1 Co 15:27 - Chuj San Sebastian Bible

²⁷ Yujto xya'ch Dios smasnil tas 'a yol sc'ab' Cristo cha, sec wach' a tz'a'n mandar smasnil. Palta wach'xam smasnil tas 'ay 'a yol sc'ab', 'icha tzyal 'a Ch'an̈ U'un̈, ax Dios man̈ locnoc tz'ajx mandar yu'uj. Yujto a Dios chi tz'a'n 'och smasnil tas 'a yol sc'ab' Cristo cha.

Chuj San Mateo Bible

²⁷ Yujto syal d'a Slolonel Dios Tz'ib'ab'ilcan icha tic: A Dios ix ac'anoch masanil tas d'a yol sc'ab' Cristo chi', yic vach' a' tz'ac'an mandar smasanil, xchi. Ayic syalani to ix ac'jioch masanil yuj Dios d'a yol sc'ab' chi', man̈ locanoc yac'ji mandar Dios chi' yuuj. Yujto A' tz'ac'anoch masanil tas d'a yol sc'ab' Cristo chi'.

1 Co 15:27 ပူးပေါင်းရင်းမြစ်များ

Salmos 8:6

'Ix a'n can 'och copiso 'a yib'n̈ tas a b'ojnac, 'ix a'n can smasnil 'a yol qui c'ab' on̈:

Dn 7:14

'Ix 'ajx yopiso yet' sb'inab'ilal yic tzya'n reyal. Smasnil 'anma 'a junjn nacion̈ yet' 'a junjn ti'al, c'uxn tz'a'w servil eb' 'a 'a. A yip 'ayc' 'a jun 'ejmn̈ej, ax yopiso cha, caw may xon b'a'n̈ 'oj lajwc 'ejmi.

Mt 11:27

Xlajw cha, xyaln 'a eb' 'ixtic: —A 'in Mam, ya'jnac smasnil tas 'a yol in c'ab'. An Yunnaln tic, may junc mach 'ojtnacn si'mb'il, cojxn in Mam 'ojtnac in. An̈jtona', may mach tzcomn 'ojcan 'el in Mam. Cojxn in an Yunnaln tic, yet' pax eb' tzin nib'j tzwac' 'ojcanc 'eli.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Jn 3:35

Yunnal qui Mam Dios jun cha, chamc'ojlb'il yu'uj. Yuj cha, a Smam chi 'a'jnac 'och smasnil tas 'a yol sc'ab' yic tzya'n cuenta.

Ef 1:20

yic ya'n pitzwc pax Cristo 'a scal eb' chamnac, yic ya'n 'ejm wocn 'a swach' c'ab' 'a satcha'an̈.

Ef 1:22

C'uxn 'ix ya'ch Dios smasnil tas 'a yol scab' Cristo. 'Ix ya'n pax yopiso yoch Syajlilc yiglesia, 'icha to sjolm yaji.

A Ch'an̈ Carta D'a Eb' Hebreo 1:13

May junc ángel 'aj yaljnac pax Dios junx tic, 'icha 'ix yutj yaln 'a Yunnal. Yic yaln 'ixtic: 'Emn̈ wocn 'a in wach' c'ab', masnto 'oj can eb' tzchichn 'och 'aych 'a yaln̈ wu'uj, xchi.

A Ch'an̈ Carta D'a Eb' Hebreo 10:12

A Jesucristo, junn̈j xajmb'al ya'jnac yuj qui mulc 'a jun 'ejmn̈ej. Xlajw cha, x'at 'em wocn 'a swach' c'ab' Dios.

A Ch'an̈ Carta D'a Eb' Hebreo 2:8

Smasnil tas b'ob'il oj tic, 'ix a'cn smasnil 'a yol qui c'ab' on̈, xchi 'a Ch'an̈. Yuj cha, a yic xya'n Dios smasnil tas 'a yol qui c'ab'ec, man̈x junc tas ma'ix ya'cni. Cojxn to a ticnec, mantzac quilc smasnil tas 'ix 'ajx 'och 'a yol qui c'ab'c cha.

A Sb'ab'el Carta San Pedro 3:22

paxnc q'ue 'a satcha'an̈. Ata 'ayc' 'a swach' c'ab' Dios ticnec. A tz'a'n mandar eb' ángel, yet' jun tzo'n̈ xo 'ay yopiso to 'ay spoder.

Apoc 1:18

Pitzn in. Wach'xam in chami, palta pitzn in 'a jun 'ejmn̈ej ticnec. An tic, yajl waj 'a yib'n̈ chamel, yajl pax waj 'a jun lugar 'aj 'ay spixn eb' chamnac.