1 Co 14:27 - Chuj San Sebastian Bible

²⁷ Toto 'ayx tzex paxtin 'a jun tzo'n̈ chucchc ti'al, cojxn cab' chawn̈oc, mto 'oxwn̈oc ex tzex paxtini. Junjnal eyaln eyico'. An̈jtona', yowlal 'ay junc ex tztac' e yalni, tas tzyal 'el'chi.

Chuj San Mateo Bible

²⁷ Tato ayex tzex lolon d'a juntzan̈ ch'occh'oc tial, chavan̈ ma oxvan̈exn̈ej tzex loloni. Junjunal tzeyal eyico'. An̈ejtona' yovalil ay junoc ex tzeyala' tas syalelc'ochi.

1 Co 14:27 ပူးပေါင်းရင်းမြစ်များ

1 Co 12:10

'ay eb' tz'ajx spoder sch'oxn 'el jun tzo'n̈ milagro, 'ay pax eb' tz'ajx yal-l spaxti Dios. Yuj Yespíritu tic, 'ay eb' tz'ajx yojcoc 'eli, toto a 'aych yet' junc mach, mto a junc demonio 'aych yet'oc. Yu'uj, 'ay pax eb' tz'ajx paxtinc 'a jun tzo'n̈ chucchc ti'al. 'Ay pax jun tzo'n̈ xo eb' tz'ajx alnoc, tas wal tzyal 'el'ch jun tzyal eb' cha.

1 Co 14:13

Yuj cha, toto 'ay mach tz'ajx paxtinc 'a junc chuc ti'al, yowlal tzc'an 'a Dios, sec 'oj stac' yaln 'eli tas tzyal 'el'ch jun cha.

1 Co 14:2

'Ay eb' tztac' spaxtin 'a jun tzo'n̈ chucchc ti'al. A 'a Dios tzpaxtin eb', man̈oc 'a 'anma', yujto may junc mach tz'ab'n tas tzyal eb'. Yuj ton Yespíritu Dios tz'ajx yal eb' jun tzo'n̈ cha, palta may junc mach 'ojtnac tas tzyal eb' cha.

1 Co 14:26

Yuj cha, ex wu'tac, ex wanab', 'oj wal't 'ayex, tas tzeyutj e b'a ta', a yic tzeyamn e b'a. Comnoc 'ayx tzex b'itni, 'ayx tzeyac' junc cuynb'il, 'ayx tzeyal-l junc tas tz'ajx yuj Dios 'ayex, 'ayx tzex paxtin 'a junc chuc ti'al, 'ayx pax tzeyal-l tas tzyal 'el'ch jun chuc til cha. Comnoc tzlaj 'och e te'nal yuj smasnil tas tze b'o cha.

1 Co 14:28

Toto may mach tztac' yalni tas tzyal 'el'chi, yel xo wach' matz ex paxtin cab' 'a jun tzo'n̈ chucchc til chi 'a 'aj tzeyam e b'a cha. Yel xo wach' mun tzex leslwi 'a Dios yet' e pixan.

1 Co 14:5

Tzin nib'j tzex paxtin 'a jun tzo'n̈ chucchc til e masnil. Palta yel xo wal tzin nib'j tzeyal-l spaxti Dios. Yujto a jun tic, yel xo wal 'ay yopiso 'a yib'n̈ jun tzo'n̈ chucchc til cha. A jun tzo'n̈ cha, 'ay ton yopiso, toto 'ay mach tztac' yaln 'eli tas tzyal 'el'chi, sec wach' 'oj 'och ste'nal eb' creyente chi yu'uj.