1 Co 3:15 - Chuj San Sebastian Bible

¹⁵ Palta 'ay pax eb' man̈ wach'c smunljel. 'Icha junc n̈a 'ac yich, c'un stz'a'i, 'ixta 'oj 'aj smunljel eb' chi yuj jun b'eyc'ojlal cha. Yuj cha, may xon jac spac 'oj scha eb'. 'Oj colchjoc ton eb', palta 'icha junc mach teb'il tzcolchj 'elt 'a scal c'ac', 'ixta 'oj 'aj eb' scolchj 'eli.

Chuj San Mateo Bible

¹⁵ Palta ay pax eb' malaj svach'il smunlajel. Icha junoc pat, a an̈ ac ayoch yichtacoc, c'un stz'ab'ati, icha chi' ol aj smunlajel eb' chi' ayic ol iljoc. Yuj chi', malaj jab'oc spac ol scha eb'. Ol colchaj eb', palta icha tz'aj junoc scolchajelta d'a scal c'ac', icha chi' ol aj scolchaj eb'.

1 Co 3:15 ပူးပေါင်းရင်းမြစ်များ

Job 23:10

Palta yojtac chajtl yilx in b'eyb'al. A yic 'oj lajwc wajx prowal yu'uj, ax in b'ocn 'icha q'uen oro tz'ec' 'a scal c'ac'.

Salmos 66:10

Ach qui Diosal on̈, ach on̈ a'lj prowal, on̈ a sacb'tzej 'icha tz'aj sacb'tzax q'uen plata.

Salmos 66:12

On̈ ac' 'a yol sc'ab' eb' 'ajc'ojl yajch 'ayn̈ on̈, ax eb' laj on̈ te'wtan̈ni. On̈ laj 'ec' 'a scal a a', yet' 'a scal c'ac', palta ax 'a slajub', xa'n pax qui tzaljc'ojlal on̈.

Am 4:11

An Jehová in, an tzwala, ex wac' lajwc 'el 'icha 'ajnc slajw 'el eb' 'aj Sodoma, yet' eb' 'aj Gomorra, yuj cha, ax jaywn̈ ex cannc ex tic, lajn ex xoj 'icha junc te cux tz'ijx can 'elt 'a scal te c'ac'. Palta man̈ yujoc cha, ex meltzj paxt 'ayin.

Zacarías 3:2

'Ix yaln yángel Jehová chi 'a win 'a'm queja chi 'ixtic: A Jehová 'ix si'n 'el chon̈b' Jerusalén, a 'oj a tumni, yujto a jun winc tic, lajn 'icha junc cuxc'ac' tz'ijx 'elt 'a scal c'ac', xchi.

A Tas Sc'ulejnac Eb' Schecab' Jesús Hechos 27:21

Niwn tiempo man̈xtoc on̈ wa 'on̈, ax Pablo xq'ue lin̈n 'a qui cal on̈, 'ix yaln 'ixtic: —Ex wit 'anma'il, octom wal xe chaj eyab' 'ayin tas 'ix wala. Octom ma'on̈ cotc 'a lugar Creta cha, to 'ixta', ma'ix jaw jun tic 'a quib'n̈ec, may pax jac tas 'ix satli.

A Tas Sc'ulejnac Eb' Schecab' Jesús Hechos 27:44

Ax jun tzo'n̈ xo eb' tza'n s'ati, 'ay eb' tz'at 'a yib'n̈ 'a'nte'. 'Ay eb' tz'at 'a yib'n̈ jun tzo'n̈ xo stel te barco cha, 'ixta xcutj qui b'a on̈. Yuj cha, on̈ colchj can 'el qui masnil on̈, on̈ 'el'ch can 'a sti a 'aj 'ay lum lu'um.

A Sb'ab'el Carta San Pedro 4:18

An̈ec tojl xo qui nab'en, teb'il 'oj qui colchjec. Toto 'ixta 'oj cajc an̈ec tic, ¿ocxom wal eb' may yel'ch Dios 'a sat, yet' eb' maysch'olnil sb'eyb'al?

2 Jn 1:8

Ax xo, tzeyil wal e b'a 'a eb', sec ma'oj satl qui munljel 'a e cal ta 'on̈. Toto 'ixta 'oj eyutc e b'a, tz'acn 'oj e cha spac tas 'oj yac' Dios 'ayex.

San Judas 1:23

Yet' pax eb' 'icha to 'ay't 'a scal c'ac', qui colc 'elt eb'. 'Icha to wan qui to'nec can 'elt eb' 'a scal c'ac' cha. 'Ay pax jun tzo'n̈ xo eb', yowlal tz'o'ch qui c'ojlec 'a eb'. Palta xiw coyc cab' pax yuj eb', yujto 'ay smay tzon̈ juwc 'el yuj sb'eyb'al eb'. Ax jun tzo'n̈ maysch'olnil chi tzb'o eb' cha, caw qui yajc can 'el smasnil, 'icha tzqui yajc 'el junc pichl caw b'i'chtac.

Apoc 3:18

Yuj cha, tzwaln 'ayex, caw tze b'o e b'eyb'al. Toto 'ixta', 'icha to 'oj e man jun oro b'ob'il 'a scal c'ac' 'ayin, sec 'oj e cha wal jun e ricoal 'a yel. 'Icha to 'oj e man pax jun e pichl caw sac 'ayin, sec man̈xtzac ex q'uixwi yujto 'icha to jitn ex 'eli. An̈jtona', 'icha to 'oj e succh yan̈l yol e sat, sec 'oj stac' eyilni.