1 Co 15:45 - Chuj San Sebastian Bible

⁴⁵ 'Ixtc yaj stz'ib'x can 'a Ch'an̈ Un̈ 'ixtic: A jun b'ab'l winac, Adán sb'i, a 'ajxnac pitzwc 'anma'il, xchi. Palta 'ay junx tza'n to xjawi, 'icha Adán chi yaji. Palta a jun cha, espíritu. Atn tz'a'n qui q'uinlec 'a jun 'ejmn̈ej.

Chuj San Mateo Bible

⁴⁵ Icha chi' yaj stz'ib'chajcan d'a Slolonel Dios, aton b'aj syalcan icha tic: A vin̈ b'ab'el vinac b'ob'il, aton vin̈aj Adán, vin̈ ac'b'il sq'uinal, xchi. Palta ay junxo tzac'anto sjavi, icha vin̈aj Adán chi' yaji, palta a jun chi', aton jun Espíritu ac'um q'uinal.

1 Co 15:45 ပူးပေါင်းရင်းမြစ်များ

Gn 2:7

'Ix sb'on Dios jun 'anma'. A yet' spoccal lum lum 'ix b'o'i. 'Ix yutz'n 'och Dios yic' 'a sn̈i', 'ixta wal x'aj yel yich spitzw 'el 'anma'.

Jn 1:4

Yu'uj 'ay qui q'uinlec qui masnil. A jun tz'a'n qui q'uinlec tic, tzyac' pax sacq'uinl 'a qui pixnec.

Jn 10:10

'Ay eb' 'icha junc 'elc'm tzjawi, tzyelc'n eb' smil junc calnelu. Aln tic, tzin jaw wul wac' sq'uinl eb' 'anma 'a jun 'ejmn̈ej, sec wach' caw niwn swach'c'ojlal Dios 'oj scha eb'.

Jn 10:28

An tzwac' sq'uinl eb' 'a jun 'ejmn̈ej. Yuj cha, man̈x b'a'n̈ 'oj satl eb'. May junc mach 'oj stac' yi'n 'ec' eb' 'a yol in c'ab'.

Jn 14:19

Jab'xoj wal tiempo, 'ixta to b'i'an, man̈x b'a'n̈ 'oj in yil eb' 'anma'. Ax xo tic, 'oj in eyila'. Yujto pitzn in 'a jun 'ejmn̈ej, yuj cha, pitzn ex pax 'a jun 'ejmn̈ej jun xo.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 4:10

Xlajw cha, xyaln pax Jesús 'ixtc 'a 'ix: —Tzin c'an wuc' jac a 'ayach, palta man̈ ojcoc mach in. Man̈ ojcoc pax tas tznib'j Dios tzyac'a. Comnoc ojtac. Toto 'ixta', ach xo tic, xa c'an 'ayin, an xo xwac' jun a tz'a'n a q'uinal, xchi Jesús 'a 'ix.

Jn 4:14

Palta ax eb' tz'u'n jun a tzwac'a, man̈x b'a'n̈ 'oj cot stacn̈til eb' jun 'ejm xo. Yujto a jun a tzwac' tic, 'oj 'aj sjaj a 'a eb', ax ya'n a sq'uinl eb' 'a jun 'ejmn̈ej, xchi Jesús 'a 'ix.

Jn 5:21

Yujto a 'in Mam cha, tztac' ya'n pitzwc pax eb' chamnac, tzya'n sq'uinl eb'. 'Ixta pax in an Yunnaln tic, toto 'ay eb' tzin nib'j tzwac' sq'uinal, 'oj wac'a'.

Jn 6:33

Yujto a jun wal tzyac' Dios tic, a 'a satchan̈ 'emncta. 'Ay eb' 'ay 'a yolyib'n̈q'uinl tic 'oj scha sq'uinl 'a jun 'ejmn̈ej yu'uj, xchi Jesús 'a eb'.

Jn 6:54

Yuj cha, tzann̈j eb' 'oj chinc in chib'jal tic, ax yu'n pax eb' in chic'l tic, 'ay sq'uinl eb' 'a jun 'ejmn̈ej. An ton tic, 'oj wac' pitzwc pax chan̈ eb' 'a slajb' c'ual.

