1 Co 15:56 - Chuj San Sebastian Bible

⁵⁶ Yuj qui mulec, 'ay spoder chaml chi 'on̈ smilnec. Yuj sley Dios, 'ix 'ajx can spoder qui mulc chi qui cham yu'uj.

Chuj San Mateo Bible

⁵⁶ Yuj co mul ay spoder chamel chi' on̈ smilani. Yuj sley Dios ix ac'jican spoder co mul chi' yic tzon̈ cham yuuj.

1 Co 15:56 ပူးပေါင်းရင်းမြစ်များ

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Jn 8:21

'Ix yaln Jesús 'a ewin 'ixtic: —An tic, 'oj in 'ati. Ax xo tic 'oj cob' in e sayq'ui, palta a 'a scal e mul 'oj e chami. Yuj cha, ma'oj stac' e comn c'och 'a 'aj 'oj in c'och cha, xchi.

Jn 8:24

Yuj cha, xwaln 'ayex to a 'a scal e mul 'oj e chami. Toto matz eya'ch 'a e c'ojol, to an ton 'icha xwala, toto 'ixta', a 'a scal e mul chi 'oj e chami, xchi.

Ro 4:15

Yujn̈ej jun ley cha, tz'ajx cot yailal 'a yib'n̈ eb' 'anma'. Q'uinloc may jun ley chi ticnec, toto 'ixta', may am mach tztenn 'ec' jun ley cha.

Ro 5:15

Palta a jun smul win Adán cha, caw man̈ lajnoc 'icha qui colnb'il tzyac' Dios. Yuj smul jun winc cha, c'uxn x'ajx can 'och chaml 'a yib'n̈ eb' 'anma'. Palta ax jun colnb'il tzyac' Dios 'a nab'an̈ej, yel xo niwn yel'chi, yujto yujn̈ej jun mach, til wal on̈ec tzlaj qui cha swach'c'ojlal Dios, atn yuj Jesucristo.

Ro 5:17

Yujn̈ej smul jun winac, yajx can 'och smasnil 'anma 'a yol sc'ab' chamel. Palta yujn̈ej junx mach, atn Jesucristo, caw niwn swach'c'ojlal Dios tzch'ox 'ayn̈ec, yujto tzyala to wach'n̈ec 'a sat. Yujn̈ej wal cha, ax qui chanec qui q'uinl 'a jun 'ejmn̈ej, ax cochc yajlil yet'oc.

Ro 5:20

'Ac'b'il can ley yic Moisés, yic tzwach' checlj 'el tas maysch'olnil. Wach'xam caw 'ix niwtj maysch'olnilal cha, palta ax swach'c'ojlal Dios, yel xo wal caw niwn yel'ch 'a yib'an̈.

Ro 6:23

Toto a maysch'olnil tzqui b'o'ec, 'oj qui chac stojol, atn chaml 'a jun 'ejmn̈ej. Palta ax jun siylab' tzyac' Dios 'ayn̈ec, atn qui q'uinlec 'a jun 'ejmn̈ej, yujto junxn̈ej cajc yet' Cristo Jesús, atn Cajlilec.

A Ch'an̈ Carta D'a Eb' Hebreo 9:27

Smasnil 'anma', yowlal tzcham eb' jun 'ejem. 'Oj lajwc cha, ax sb'eyc'ojlax eb'.