1 Co 16:12 - Chuj San Sebastian Bible

¹² Ax cu'tac Apolos, caw in tew 'och 'a 'a, xin nib'j 'at ex yila'. Palta ma'ix yal sc'ojl x'at ex yil 'a jun tiempoal tic, at ab' 'a yic 'ay scolnal, 'oj 'at ex yila'.

Chuj San Mateo Bible

¹² Axo vin̈ cuc'tac Apolos, ix in tevi d'a vin̈, yic sb'at vin̈ ex yila'. Palta max yal sc'ool vin̈ sb'at ex yil d'a jun tiempoal tic. Ato yic ol och scolanil vin̈, ol b'at ex yilan vin̈.

1 Co 16:12 ပူးပေါင်းရင်းမြစ်များ

Ec 3:1

Smasnil tas 'ay 'a yolyib'n̈q'uinl tic, 'ay sc'ual yet' yorail yet'i:

Mr 6:21

Palta ax yic x'och jun q'uin̈ yic yab'lil win Herodes cha, ata xnachj 'el yuj 'ix Herodías tas tzyutj 'ix ya'n milxoc Juan Bautista. Yujto a win Herodes cha, xya'ch win jun niwn wa'el. 'Ix yac' wa win eb' yit yajlil, yet' eb' syajlil eb' soldado, yet' eb' niwc winc 'a yol yic Galilea cha.

A Tas Sc'ulejnac Eb' Schecab' Jesús Hechos 15:34

[Palta ax Silas, 'ix snani, to tzcan 'a Antioquía cha.]

A Tas Sc'ulejnac Eb' Schecab' Jesús Hechos 18:24

Ax 'a jun tiempoal cha, 'ay jun win israel Apolos sb'i, 'aj chon̈b' Alejandría. 'Ix c'och 'a chon̈b' Efeso. Caw yojc spaxti Dios tz'ib'b'il can 'a Ch'an̈ U'un̈.

A Tas Sc'ulejnac Eb' Schecab' Jesús Hechos 19:1

Yic 'ayc' Apolos 'a Corinto cha, 'ix 'ec' Pablo 'a jun tzo'n̈ chon̈b' 'ay 'a tzalctac. Xlajw cha, xc'och 'a chon̈b' Efeso. Ata 'ix 'ilchj jun tzo'n̈ eb' creyente yu'uj.

A Tas Sc'ulejnac Eb' Schecab' Jesús Hechos 24:25

'Ix yaln Pablo 'a winac, to yowlal tojl tzcutj qui b'eyb'al, tzqui tenn 'och wan qui b'a 'a maysch'olnil. 'Ix yaln paxi, chajtlto 'oj b'eyc'ojlaxc smasnil 'anma'. Yic 'ix yab'n win Félix jun tzo'n̈ tic, caw 'ix xiw winac, 'ix yaln win 'ixtc 'a 'a: —A ticnec, 'ixc pax 'a chi b'el, toto 'ay 'aj coln in, 'oj ach wawtc cot jun 'ejmoc xo, xchi winac.

1 Co 1:12

Tzyal 'el'chi, chucchc wan eyaln junjn ex. Yujto 'ayx wan eyaln 'ixtic: Yic in Pablo, xe chi. 'Ayx pax tzeyala: An tic, yic in Apolos, xe chi. 'Ayx pax tzeyala: Yic in Pedro, xe chi. An̈jtona', 'ayx pax tzeyala: Yic in Cristo, xe chi.

1 Co 3:22

Yuj cha, an Pablo in tic, yet' Apolos, yet' pax Pedro, eya'mal servil caj on̈, 'icha to eyic caj on̈. An̈jtona pax yolyib'n̈q'uinl tic, yet' qui q'uinlec, chamel, jun tzo'n̈ tas 'ayc' ticnec, yet' jun tzo'n̈ xo tas tot 'oj jawoc, 'ix yac' Dios quico'oquec smasnil.

1 Co 3:5

¿Tom 'ay wel'ch an Pablo in tic? An̈jtona pax Apolos cha, ¿tom 'ay yel'ch paxi? Yujto an̈ tic on̈, ton̈j ya'mal on̈ servil Dios on̈. Cuj on̈, eya'n 'och e c'ojl 'a Cajlil. Ton̈j tzon̈ munlj junjn on̈ on̈, 'icha yaj ya'n Dios copiso tic on̈.

Tito 3:13

Ax cu'tac Zenas, atn licenciado, yet' cu'tac Apolos, caw tzach colwj 'a eb', yic tz'at eb' 'a junc schecnb'il. Jantcn̈ej tas 'ay tz'och yuj eb' 'a yol b'e, caw tza'n̈j 'a eb'.

Tito 3:4

Palta a Dios qui Colmal, 'ix yac' swach'c'ojlal yet' schamc'ojlal 'a smasnil 'anma'.