1 Co 2:14 - Chuj San Sebastian Bible

¹⁴ A eb' man̈ 'ayc 'och Yespíritu Dios 'a 'a, matz ya'ch eb' sc'ojl 'a jun tzo'n̈ cuynb'il yic Espíritu, yujto may yel'ch 'a sat eb'. Matz tac' scomn nachj 'el jun tzo'n̈ tic yuj eb', yujto cojxn Yespíritu Dios tz'a'n nachjc 'eli.

Chuj San Mateo Bible

¹⁴ A eb' man̈ ayococh Yespíritu Dios d'ay, max yac'och juntzan̈ c'ayb'ub'al tic eb' d'a sc'ool, yujto malaj tz'och d'a eb'. Max yal-laj scomon nachajel juntzan̈ tic yuj eb', yujto an̈ej Yespíritu Dios chi' tz'ac'an cojtaquejeli.

1 Co 2:14 ပူးပေါင်းရင်းမြစ်များ

Pr 14:6

Toto tzqui b'an̈c qui b'a, wach'xam tzqui sayc 'ec' jelnal, palta matz 'ilchj cujec; ax toto wach' qui nab'enec, caw yajn̈j cha, tz'ilchj jelnal chi cujec.

Mt 16:23

Palta x'och wal q'ueln Jesús 'a 'a, 'ix yaln 'ixtic: —Ach Satanás 'eln̈ 'a in tz'ey, yujto tza nib'j tzac' juwc 'el in nab'en. Man̈oc jun tzo'n̈ tas yic Dios 'aj tza'ch a nab'en. An̈j jun tzo'n̈ yic 'anma 'aj 'aych a nab'en, xchi 'a 'a.

Jn 10:20

'Ay nan̈l eb' xcob' alnc 'ixtic: —¿Tas yuj tzcob' eya'ch e chicn 'a win tic? Palta 'in 'aych win demonio 'a winac. 'In to owya winac, xchi cob' eb'.

Jn 12:37

Wach'xam til wal milagro sch'oxjnac Jesús 'a eb' israel, palta may wal eb' 'ix ya'ch sc'ojl 'a 'a.

Jn 14:17

A eb' yic xon yolyib'n̈q'uinl tic, ma'oj stac' schan eb' jun tic, yujto matz tac' yiln eb', man̈ yojcoc eb'. Ax xo tic, eyojc xo Yespíritu tic, yujto 'ayc' xon eyet'oc. A 'oj 'ochcn 'ayx 'a jun 'ejmn̈ej.

Jn 14:26

A qui Mam Dios 'oj checnc cot Yespíritu 'ayx in jeloc. A 'oj colwjoc eyet'oc. 'Oj ex scuy 'a smasnil tas. 'Oj yac' e na cot jantcn̈ej tas waljnacx 'ayex.

Jn 15:26

Palta 'ay jun 'oj cot 'a qui Mam Dios, atn Yespíritu caw yel. 'Oj jawoc, ax scolwj eyet'oc. An 'oj 'at in chec coti. A jun chi 'oj yac' testigoal sb'a wu'uj.

Jn 5:44

Toto an̈j 'a e sat junjn ex tze nib'j 'ay eyel'chi, toto matz e nib'j 'ay eyel'ch 'a sat Dios jun caw yel, ¿tom 'oj stac' eya'n 'och e c'ojl 'a 'a?

Jn 8:43

¿Tas yuj matz nachj 'el eyu'uj, tas tzwal 'ayex? Tecn to matz yal e c'ojl tze chaj eyab' in paxti tic.

A Tas Sc'ulejnac Eb' Schecab' Jesús Hechos 16:14

Ata 'ay jun 'ix Lidia sb'i, 'aj chon̈b' Tiatira. A 'ix tzchon̈n jun tzo'n̈ q'ui'mucnac nip. Caw 'aych snab'en 'ix 'a Dios. Yic wan yab'xni 'ix, ax Cajlilec, a 'ix 'a'n nachjc 'el yuj 'ix, yuj cha, caw xya'ch 'ix snab'en 'a tas 'ix yal Pablo cha.

A Tas Sc'ulejnac Eb' Schecab' Jesús Hechos 17:18

'Ay jun tzo'n̈ winc caw jelan, yujto tzcuy eb' sjelnal eb' tzcuch epicúreo yet' jun tzo'n̈ eb' tzcuch estoico. 'Ix syamn 'och eb' spaxtin yet' Pablo. Ax nan̈l xo eb', mun xyal eb' 'ixtic: —A win puch yec' paxtinc tic, ¿tas 'oj yal win 'ayn̈ec? xchi eb'. 'Ay jun tzo'n̈ xo eb' xaln 'ixtic: —Al qui nani, to tzwul yal win yab'xil jun tzo'n̈ chuc diosal, xchi eb'. 'Ixta xyutj eb' yalni, yujto x'ec' yal-l Pablo yab'xil Jesucristo. 'Ix yaln paxi, chajtlto 'oj pitzwc pax eb' chamnac.

A Tas Sc'ulejnac Eb' Schecab' Jesús Hechos 17:32

A yic xyab'n eb', to tzpitzw pax eb' chamnac, 'ay eb' xb'uchwj 'a 'a, palta 'ay jun tzo'n̈ xo eb' xaln 'a 'ixtic: —'Oj qui c'anb'c cab' jun tzo'n̈ tic 'aych jun 'ejm xo, xchi eb'.

