1 Co 2:10 - Chuj San Sebastian Bible

¹⁰ Palta a Dios tz'a'n cojcoquec 'el jun tic yuj Yespíritu. Yujto a Yespíritu tic, tzyojquej 'el smasnil tas. 'Ay jun tzo'n̈ tas yic Dios yaji, matz nachj 'el yuj eb' 'anma', palta ax Yespíritu yojtac.

Chuj San Mateo Bible

¹⁰ Palta a Dios tz'ac'an cojtaquejel juntzan̈ tic yuj Yespíritu. Yujto a Yespíritu chi' tz'ojtacanel masanil tasi. A juntzan̈ tas yic Dios, max nachajel yuj anima, palta axo Yespíritu Dios chi' yojtac.

1 Co 2:10 ပူးပေါင်းရင်းမြစ်များ

Job 12:22

A tz'a'n 'ojcax 'el tas c'ultac yaj yu'uj, ax jun tzo'n̈ tas 'ay 'a scal q'uic'q'uinal, a tz'i'n 'elta, ax 'a scal sacq'uinl tzya'x cani.

Is 48:16

Cotn̈ec 'a in tz'ey, tze maclni eyab' tas 'oj wala': Yictax pecti', may junc tas 'ix wal 'a c'ultaquil. A yic tzuj smasnil jun tzo'n̈ tic, 'ayn 'ec' xon ta', xchi Dios. A ticnec jun, checb'il in cot yuj Jehová Dios yic tzwaln jun tic yuj spoder Yespíritu.

Is 59:21

Yuj cha, xyaln Jehová chi 'ixtic: A ticnec, tzin b'ocn jun in trato tic eyet'oc, tzwa'n can in ti', to a Wespíritu yet' jun tzo'n̈ cuynb'il xwa'cn 'ayex, may xon b'a'n̈ 'oj 'el 'ayex. 'Oj e cuycn eb' eyunnal 'a in checnb'il cha, ax eb' eyunnal chi 'oj cuync can pax yunnal b'aq'uin̈. Tzcan jun in trato tic eyet' 'a jun 'ejmn̈ej, xchi Dios.

Dn 2:22

Ach tzac' cojcoc 'el jun tzo'n̈ tas caw 'ajltac snachj 'eli, yet' jun tzo'n̈ tas c'ultac yaji. Ojc tas 'ay 'a scal q'uic'q'uinal, yujto 'aj sacq'uinl ach.

Am 3:7

An̈jtona', toto 'ay tas tzb'o Jehová Dios, yowlal tzyalcn 'a eb' schecb' b'ab'el.

Mt 13:11

Yuj cha, xyaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj, chajtl tzex 'aj eyoch 'a yol sc'ab'. Palta ax 'a eb' 'anma', matz ch'ox 'a eb'.

Mt 16:17

Yuj cha, xyaln Jesús 'a Pedro 'ixtic: —Simón, ach yunnal Juan, caw wach' eco', yujto a jun 'ix al tic, may junc 'anma 'ix aln 'ayach. A qui Mam 'ayc' 'a satcha'an̈, a 'ix aln 'ayach.

Lc 10:21

A 'a yic jun rato cha, caw tzalj Jesús yuj Yespíritu Dios. 'Ix yaln 'ixtic: Mamin, yajl ach 'a satcha'an̈, yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, yet' 'a eb' caw 'ay snab'en 'a sat eb' yit 'anma'il. Ax eb' 'icha 'unin, a eb' 'ix ac' 'ojcanc 'eli. 'Ixta x'aj Mamin, yujto 'ixta tza nib'ej, xchi 'a Dios.

Lc 2:26

A 'a'jnac nachjc 'el yu'uj, to ma'oj chamoc, masnto 'oj yil Cristo, jun 'oj schec cot Cajlil.

Jn 14:26

A qui Mam Dios 'oj checnc cot Yespíritu 'ayx in jeloc. A 'oj colwjoc eyet'oc. 'Oj ex scuy 'a smasnil tas. 'Oj yac' e na cot jantcn̈ej tas waljnacx 'ayex.

Jn 16:13

At 'a yic 'oj jawc Yespíritu Dios caw yel, at 'oj 'a'nc nachjc 'el smasnil tas yel eyu'uj, yujto man̈ munoc 'oj yal 'a yol yico'. Jantcn̈ej tas 'oj alxc 'a 'a, an̈j 'oj yala'. 'Oj yal pax 'ayex, yuj tastc tot 'oj jawoc.

