1 Co 3:11 - Chuj San Sebastian Bible

¹¹ May junc mach tztac' ya'n 'ejm junc xo yipnub'al yich cha. Yujto a jun yipnub'al yich 'emnc xo cha, atn Jesucristo.

Chuj San Mateo Bible

¹¹ Malaj junocxo mach syal yac'anem junocxo yich d'a e cal ta', yujto a jun yich ayxoem chi', aton Jesucristo.

1 Co 3:11 ပူးပေါင်းရင်းမြစ်များ

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

Mt 16:18

An tzwal 'ayach, ach ton Pedro ach. (A Pedro tzyal 'el'chi, q'ue'en.) A 'a yib'n̈ jun niwquil q'uen tic 'oj in b'o wiglesia. A jun wiglesia tic, toxn ma'oj lajwc yuj chamel.

1 Co 3:10

An xo tic, 'icha junc b'om n̈a tznachj 'el sb'on junc n̈a cha, 'ixta 'in yuj swach'c'ojlal Dios. An tic, yic wec' 'a e cal ta', 'icha to 'ec' wa'jnac 'ejm yipnub'al yich junc n̈a. Ax ticnec, chucx mach wan smunlj 'a e cal. 'Icha to wan ya'n q'ue xamit 'a yib'n̈ jun yipnub'al yich cha. A junjn mach tzmunlj ta', yowlal caw tzyila, chajtl tzyutj ya'n q'ue jun tzo'n̈ xamit cha.

1 Co 3:12

Ax eb' tzmunlj 'a jun munljel tic, 'ay eb' caw wach' smunljel. 'Icha to a q'uen oro, q'uen plata, yet' jun tzo'n̈ xo q'uen chan̈ stojol, a tzyac' q'ue eb' 'a yib'n̈ jun yipnub'al yich cha, yujto caw wach' smunljel eb'. 'Ay pax eb' man̈ wach'c smunljel. 'Icha to te tzc'an eb'. 'Icha 'ac, mto 'icha 'aj 'ixta jun tzo'n̈ chi tzyac' q'ue eb' 'a yib'an̈.

Ef 2:20

'Icha junc n̈a 'ix b'o'i, 'ixta 'ex. An̈ schecb' on̈ Jesús tic on̈, yet' jun tzo'n̈ xo eb' schecb' Dios, 'icha to an̈ ca'jnac 'ejm yich on̈. Ax xo, 'icha to ax tusb'ilx q'ue 'a yib'an̈. Ax Jesucristo, 'icha junc q'uen q'uen yipnub' yich n̈a yaji, 'ixta yaj 'ayn̈ec.

2 Ti 2:19

'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.

A Sb'ab'el Carta San Pedro 2:4

Qui nitzc 'och qui b'a 'a stz'ey Cajlilec. 'Icha tz'aj yajx q'ue jun tzo'n̈ qu'en 'a yib'n̈ junc niwquil q'uen to yipnub' n̈a yaji, 'ixta cajc 'a 'a. A jun q'uen tic, tzyal 'el'chi atn Cristo. A eb' 'anma', spatquiljnac can 'el eb'. Palta a Dios, a si'jnac can 'eli. Caw niwn yel'ch 'a sat. A Cristo tic, pitzan, pitzn on̈c yet' jun xo. Yuj cha, an̈ec tic, tzon̈ ya'c 'och Dios yatutoc. A ticnec, 'ay calnec quic mun xoj tzca'c 'och qui ti 'a 'a, yujto an̈j 'ayn̈ec yico'. Yuj Jesucristo tztac' ca'nec jun tzo'n̈ xajmb'al 'a Dios 'a 'esal. Caw tzalj yet' jun tzo'n̈ cha.