1 Co 14:15 - Chuj San Sebastian Bible

¹⁵ Yuj cha, ¿tasm tzqui b'o tze na'a? Man̈ cojnoc tzon̈ leslwiec yet' qui pixan. Yowlal tzon̈ leslwiec pax yet' qui nab'en, sec tznachj 'el cujec. An̈jtona', a yic tzon̈ b'itnec, man̈ cojnoc tzon̈ b'itnec yet' qui pixan. Yowlal tzon̈ b'itnec pax yet' qui nab'en, sec tznachj 'el cujec.

Chuj San Mateo Bible

¹⁵ Yuj chi', ¿tas am sco c'ulej tze na'a? Man̈ocn̈ej yed' co pixan tzon̈ lesalvi. Yovalil tzon̈ lesalvi pax yed' co pensar yic snachajel cuuj. An̈ejtona', ayic tzon̈ b'itani, man̈ ton̈ejoc tzon̈ b'itan yed' co pixan. Yovalil tzon̈ b'itan pax yed' co pensar, yic vach' snachajel cuuj.

1 Co 14:15 ပူးပေါင်းရင်းမြစ်များ

Salmos 47:7

A Dios rey yaj 'a yib'n̈ smasnil lum lum tic. B'itn coyc yet' qui wach' paxti 'a 'a.

A Tas Sc'ulejnac Eb' Schecab' Jesús Hechos 21:22

¿Tas 'oj cutquec ticnec? Yujto a yic 'oj yab'nc eb', to ach jawi, 'oj syam sb'a eb' smasnil.

Ro 1:9

An tic, tzwac' servil Dios 'a smasnil in c'ojol, tzwaln 'el yab'xil Yunnal. Tzyil Dios, to a yic tzin leslwi 'a junjn 'ejem, tzin leslwi pax eyu'uj.

Ro 3:5

An̈ec tic, man̈ on̈ tojloc. Yuj cha, tzcheclj 'eli to cojn Dios tojol. Palta ¿tasm tze na'a? ¿Tom man̈ tojloc Dios yujto 'oj ya'ch qui yailalec yuj qui mul? 'Ay eb' 'anma tznan 'ixta'.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

1 Co 10:19

Man̈toc tzwala, to 'ay yel'ch jun tzo'n̈ tzalx 'och diosal cha. An̈jtona', 'ixta pax jun tzo'n̈ xajmb'al cha, man̈toc tzwala, to 'ay yel'chi.

1 Co 14:14

Q'uinloc tzin leslwi 'a junc chuc til ticnec. A 'in pixan tzleslwi. Palta ax in nab'en, matz nachj 'el jac yu'uj, tas chi tzwala.

1 Co 14:19

Palta a yic tzqui yamnec qui b'a 'a culto, yel xo wach' tzwal 'a e ti', yic tzex in cuyni. Yujto wach'xam o'en̈ej paxti'al tzwal 'ayx 'a e ti', palta 'ec'b'al yopiso 'a yib'n̈ lajn̈e'oc mil paxti'al matz nachj 'el eyu'uj.

1 Co 14:26

Yuj cha, ex wu'tac, ex wanab', 'oj wal't 'ayex, tas tzeyutj e b'a ta', a yic tzeyamn e b'a. Comnoc 'ayx tzex b'itni, 'ayx tzeyac' junc cuynb'il, 'ayx tzeyal-l junc tas tz'ajx yuj Dios 'ayex, 'ayx tzex paxtin 'a junc chuc ti'al, 'ayx pax tzeyal-l tas tzyal 'el'ch jun chuc til cha. Comnoc tzlaj 'och e te'nal yuj smasnil tas tze b'o cha.

Ef 6:18

An̈jtona', smasnil tiempo caw tzex leslwi 'a Dios yet' spoder Yespíritu, tze c'ann tas 'a 'a. Caw tzeya'ch e nab'en e leslwi. Man̈ ex tzactzjoc. Leslwan̈c yuj jantcn̈ej eb' yic xo Dios quet'ec.

A Scarta San Pablo D'a Eb' Aj Filipos 1:18

Palta an tic, matz in na xon jun tzo'n̈ tic. Wach'xam smasnil sc'ojl eb' tzyaln 'el eb', wach'xam ma'ay, tzin tzaljn̈ej, yujto atn yab'xil Cristo wan yaln 'el eb'. Yel xo wal 'oj wach' jawc in tzaljc'ojlal,

A Scarta San Pablo D'a Eb' Aj Colosas 3:16

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol.

Santiago 5:13

Toto 'ayx wan eyab'n syal ticnec, leslwan̈ec. Toto 'ayx 'ay pax e tzaljc'ojlal, b'itnan̈c 'a Dios.

San Judas 1:20

Palta ax xo chamc'ojlb'ilx wu'uj, caw tze wach' te'wtzej e b'a 'a jun cuynb'il 'aj 'aych e c'ojol, yujto cojxn jun tic yic Dios. Caw tzex leslwi yet' spoder Yespíritu.