Jn 6:57

A qui Mam Dios, pitzn 'a smasnil q'uinal. A checjnacn coti. Yu'uj pitzn in jun xo. Yuj cha, a eb' tzchin in chib'jal tic, 'oj wac' pax sq'uinl eb' jun xo.

Jn 6:63

A jun Espíritu yic Dios, a tz'a'n qui q'uinlec. Ax qui niwnalec tic, may jac tztac' yu'uj. A jun tzo'n̈ paxti xwal 'ayx tic, caw yel yic Yespíritu Dios. Yuj cha, a tztac' ya'n e q'uinl 'a jun 'ejmn̈ej.

Jn 6:68

Ax Simón Pedro 'ix ta'w 'ixtc 'a 'a: —Mamin, ¿tom 'ay junc mach 'aj 'oj stac' qui 'at yet' on̈? Yujto a jun tzo'n̈ paxti tzal 'ayn̈ tic on̈, ata 'oj qui cha qui q'uinl 'a jun 'ejmn̈ej on̈.

A Tas Sc'ulejnac Eb' Schecab' Jesús Hechos 3:15

'Ixta xeyutj eya'n milxc cham jun tz'a'n q'uinal. Palta a Dios 'ix 'a'n pitzwc pax 'a scal eb' chamnac. A jun tic, caw tzca'ch qui b'a testigoal yuj on̈.

Ro 5:17

Yujn̈ej smul jun winac, yajx can 'och smasnil 'anma 'a yol sc'ab' chamel. Palta yujn̈ej junx mach, atn Jesucristo, caw niwn swach'c'ojlal Dios tzch'ox 'ayn̈ec, yujto tzyala to wach'n̈ec 'a sat. Yujn̈ej wal cha, ax qui chanec qui q'uinl 'a jun 'ejmn̈ej, ax cochc yajlil yet'oc.

Ro 5:21

'Aych eb' 'anma smasnil 'a yol sc'ab' maysch'olnil. Yuj spoder maysch'olnil cha, tzlaj cham eb'. Palta ax swach'c'ojlal Dios, 'ay pax spoder. Yu'uj, wach'n̈ec 'a sat ticnec. 'Ixta tzyutj ya'n qui q'uinlec 'a jun 'ejmn̈ej yuj Cajlil Jesucristo.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.

1 Co 15:46

Man̈oc jun qui niwnalec yic espíritu xb'ab'l 'ajx 'ayn̈ec. A jun qui niwnalec yic chib'jal tic 'ix b'ab'l 'ajxi. Ax qui niwnalec yic espíritu, tza'n to 'oj 'ajxc 'ayn̈ec.

A Scarta San Pablo D'a Eb' Aj Filipos 3:21

A 'oj jelnoc jun qui niwnalec may jac swach'l tic, sec wach' lajn 'oj 'aj yet' jun yico', yujto a jun cha, caw niwn swach'il. 'Ixta 'oj on̈ yutquec yet' spoder, yujto 'ay spoder ya'n mandar smasnil tas.

A Scarta San Pablo D'a Eb' Aj Colosas 3:4

Yujto a Cristo, qui q'uinlec yaji. At 'a yic 'oj jawc paxi, ax qui jawc pax yet'oc. 'Ixta to b'i'an, ax stz'acw qui wach'lec 'icha swach'il.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

Apoc 16:3

Xlajw cha, ax jun schab'l ángel, 'ix secn 'ejm sb'al svaso chi 'a yib'n̈ a mar. Ax a mar cha, x'och a chic'al, 'icha xo schic'l junc chamnc 'anma', 'ixta x'aj a'. Yuj cha, c'uxn xcham jantcn̈ej tas 'ay 'a yojl a'.

Apoc 21:6

Xlajw cha, xyaln pax 'ayn 'ixtic: —Tox 'ix b'o 'el'chi. An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. A eb' 'ay stacn̈ti'al, 'oj wac' yuc' eb' jun spac'b'a tz'a'n q'uinl 'a jun 'ejmn̈ej. 'Oj wac' 'a eb' 'a nab'an̈ej.

Apoc 22:1

Xlajw cha, 'ix sch'oxn jun ángel chi jun niwn a 'ayin, caw yaxt'ujnac. Atn jun a tz'a'n qui q'uinlec 'a jun 'ejmn̈ej. Caw yaxt'ujnac yilx 'icha cristal. A 'a sdespacho Dios yet' jun tzcuch Calnelu, ata tzpac' 'elta.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.