A Tas Sc'ulejnac Eb' Schecab' Jesús Hechos 18:15

Palta 'in ton̈j tze nib'j tzeyac' owl yuj jun tzo'n̈ paxti tzyal winac, yuj jun tzo'n̈ mach tzb'inej winac, yet' pax yuj jun e ley. Yuj cha, 'ixquec, 'at b'ocyaj jun tzo'n̈ tic e ch'ocoj. Aln tic, matz yal in c'ojl tzin b'oyaj jun tzo'n̈ tic, xchi win 'a eb'.

A Tas Sc'ulejnac Eb' Schecab' Jesús Hechos 25:19

Cojn xyal ewinac, to 'ay smul Pablo 'a scuynb'il eb'. 'Ix yaln ewin yuj jun win chamnc xo, Jesús sb'i. Ax Pablo tzalni, to pitzan. Yujn̈ej jun tzo'n̈ cha, tzya'n queja ewinac.

1 Co 1:18

A yab'xil schaml Cristo 'a spenc culus, may yel'ch 'a sat eb' 'anma wan satq'ui. Palta an̈ wan qui colchj yu'uj, spoder Dios yaj yab'xil tic 'ayn̈ec,

1 Co 1:21

Yuj sjelnal Dios 'ix 'el 'a sc'ojol, to a eb' yic yolyib'n̈q'uinl tic, man̈ yujoc sjelnal eb' cha, tztac' yojcan 'el eb' Dios cha. Palta x'el 'a sc'ojol, to an̈ec 'aych qui c'ojl 'a 'a, tzon̈ colchjec yuj jun wach' 'ab'ix, atn jun may yel'ch 'a sat eb' 'anma'.

1 Co 1:23

Palta an̈ec xo tic, tzcalc 'el yab'xil Cristo, chajtlto xcham 'a spenc culus. A 'a sat eb' israel cha, may jac yopiso jun 'ab'x tic, ton̈j tzchichn 'och eb' 'a 'a. An̈jtona', yet' eb' man̈ israeloc, may jac yel'ch jun 'ab'x tic 'a sat eb'.

1 Co 1:25

Yuj schamlil Cristo 'a spenc te culus, yuj cha, 'icha to may snab'en Dios snan eb' 'anma'. Palta 'ix sch'oxo, to 'ec'b'al sjelnal 'a yib'n̈ eb' smasnil. An̈jtona', 'icha to may spoder Dios chi snan eb'. Palta 'ix sch'oxo, to 'ec'b'al spoder 'a yib'n̈ eb' 'anma smasnil.

1 Co 15:44

A yic 'oj mucxoc qui niwnalec tic, nab'a chib'ej. Ax yic 'oj qui pitzwc paxi, a jun qui niwnalec cha, yic xo espíritu yaji. Yujto 'ay jun qui niwnalec nab'a chib'j tic, yuj cha, cojquec, to 'ay pax junx qui niwnalec yic xo espíritu yaji.

1 Co 15:46

Man̈oc jun qui niwnalec yic espíritu xb'ab'l 'ajx 'ayn̈ec. A jun qui niwnalec yic chib'jal tic 'ix b'ab'l 'ajxi. Ax qui niwnalec yic espíritu, tza'n to 'oj 'ajxc 'ayn̈ec.

1 Co 2:12

An̈ec tic, man̈oc junc espíritu yic yolyib'n̈q'uinl tic chab'il cujec. Palta a jun Espíritu cotnc 'a Dios, a chab'il cujec. Yuj cha, tznachj 'el cujec, tas jun tzo'n̈ tzyac' Dios 'ayn̈ec yuj swach'c'ojlal.

1 Co 3:1

Ex wu'tac, ex wanab', yic wec' 'a e cal, ma'ix stac' waln 'ayx 'icha tzwutj waln 'a eb' yiclum 'a Yespíritu Dios. Yujto mun a e nab'en tzex 'a'n mandar, 'unn ext 'a sat Cristo.

Santiago 3:15

Toto 'ixta tzeyutj e b'a, a jun e jelnal cha, man̈oc 'a satchan̈ tzcoti, palta yic yolyib'n̈q'uinl tic, yic comn 'anma'. A jun e jelnal cha, yic win diablo.

1 Jn 2:20

Palta a Cristo 'a'jnac Yespíritu Dios 'ayx quet' on̈. Yuj cha, cojquec qui masnil jun cuynb'il caw yel.

1 Jn 2:27

A Jesucristo 'a'jnac Yespíritu 'ayn̈ junjn on̈ec. Yuj cha, man̈ yowlalc chuct junc 'anma tzon̈ cuynec, yujto a Yespíritu tzon̈ cuynec 'a smasnil tas. A jun tzo'n̈ cuynb'il tzyac' 'ayn̈ec, caw yel, may junc 'es 'aych 'a scal. Yuj cha, yowlal junn̈j tzon̈ 'ajc yet' Cristo, yujto 'ixta yaj yaln Yespíritu 'ayn̈ec.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

San Judas 1:19

Yuj eb' cha, 'oj spojl sb'a eb' yic xo Dios. An̈j jun tzo'n̈ tas tznib'j 'och eb' yet' sniwnal 'aj tzya'ch snab'en. May Yespíritu Dios 'aych 'a eb'.