1 Co 16:9 - Chuj San Sebastian Bible

⁹ Yujto tzwila, caw wach' tzin munlj 'a yic Cajlilec 'a tic. Wach'xam niwn eb' tzchichn 'och 'ayin, palta libre waj in munlji.

Chuj San Mateo Bible

⁹ Yujto svila' to te vach'n̈ej tz'elc'och in munlajel d'a yic Cajal Jesús d'a tic. Vach'chom tzijtum eb' schichonoch sc'ool d'ayin, palta jacann̈ej in munlaji, ay pax tas svic' d'a in munlajel tic.

1 Co 16:9 ပူးပေါင်းရင်းမြစ်များ

A Tas Sc'ulejnac Eb' Schecab' Jesús Hechos 14:27

A yic xjapx eb' 'a chon̈b' Antioquía, 'ix 'awtx cot eb' creyente 'ayc' ta yuj eb'. 'Ix yaln eb' jantcn̈ej tas 'ix sb'o Dios yet' eb'. 'Ix yaln pax eb', chajtlto a Cajlil 'ix chan ya'ch eb' man̈ israeloc sc'ojl 'a 'a.

1 Co 15:32

A 'a Efeso tic, 'ay jun tzo'n̈ eb' 'a'jnac 'och jun tas 'a wib'an̈. Caw ow eb' 'icha junc noc' caw 'ay smay. Toto may in q'uinl 'a jun 'ejmn̈ej, ¿tas yuj tzwixtj in b'a tzyal cha? Toto ma'oj pitzwc pax eb' chamnac, to 'ixta', caw am wach' ton̈j tzca'c qui gana jac ticnec. Wa coyec, tzcu'nec tas tzcuq'uej, toq'ue chamnc on̈c xo q'uic'an.

2 Co 1:6

Yuj cha, a yic tzcab'n syal on̈, 'ixta tzon̈ 'aj on̈, sec wach' tztac' ca'n sniwnal e c'ojl on̈, sec 'oj e colchji. An̈jtona', a yic tzya'n Dios sniwnal qui c'ojl on̈, 'ixta tzon̈ 'aj pax on̈, sec wach' tztac' ca'n pax sniwnal e c'ojl on̈. Yuj cha, 'oj stac' e te'wtzan e b'a eya'n techjoc jun tzo'n̈ tas 'oj 'ajxc 'och 'a eyib'n̈ 'icha tz'aj yajx 'och 'a quib'n̈ on̈.

2 Co 2:12

A yic in c'och 'a chon̈b' Troas, waln 'el yab'xil Cristo, caw coln in munlj 'a yic Cajlil ta'.

A Scarta San Pablo D'a Eb' Aj Filipos 3:18

'Ay jun xo, til wal 'ejm waljnacx 'ayex. Ax yic tzwaln pax 'at 'ayx ticnec, caw tzin 'oq'ui. Yujto til wal eb' caw maysch'olnil tzyutj sb'eyb'al. Wach'xam xcham Cristo sjelc eb' 'a spenc culus, palta yuj sb'eyb'al eb' cha, caw 'ajc'ojl yajch eb' 'a ticnec.

A Scarta San Pablo D'a Eb' Aj Colosas 4:3

An̈jtona', tzex leslwi pax cuj on̈, sec 'oj 'och Cajlilec quet' on̈, sec 'oj stac' caln 'el spaxti 'on̈, yet' yab'xil Cristo, atn jun 'ac'b'il cojcoquec 'eli. Ax ticnec, yuj waln 'el yab'xil tic, preso waji.

Santiago 5:16

Yuj cha, tzlaj eyal-lac e paltail 'ayx junjn ex. Tzex laj leslwi pax eyuj junjn ex, sec wach' 'oj laj b'oxc e c'ojol. A eb' tojl xon sb'eyb'al, a yic tzleslwi eb' 'a Dios, caw 'ay yel'ch slesl eb' cha. Til wal tas tztac' yuj eb'.