1 Co 15:42 - Chuj San Sebastian Bible

⁴² An̈jtona', 'ixta 'oj 'aj eb' chamnac yic 'oj pitzwc pax eb'. A qui niwnalec tic, yic tzmucxi, yic chaml yaji. Palta a yic 'oj pitzwc paxi, a qui niwnalec cha, man̈x b'a'n̈ 'oj chamoc.

Chuj San Mateo Bible

⁴² An̈ejtona', icha chi' ol aj eb' chamnac, ayic ol pitzvocxi eb'. A co nivanil tic, a' smucchaji, yujto yic chamel yaji. Palta ayic ol on̈ pitzvocxi, a co nivanil chi', man̈xalaj b'aq'uin̈ ol chamoc.

1 Co 15:42 ပူးပေါင်းရင်းမြစ်များ

Gn 3:19

'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

Job 17:14

A yet'l chaml 'aj 'oj in c'och cha, yet' pax no a'ay, a chi 'oj walch in mamoc, in nunoc, wanb'oc.

Salmos 16:10

Yujto ma'oj actc can in pixn 'a scal eb' chamnac, ma'oj a cha c'a in niwnal an sic'b'iln 'el oj tic.

Salmos 49:14

A 'a jun tzo'n̈ 'anma cha, a chamel 'a chi 'aych yilmalc eb'. A jun chi tz'i'n 'at eb' 'a campusan, 'icha tz'aj junc calnelu tz'ijx 'at 'a 'aj tzchami. Ax 'a yic 'oj sacb'c 'eli, a eb' wach' snab'en, a eb' 'oj 'a'nc ganar 'a yib'n̈ eb' cha. Jab'jnal 'oj sat 'ejm sniwnal eb', ax lum campusan cha, a chi 'oj 'och yatutoc eb'.

Is 38:17

Caw niwquil in yailal 'ix 'eq'ui, palta 'ix 'och in wach'loc. 'Ix 'el pax 'a a c'ojl in a coln can 'el 'a yol sc'ab' chamel, yujto 'ix ac' niwnc'ojlal smasnil in mul.

Dn 12:3

A eb' caw jelan, eb' niwn sb'isl 'anma tzjucb'tzej 'a tojl b'eyb'al, a eb' cha, caw wach' yilx 'oj 'aj eb' 'icha yilx satcha'an̈, caw tzictzni yilx 'oj 'aj eb' 'a jun 'ejmn̈ej, 'icha stzictznil c'anal.

Mt 13:43

Ax eb' tojl sb'eyb'al, 'icha wal yilx c'u, 'ixta 'oj 'aj yilx eb' 'a yol sc'ab' qui Mam Dios. A wal jun tzo'n̈ tzeyab' tic, nac wal si'mb'il.

A Tas Sc'ulejnac Eb' Schecab' Jesús Hechos 2:27

Yujto ma'oj actc can in pixn 'a scal eb' chamnac. Ma'oj a cha c'a in niwnal an sic'b'iln 'el oj tic.

A Tas Sc'ulejnac Eb' Schecab' Jesús Hechos 2:31

'Aycto, yojcan 'el win David cha, tas 'oj 'aj Cristo. Yuj cha, yaljnac cani, chajtlto 'oj pitzwc pax Cristo cha. Yaljnac can paxi, chajtlto a Dios ma'oj yactc can spixn 'a scal eb' chamnac. Ax sniwnal ma'oj c'a'oc.

Ro 1:23

A Dios caw niwn yel'chi, may b'a'n̈ tzchami. Palta xyactj can eb', ax jun tzo'n̈ 'anma to chamlb'a yaji, a yechl eb' tzya'ch eb' sdiosaloc. Yet' pax jun tzo'n̈ yechl no ch'ic, no chan, yet' no chan̈e yoc, a jun tzo'n̈ yechl chi 'aj tzyal sb'a eb'.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

Ro 8:21

yujto smasnil jun tzo'n̈ chi 'oj colchjoc 'eli, sec man̈x 'a tas 'oj 'i'noc eb'. 'Icha 'oj cajc qui colchj 'el an̈ yunnaln̈ec xo Dios, ax cajc 'a swach'il, 'ixta 'oj 'aj scolchj pax 'el jun tzo'n̈ xo eb' cha.

1 Co 15:41

Ax jun tzo'n̈ tas 'ay 'a satchan̈ cha, chucchc pax stzictznil jun jun. Chuc stzictznil c'u. Chuc pax stzictznil 'uj. An̈jtona', chuc pax stzictznil jun tzo'n̈ c'anal. Ax jun tzo'n̈ c'anal cha, chucchc stzictznil jun jun.

Gl 6:8

Toto tzqui b'oc jun tzo'n̈ tas tznib'j qui tu nab'enal, 'oj qui chac spac qui tu nab'enal cha, atn chamel. Palta toto tzqui b'oc jun tzo'n̈ tas tznib'j Yespíritu Dios, 'oj qui chac spac 'a Yespíritu cha, atn qui q'uinlec 'a jun 'ejmn̈ej.

A Sb'ab'el Carta San Pedro 1:4

Yujto a Dios 'oj 'a'nc jun qui maclec, atn jun molb'il yuj 'a satcha'an̈. 'Ayc'n̈ej 'a jun 'ejmn̈ej, matz juwi, matz 'ixtxi.