1 Co 16:10 - Chuj San Sebastian Bible

¹⁰ Toto 'oj c'och Timoteo 'ayx ta', caw tzex tzaljn̈ej yet'oc, sec ma'oj cusoc, yujto tzmunlj 'a yic Cajlilec 'icha 'in tic.

Chuj San Mateo Bible

¹⁰ Tato ol c'och vin̈aj Timoteo d'ayex ta', tzeyac' tzalajb'oc sc'ool vin̈ eyed'oc, yic man̈ ol cus vin̈, yujto a d'a yic Cajal Jesús smunlaj vin̈ icha in tic.

1 Co 16:10 ပူးပေါင်းရင်းမြစ်များ

A Tas Sc'ulejnac Eb' Schecab' Jesús Hechos 16:1

'Ix c'och Pablo yet' Silas 'a chon̈b' Derbe. 'Ix 'atx eb' ta', 'ix c'och eb' 'a chon̈b' Listra. Ata x'ilchj jun creyente Timoteo sb'i yuj eb'. A jun cha, yune jun 'ix creyente israel, griego smam.

A Tas Sc'ulejnac Eb' Schecab' Jesús Hechos 19:22

Yuj cha, 'ix checn b'ab'ljoc chawn̈ schecb' 'a Macedonia. A Timoteo yet' Erasto x'ati. Palta ax Pablo, xcan jaye xo 'uj 'a Asia cha.

Ro 16:21

A Timoteo tic, junn̈j tzmunlj wet' 'a tic, a tz'a'n 'at stzatzl e c'ojl yet' eb' wit chon̈b' tic, atn Lucio, Jasón, yet' Sosípater.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

1 Co 16:11

Yuj cha, may junc ex tztac' e patquiln can 'el ta'. An xo tic, tic wan in tan̈wni sjaw 'a tic, yet' jun tzo'n̈ xo eb' cu'tac 'oj jawc yet'oc. Yuj cha, a yic 'oj cotx 'a yol b'e, tzex colwj 'a 'a, sec tzaljc'ojlal 'oj cotoc.

1 Co 4:17

Yuj wal jun tic, tzin checn 'at Timoteo tic 'ayex. A Timoteo tic, 'icha to wunnal yaj 'a sat Cajlilec. Caw chamc'ojlb'il wu'uj, caw yiclum pax tzyutj sb'a. A 'oj 'at alnoc 'ayex, ax e nan coti, tas xwutj in b'eyb'al 'a yic wa'n 'och in nab'en 'a Cristo. 'Icha tzwutj in cuyn eb' creyente 'a junjn iglesia, 'ixta 'oj yutc ex scuyn jun xo.

2 Co 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. An yet' cu'tac Timoteo, tzin tz'ib'j 'at jun in carta tic 'ayx yiglesia ex xo Dios 'a Corinto. Tzin tz'ib'n pax 'at 'ayx e masnil ex yic xo Dios 'a yol yic Acaya.

2 Co 6:1

An̈ tic on̈, quit munljumal qui b'a yet' Dios on̈. Yuj cha, tzon̈ tew 'at 'ayx on̈, caw man̈ e patquilc can 'el swach'c'ojlal Dios ya'jnac 'ayex.

1 Ts 3:2

Ax cu'tac Timoteo tic xqui checb't 'ayex, yujto ya'mal pax servil Dios. Tzyaln 'el wach' 'ab'x yic Cristo quet' on̈. A xit' 'a'nc e te'nal. Xit' ya'nc e nab'enoc, sec tze wach' 'a'j 'och Cristo 'a e c'ojol.

1 Ts 4:12

sec wach' 'ay eyel'ch 'a sat eb' comn 'anma'. Toto 'ixta tzeyutj e munlji, colb'il tzyab' e gasto.