1 Co 14:30

Q'uinloc 'ay junc ex wan eyaln 'el spaxti Dios 'a e cal. Toto 'ay junc xo tz'ajx yal junc xo tas yuj Dios, yowlal tzex 'och wan eyaln chi b'el, tzyaln can junc xo chi yico'.

1 Co 2:11

A 'a scal eb' 'anma', may junc mach 'ojtnac, tas yaj snab'en junc xo mach. Yujto mun cojc junjn on̈ec, tas 'ay 'a qui nab'enec. 'Ixta pax Dios, cojxn Yespíritu 'ojtnac, tas 'ay 'a 'a.

Gl 1:12

Man̈oc 'a junc 'anma chab'il jun 'ab'x tic wu'uj. Man̈oc 'a junc 'anma cuyb'il wu'uj, yujto cojn Jesucristo 'a'jnac wojcoc 'eli.

Ef 3:3

A jun man̈ 'ojcab'ilc xon 'a yic yalan̈, a Dios xch'oxn 'ayin. 'Ix ya'n wojcoc 'eli. Tox xwal jac 'ayx yuj jun tic 'a jun in carta tic.

Ef 3:5

A 'a yic pecti', mant 'ic 'ajx 'ojcaxc 'el wal jun tzo'n̈ tic. Al ticnec, yuj Yespíritu xwach' 'ajx cojcoc 'el an̈ sic'b'iln̈ 'el schecb'oc tic on̈, yet' jun tzo'n̈ xo eb' schecab'.

1 Ti 4:1

A Yespíritu Dios tojln̈ej yalni, chajtlto a yic wan xo sjaw jun slajb' tiempoal, 'ay eb' creyente 'oj meltzjoc pax 'a spatic. Ax wal 'a jun tzo'n̈ cuynb'il caw 'es 'aj 'oj ya'ch eb' snab'en. A jun tzo'n̈ cuynb'il cha, a 'a ewin demonio tzcoti.

A Sb'ab'el Carta San Pedro 1:12

Palta x'ajx nachjc 'el yuj eb', to a jun tzo'n̈ yaljnac can eb' cha, man̈ yico'oc eb', palta to quiquec. Al ticnec, 'ix wach' alx 'el 'ayex, tas yaj qui colnb'ilec tic. A eb' tzaln 'el wach' 'ab'x yic colnb'il, a eb' 'ix aln 'ayex. A Yespíritu Dios checb'il cot 'a satcha'an̈, a x'och yet' eb', yic xyaln 'el eb'. An̈jtona eb' ángel, tznib'j pax eb' tznachj 'el jun tzo'n̈ tic yu'uj.

1 Jn 2:20

Palta a Cristo 'a'jnac Yespíritu Dios 'ayx quet' on̈. Yuj cha, cojquec qui masnil jun cuynb'il caw yel.

1 Jn 2:27

A Jesucristo 'a'jnac Yespíritu 'ayn̈ junjn on̈ec. Yuj cha, man̈ yowlalc chuct junc 'anma tzon̈ cuynec, yujto a Yespíritu tzon̈ cuynec 'a smasnil tas. A jun tzo'n̈ cuynb'il tzyac' 'ayn̈ec, caw yel, may junc 'es 'aych 'a scal. Yuj cha, yowlal junn̈j tzon̈ 'ajc yet' Cristo, yujto 'ixta yaj yaln Yespíritu 'ayn̈ec.

Apoc 1:1

A jun libro tic, a tzaln cot yuj jun tzo'n̈ tas 'ac'b'il 'a Jesucristo, yic tzya'n cojcoc 'el an̈ ya'maln̈ec servil. A jun tzo'n̈ tzyal tic, yowlal tox 'oj ujoc. An ton tic Juan in, ya'mal in servil Jesucristo. Schec cot jun yángel, yic xya'n wojcoc 'el jun tzo'n̈ tic.

Apoc 2:24

Palta 'ayx pax 'a Tiatira cha, ma'ix eya'ch e nab'en 'a scuynb'il jun 'ix chi yet' eb'. Tzyal eb' 'ixtic: Atn jun tzo'n̈ cuynb'il yic Satanás ya snachji, ata 'aych qui nab'en, xchi eb'. Palta ax xo, ma'ix eya'ch e b'a yet' eb', may junc xo checnb'il tzwalb't 'ayex.