1 Co 14:37 - Chuj San Sebastian Bible

³⁷ Toto 'ayx tze na'a, to 'ay eyopiso eyaln 'el spaxti Dios, mto tze na'a, to a Yespíritu Dios tzmunlj 'ayex, nachj cab' 'el eyu'uj, atn jun tzo'n̈ schecnb'il Cajlilec tzin tz'ib'j 'at 'ayx tic.

Chuj San Mateo Bible

³⁷ Tato ayex tze na'a to ay eyopisio eyalanel slolonel Dios, mato tze na'a to a Yespíritu Dios smunlaj d'ayex, nachajocab'el eyuuj to schecnab'il Cajal Jesús yaj juntzan̈ tzin tz'ib'ejb'at tic d'ayex.

1 Co 14:37 ပူးပေါင်းရင်းမြစ်များ

Nm 24:16

Tzwab' tas tzyal Dios, wojc paxi tas nab'ilx yuj jun tztac' yuj smasnil, 'icha waychil tzwutj wiln Dios. Man̈xtzac in na tas tzin 'aji, palta wach' wiln yet' in sat.

Lc 10:16

'Ix yaln pax 'a eb' scuywum 'ixtic: —A mach tzchan 'ab'noc 'ayex, tzyal 'el'chi, 'a 'ayn tzchaj eb' yab'i'. Ax eb' tzex patquiln can 'eli, tzyal 'el'chi, an tzin spatquilj can 'el eb'. A eb' tzin patquiln can 'el cha, tzyal 'el'chi, a Dios checjnacn coti, a tzpatquilj can pax 'el eb', xchi Jesús 'a eb'.

Ro 12:3

A Dios, 'a'jnac wopiso tic yuj swach'c'ojlal. Yuj cha, tzwaln 'at jun tzo'n̈ tic 'ayx e masnil. Matz tac' qui nan junjn on̈ec, to caw jeln on̈. Yowlal 'emmquilal tzcutjec qui nan qui b'a, a tzyala tas 'opiso tzyac' Dios 'ayn̈ junjn on̈ec, yujto 'aych qui c'ojlec 'a 'a.

1 Co 14:29

An̈jtona', toto 'ayx tzeyal-l spaxti Dios, cojxn cab' chawn̈oc, mto 'oxwn̈oc ex tzeyal-li. Ax xo e masnil, caw tzeya'ch e chicn 'a spaxti Dios chi tzalx 'ayx cha.

1 Co 14:36

Yowlal tze na coti, to man̈oc 'ayx b'ab'l 'ajxnac spaxti Dios. An̈jtona', man̈ e ch'ocjocn̈ej xe chaj spaxti Dios cha.

1 Co 14:38

Toto 'ay eb' may yel'ch jun tzo'n̈ checnb'il tic 'a sat, an̈jtona', may cab' pax yel'ch eb' 'a e sat jun xo.

1 Co 2:15

Palta an̈ec 'ayx 'och Yespíritu Dios 'ayn̈ec, tztac' qui b'eyc'ojlanec smasnil tas, toto wach' 'a sat Dios, mto ma'ay. Palta may junc 'anma tztac' tzon̈ b'eyc'ojlani.

1 Co 3:1

Ex wu'tac, ex wanab', yic wec' 'a e cal, ma'ix stac' waln 'ayx 'icha tzwutj waln 'a eb' yiclum 'a Yespíritu Dios. Yujto mun a e nab'en tzex 'a'n mandar, 'unn ext 'a sat Cristo.

1 Co 7:25

Ax xo ex cob'stac 'ix mant 'a eyichmil, may junc schecnb'il Cajlil 'oj wal't 'ayex. A tas 'oj wal't 'ayex, mun tzin na'a. Palta a tas tzwala, smoj 'ay yel'ch 'a e sat, yujto x'o'ch sc'ojl Dios 'ayin, 'ix ya'n wopiso tic.

1 Co 7:40

Palta tzin na 'an tic, tecn yel xo 'ay stzaljc'ojlal 'ix, toto man̈xtzac yij 'ix junc xo winac. Tzin na'a a Yespíritu Dios 'aych wet'oc, yic tzwaln jun tic.

1 Co 8:2

A eb' 'ay snab'en snani, may xon jac sjelnal eb' 'icha tznib'j Dios.

2 Co 10:12

An̈ tic on̈, matz qui te'wtzej qui b'a qui nan on̈, to lajn on̈ 'icha jun tzo'n̈ xo eb' mun tzyal wach'l sb'a. Matz qui lajb'tzej qui b'a yet' eb' on̈. A eb' cha, man̈ nab'enal yaj eb', yujto junjn eb', mun a snab'en eb' tzcob' sc'anlb'oc yic tzb'eyc'ojlan sb'a eb'. An̈jtona', tzcob' slajb'tzanc eb' snab'en yet' jun tzo'n̈ xo eb'.

2 Co 10:7

Ax xo, cojxn tas tzeyil yet' e sat tztac' snachj 'el eyu'uj. Toto 'ayx tze na'a, to cojn ex caw yic ex Cristo, nachj cab' 'el eyu'uj, to an̈jtona', yic on̈ pax Cristo on̈.

2 Co 11:4

Yujto 'ay eb' tz'ec' alnc 'el junx chuc cuynb'ilal 'ayex. 'Icha to chuc junc xo Jesús tz'ec' yal-l eb' yab'xil, man̈oc jun tz'ec' cal-l on̈, man̈oc chi tz'ec' yal-l eb', palta wan cob' e chanc eyab' 'a eb'. Wan e chan junc xo espíritu 'a eb', palta man̈ 'icha'oc jun chab'ilx eyu'uj. Wan eya'n pax 'och e c'ojl 'a jun 'ab'x yic colnb'il cob'i', palta man̈oc jun eyab'jnac 'ayn̈ on̈.

Gl 6:8

Toto tzqui b'oc jun tzo'n̈ tas tznib'j qui tu nab'enal, 'oj qui chac spac qui tu nab'enal cha, atn chamel. Palta toto tzqui b'oc jun tzo'n̈ tas tznib'j Yespíritu Dios, 'oj qui chac spac 'a Yespíritu cha, atn qui q'uinlec 'a jun 'ejmn̈ej.

A Schab'il Carta San Pedro 3:2

Yuj cha, yowlal tze na cot jun tzo'n̈ tas stz'ib'jnac can eb' schecb' Dios pecti', atn eb' sic'b'il 'el yu'uj. An̈jtona', tze na cot pax schecnb'il Cajlil qui Colmal. A schecnb'il cha, alb'ilx can 'ayx cuj an̈ schecb' on̈ tic on̈.

1 Jn 4:6

Palta an̈ec xo tic, yic on̈c xo Dios. Yuj cha, a eb' yic xo Dios quet'ec, tzya'ch eb' schicn 'a tas tzcalec. Palta ax eb' man̈ yico'oc Dios, matz ya'ch eb' schicn 'a tas tzcalc 'a 'a. 'Ixta tzcutjec cojcan 'eli, mach eb' yel 'aych Yespíritu Dios 'a 'a, mach pax eb' 'aych yespíritu win 'a'm 'es 'a 'a.

San Judas 1:17

Ax xo chamc'ojlb'ilx wu'uj, tzlaj e na cot jun tzo'n̈ 'oj walb't 'ayx tic. Yictax pecti', a eb' schecb' Cajlil Jesucristo,