1 Co 15:29 - Chuj San Sebastian Bible

²⁹ A ticnec, 'ay eb' tz'ajx bautisar sjelc eb' chamnac. Palta toto ma'oj pitzwc pax eb' chamnc cha, ¿tas yuj 'ay eb' tz'ajx bautisar sjelc eb'?

Chuj San Mateo Bible

²⁹ A ticnaic, ay eb' syac' bautizar sb'a sq'uexuloc eb' chamnac. Palta tato man̈ ol pitzvocxi eb' chamnac chi', ¿tas yuj ay eb' syac' bautizar sb'a sq'uexuloc eb'?

1 Co 15:29 ပူးပေါင်းရင်းမြစ်များ

Mt 20:22

Yuj cha, 'ix yaln 'ixtc 'a ewin schawn̈il: —Palta matz nachj 'el eyu'uj, tas tze c'an 'ayin. ¿'Ojm techjoc eyu'uj yic 'oj eyajx prowal 'icha 'oj waji? A wal jun tas 'oj jawc 'a wib'an̈, ¿tom 'oj techjoc eyu'uj? xchi 'a eb'. —'Oj techjoc, xchi eb' 'a 'a.

Mt 3:6

'Ix laj yal q'uet eb' smul 'a Dios. Xlajw cha, xya'n 'ajxc bautisar sb'a eb' yuj Juan 'a yojl a Jordán cha.

1 Co 15:16

Yujto a eb' chamnc cha, toto ma'oj pitzwc pax eb', an̈jtona', 'ixta pax Cristo, ma'ix pitzw pax jun xo.

1 Co 15:28

Ax 'a yic 'oj wach' 'ajxc 'och smasnil tas 'a yol sc'ab' Yunnal Dios cha, ax swach' 'a'n 'och sb'a 'a yol sc'ab' Dios Mamb'il. Yujto a Dios cha, ya'jnac can 'och smasnil tas 'a yol sc'ab'. 'Ixta to b'i'an, ax Dios 'oj wach' 'a'nc mandar smasnil tas yet' smasnil 'anma'.

1 Co 15:30

An̈ xo pax tic on̈, ¿tas yuj tzcac' qui b'a 'a yol sc'ab' chaml 'a smasnil tiempo on̈?

1 Co 15:32

A 'a Efeso tic, 'ay jun tzo'n̈ eb' 'a'jnac 'och jun tas 'a wib'an̈. Caw ow eb' 'icha junc noc' caw 'ay smay. Toto may in q'uinl 'a jun 'ejmn̈ej, ¿tas yuj tzwixtj in b'a tzyal cha? Toto ma'oj pitzwc pax eb' chamnac, to 'ixta', caw am wach' ton̈j tzca'c qui gana jac ticnec. Wa coyec, tzcu'nec tas tzcuq'uej, toq'ue chamnc on̈c xo q'uic'an.