquec, toto 'ay junc mach tzya'ch sb'a smoosoc junc winac, to man̈x yico'oc sb'a, toto 'ixta', an̈j win 'ay yic 'a jun 'ejmn̈ej. Yowlal tzyiclj tas tzyal winac. An̈jtona', 'ixta on̈c paxi. Toto tzca'c 'och qui b'a ya'malc servil maysch'olnil, tzqui yiclni tas tznib'ej, to 'ixta', an̈j 'ayn̈ec yico'. Ax qui chamc yuj 'a jun 'ejmn̈ej. Palta toto tzca'c servil Dios, tzqui yiclniec tas tznib'ej, to 'ixta', an̈j 'ayn̈ec yico'. Ax swach' tojlb'i qui nab'enec yu'uj.

Ro 6:3

'In eyojc xoni, a yic on̈ 'ajx bautisar junjn on̈ec, 'ix checlj 'eli, to junxn̈ej on̈ 'ajc can yet' Cristo Jesús. Ata xcheclj 'eli, to 'icha x'aj schami, 'ixta 'on̈ 'aj qui chamc yet'oc.

Ro 8:11

A Dios a 'a'jnac pitzwc pax Jesús 'a scal eb' chamnac. Toto a Yespíritu Dios chi 'aych 'ayn̈ec, atn jun 'a'jnac pitzwc pax Cristo cha, 'oj yac' pitzwc pax qui niwnalec yic chaml yaj tic, yujto a 'aych 'ayn̈ec.

Ro 8:9

Palta an̈ec tic, man̈xtzac qui b'eylb'ejec qui tu nab'enal. An̈j tas tznib'j Yespíritu Dios, an̈j tzqui b'eylb'ejec, yujto a 'aych 'ayn̈ec. A eb' man̈ 'ayc 'och Yespíritu Cristo 'a 'a, man̈ yico'oc Cristo eb'.

1 Co 3:17

Toto 'ay mach tz'a'n juwc 'el yatut Dios cha, ax Dios 'oj satnc 'el jun cha. Yujto a yatut Dios, caw yicn̈ej yaji. A yatut tzwal tic, ax ton tic.

1 Co 3:9

Yuj cha, an̈ tic on̈, quit munljumal qui b'a ca'n servil Dios on̈. Ax xo tic, 'icha jun tzo'n̈ 'awb'ente', 'ixta 'ex 'a Dios. An̈jtona', 'icha junc n̈a wan sb'o yuj Dios, 'ixta 'ex.

1 Co 5:6

Yuj jun maysch'olnil 'a e cal cha, caw man̈ smojc e b'an̈n e b'a ta'. ¿Tom man̈ eyojcoc, to a jac yich pan tzpucb't 'a scal 'ixm harina, c'uxn tzjuw 'ixm yuj smasnil?

1 Co 6:16

Yujto eyojtac, toto 'ay junc winc tzyij sb'a yet' junc 'ix 'ajmul 'ix, junxn̈ej niwnal tz'ajcn yet' 'ix. Yujto 'ixta tzyal 'a Ch'an̈ U'un̈, 'a 'aj tzyal 'ixtic: A eb' schawn̈il, junxn̈ej niwnal tz'ajcn eb', xchi.

1 Co 6:19

Eyojc xoni, to a qui niwnalec tic, to yatut Yespíritu Dios yaji. A 'aych 'a 'a, yujto a Dios 'a'jnac 'och 'ayn̈ junjn on̈ec. Man̈x quico'oquec qui b'a ticnec,

1 Co 6:9

¿Tom mant eyojcoc, to a eb' man̈ tojloc tzyutj sb'a, may yaln eb' yic sc'och 'a yol sc'ab' Dios? Caw man̈ e cha 'ixtxoc paxti e b'a. Yujto a eb' 'oj wal tic, may xon jac yaln eb' yic sc'och 'a yol sc'ab' Dios. A eb' mant 'a yistzil tzcomn b'on 'ajmulal, yet' eb' tzyal sb'a 'a jun tzo'n̈ tzalx 'och diosal, eb' 'ayx yistzil tzb'on 'ajmulal, eb' tzyixtj sb'a yet' eb' yit wincal.

1 Co 9:13

Eyojc xoni, a eb' tzmunlj 'a yatut Dios, ata tzchaj eb' tas tzc'uxu. Yujto a eb' 'ay yopiso ya'n xajmb'al, 'ay yaln eb' yic schin schib'jal no noc' chi tzyac' eb' xajmb'al-l cha.

1 Co 9:24

Q'uinloc 'ay eb' 'aych 'a tajnel ticnec, tzya'n eb' carela. Eyojc xoni, smasnil eb' tzyac' carela. Palta an̈j jun tzb'ab'l c'ochi, an̈j tzchan spac yic cha. Yuj cha, 'icha eb' tz'a'n carela cha, yowlal 'ixta tzcutjec qui b'a 'a yic Cristo, sec 'oj qui chac spac quic junjn on̈ec.

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

1 Ti 3:15

Palta lemb'il ma'oj stac' in 'at muc'uc. Yuj cha, tzin tz'ib'n 'at jun in carta tic 'ayach, sec wach' ojtac tas wal tzqui b'eylb'ej an̈ yunnaln̈ xo Dios. Yujto an̈ tic, 'ayn̈ xo 'och stz'acb'oc yiglesia Dios pitzan. 'Ay copiso caln 'el jun cuynb'il caw yel. Cu'uj, caw tz'och yip jun cuynb'il caw yel tic.

2 Ti 1:14

A jun tzo'n̈ cuynb'il x'ajx 'och 'a yol a c'ab' yuj Dios, caw tza tan̈wej. Ax Yespíritu Dios, 'oj 'och et'oc, yujto a 'aych 'a qui pixn junjn on̈.

A Ch'an̈ Carta D'a Eb' Hebreo 3:6

Palta ax Cristo, yiclum yutjnac sb'a, yujto Yunnal Dios. A 'aych Yajlil 'a yib'n̈ eb' yunnal xo Dios yet'oc. Toto te'n tzcutjec qui b'a ca'n 'och qui c'ojl 'a 'a, toto tzon̈ tzalji, tzca'nec 'och yipc qui c'ojol, [masnto 'a slajb' qui q'uinal,] to 'ixta', yunnaln̈ec xo Dios tzyal cha.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

1 Jn 4:12

Wach'xam may junc mach 'ix 'iln Dios jun 'ejmoc, palta toto tzqui chamc'ojlejc qui b'a junjn on̈ec, caw a cajn 'och 'ayn̈ec. Ax schamc'ojlal, caw tzwach' tz'acw 'ayn̈ec yu'uj.