1 Co 16:11 - Chuj San Sebastian Bible

¹¹ Yuj cha, may junc ex tztac' e patquiln can 'el ta'. An xo tic, tic wan in tan̈wni sjaw 'a tic, yet' jun tzo'n̈ xo eb' cu'tac 'oj jawc yet'oc. Yuj cha, a yic 'oj cotx 'a yol b'e, tzex colwj 'a 'a, sec tzaljc'ojlal 'oj cotoc.

Chuj San Mateo Bible

¹¹ Yuj chi', malaj junoc ex tze patiquejel vin̈ ta'. A inxo tic, van in tan̈van sja vin̈ d'a tic yed' juntzan̈xo eb' cuc'tac ol ja yed' vin̈, yuj chi' ayic ol cot vin̈ d'a yol b'e, tzex colvajcot d'a vin̈, sec yuj chi' tzalajc'olal ol cot vin̈.

1 Co 16:11 ပူးပေါင်းရင်းမြစ်များ

Lc 10:16

'Ix yaln pax 'a eb' scuywum 'ixtic: —A mach tzchan 'ab'noc 'ayex, tzyal 'el'chi, 'a 'ayn tzchaj eb' yab'i'. Ax eb' tzex patquiln can 'eli, tzyal 'el'chi, an tzin spatquilj can 'el eb'. A eb' tzin patquiln can 'el cha, tzyal 'el'chi, a Dios checjnacn coti, a tzpatquilj can pax 'el eb', xchi Jesús 'a eb'.

A Tas Sc'ulejnac Eb' Schecab' Jesús Hechos 15:3

Xlajw schecx 'at eb' yuj eb' creyente 'aj Antioquía cha, 'ix 'ec' eb' 'a yol yic Fenicia yet' 'a Samaria. Ata x'ec' yal-l eb' 'a eb' creyente, chajtlto 'ay eb' man̈ israeloc 'ix sjel sb'eyb'al, 'ix ya'ch eb' sc'ojl 'a Dios. Yic 'ix yab'n eb' creyente jun cha, caw 'ix tzalj eb' smasnil.

A Tas Sc'ulejnac Eb' Schecab' Jesús Hechos 15:33

Xlajw yec' jaye c'u yuj eb' ta'. Xlajw cha, 'ix yaln can sb'a eb' 'a eb' creyente. 'Ix pax eb' 'a 'aj 'aycn eb' checjnac cot eb' cha.

1 Co 16:10

Toto 'oj c'och Timoteo 'ayx ta', caw tzex tzaljn̈ej yet'oc, sec ma'oj cusoc, yujto tzmunlj 'a yic Cajlilec 'icha 'in tic.

1 Co 16:6

Lemb'il 'oj woch wan junc tiempoal eyet' ta'. Toq'ue 'aynto 'ec' ta', ax ye'cn n̈ab'lq'uinal. Ax yic 'oj in 'atxi, 'oj e colwj 'ayn 'a yol b'e 'aj 'oj in 'atx cha.

2 Co 1:16

Nab'il xo wu'uj, to tz'ec' ex wila', 'ixta to b'i'an, tzin jaw 'a Macedonia tic. Ax yic tzin meltzj pax 'a tic, tzex 'ec' wilnc pax jun 'ejm xo in nani. Toto 'ixta', tztac' tzex colwj 'ayin, yic tzin 'atx 'a Judea.

1 Ts 4:8

Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.

1 Ti 4:12

Caw wach' tzotj a b'a, sec may eb' 'oj alnc o'oj, to 'unnach to. Yel xo wach' tza ch'ox jun wach' b'eyb'al 'a eb' creyente smasnil. Wach' tzotj a paxtin 'a eb'. Wach' tzotj a b'a yil eb'. Caw wach' tzotj a chamc'ojlan eb' ta'. Wach' tzotj a nab'en yil eb'. An̈j 'a Cajlil tza'ch a c'ojol. Tojln̈ej tzotj a nab'en yil eb'. 'Ixtc tzotj a ch'oxn jun wach' b'eyb'al 'a eb' ta'.

Tito 2:15

Caw tzal-l wal jun tzo'n̈ tic 'a scal eb' creyente ta'. Tzac' wal snab'enoc eb'. Caw tza tench wan eb' maysch'olnil sb'eyb'al, yujto atn opiso chi ta'. Caw wach' tzotj a b'a, sec may eb' tztac' yaln o'oj, to may opiso.

3 Jn 1:6

'Ay eb' 'ix aln 'a sat eb' yic iglesia tic, chajtlto caw 'ay a chamc'ojlal ta'. Comnoc tzach colwj 'a eb', yic tz'at eb' 'a 'ajtc tz'ati. Smoj 'ixta tzotj a colwj 'a eb', yujto 'ixta tznib'j Dios.