1 Co 15:1 - Chuj San Sebastian Bible

¹ Al ticnec, ex wu'tac, ex wanab', tzin nib'j tze na cot jun wach' 'ab'x yic colnb'il waljnac 'ayex. A jun 'ab'x tic, e chajnac xo, caw te'n exx 'a ticnec.

Chuj San Mateo Bible

¹ A ticnaic, ex vuc'tac ex vanab', in gana tze nacot jun vach' ab'ix yic colnab'il valnaccan d'ayex. A jun ab'ix tic, e chanacxo. Tec'an exxo d'ay ticnaic.

1 Co 15:1 ပူးပေါင်းရင်းမြစ်များ

Jn 12:48

A eb' may wel'ch 'a sat, eb' matz yiclni in paxti', toxn 'ayc' xon jun 'oj 'a'nc 'och syailal eb', atn in paxti tzwalcn tic. Yuj in paxti tic, 'oj 'ajxc 'och syailal eb' 'a slajb' c'ual.

A Tas Sc'ulejnac Eb' Schecab' Jesús Hechos 11:1

Ax eb' schecb' Jesucristo, yet' eb' creyente 'ay 'a Judea, 'ix yab' eb' chajtlto 'ay eb' man̈ israeloc xya'ch sc'ojl 'a spaxti Dios.

A Tas Sc'ulejnac Eb' Schecab' Jesús Hechos 2:41

Yuj cha, 'ay eb' xya'ch 'a sc'ojl 'a tas 'ix yal Pedro cha. 'Ix laj ya'n 'ajxc bautisar sb'a eb'. A eb' x'och creyenteal 'a jun c'u cha, 'aym 'oxe'oc mil eb'.

Ro 11:20

Yel toni, 'icha to tzuc'b'il 'el eb' israel cha, yujto ma'ix ya'ch eb' sc'ojl 'a Dios. Ax xo, yujn̈ej to tzeya'ch e c'ojl 'a 'a, ex 'ochcn sjelc eb'. Yuj cha, xe b'an̈t e b'a, tzeyil wal e b'a.

Ro 2:16

At 'a yic 'oj jawc jun c'ual, 'oj sb'eyc'ojloc Dios smasnil 'anma', yuj tastc c'ultac yaj yuj eb'. A Jesucristo 'oj b'eyc'ojlanc eb' yu'uj, 'icha tzyal jun wach' 'ab'x yic colnb'il tzwal-l tic.

Ro 5:2

Yuj Cristo, 'ay calnec quic qui chan swach'c'ojlal Dios, yujto tzca'c 'och qui c'ojl 'a 'a. Yuj cha, til wal swach'c'ojlal tzch'ox 'ayn̈ec ticnec. Caw tzon̈ tzaljec, yujto tzca'c 'och yipc qui c'ojol, to 'oj tza'wnoc qui wach'lec 'icha swach'l Dios.

1 Co 16:13

Macwjan̈ec, caw te'n tzeyutj e b'a eya'n 'och e c'ojl 'a Cajlilec. Man̈ ex xiwoc. Caw tze te'wtzej e b'a junjn ex.

1 Co 3:6

An tic, yic wec' 'a e cal, 'icha to 'ec' wawjnac can jun tzo'n̈ 'in̈t ta'. Ax Apolos, 'icha to a 'ec' 'a'jnac 'och yalil. Palta atn Dios ex q'uib'tzani.

1 Co 4:15

Toxn̈ej 'ay lajn̈e'oc mil e cuymal tzex cuyn 'a yic Cristo, palta junn̈j caw 'icha e mam yaji. An ton tic mamb'il waj 'ayex, yujto an in b'ab'l aljnac wach' 'ab'x 'ayx ta'.

2 Co 1:24

Matz qui nib'j tzex cac' mandar on̈, yic tzcaln 'ayx on̈ tas tzeyutj eya'n 'och e c'ojl 'a Dios. Yujto te'n xon tzeyutj e b'a eya'n 'och e c'ojl 'a 'a. Palta tzqui nib'j tzon̈ colwj ca'n e nab'enoc on̈, sec 'oj wach' jawc e tzaljc'ojlal ta'.

1 Ts 1:6

Ax xo, xeyamch e b'eylb'an qui b'eyb'al on̈. Xe b'eylb'an pax sb'eyb'al Cajlilec. Wach'xam caw xeyab' syail, yic e chan spaxti Dios, palta caw tzaljc'ojlal chab'il eyu'uj. Yujto a Yespíritu Dios 'a'jnac e tzaljc'ojlal.

1 Ts 2:13

A yic caln 'el spaxti Dios 'a e cal on̈, yajn̈ej eya'n 'och 'a e c'ojol, chajtlto yel yic Dios, man̈ yico'oc 'anma'. Yuj cha, caw tzca'n̈j yuj diosal 'a Dios eyuj on̈. A spaxti tic, caw yel yico'. Caw 'ay yopiso sb'on qui nab'en an̈ creyente on̈c tic.

1 Ts 4:1

Ex wu'tac, ex wanab', 'in 'ec' caljnacx 'ayx on̈, to wach' tzeyutj e b'eyb'al, sec tzalj Dios eyet'oc. Al ticnec, tzon̈ tew 'at 'ayx 'a sb'i Cajlil Jesús, tzcham wal caln 'at 'ayx on̈, to tze wach' yiclj jun checnb'il tic si'mb'il.

2 Ts 3:6

Ex wu'tac, ex wanab', a 'a sb'i Cajlil Jesucristo, tzcalb't jun tzo'n̈ xo checnb'il tic 'ayx on̈. Toto 'ay eb' creyente matz nib'j sb'o smunljel ta', toto matz b'eylb'ej eb' jun tzo'n̈ cuynb'il 'ec' caljnac can 'ayx on̈, caw matz tac' jun tzex 'ec' yet' eb'.

A Sb'ab'el Carta San Pedro 5:12

A cu'tac Silvano tic, wojc xon snab'en, caw yiclum. A 'oj 'i'nc 'at jun in carta tic 'ayex. A jayb'eln̈ paxti xwalb't tic, yu'uj ax swach' jaw e nab'en ta'. A jun tzo'n̈ tic tzalni, tas tzyutj Dios ya'n swach'c'ojlal 'ayn̈ec 'a yel. Caw te'n tzeyutj e b'a 'a swach'c'ojlal tic.