1 Co 13:7 - Chuj San Sebastian Bible

⁷ Toto yel 'ay qui chamc'ojlalec, 'oj ca'c techjoc smasnil tas. 'Oj ca'c 'och 'a qui c'ojol, chajtlto wach'n̈j tas tzb'o eb' quit 'anma'il. 'Oj ca'c 'ochn̈ej pax eb' yipc qui c'ojol. Tzann̈j junc tas tzjaw 'a quib'n̈ec, te'nn̈ej 'oj cutquec qui b'a.

Chuj San Mateo Bible

⁷ Tato yel sco xajanej co b'a, scac' techaj masanil tasi, scac'och d'a co c'ool to vach'n̈ej sc'ulej eb' quetanimail, scac'n̈ejoch eb' yipoc co c'ool. Yaln̈ej tas junoc sja d'a quib'an̈, tec'ann̈ej scutej co b'a.

1 Co 13:7 ပူးပေါင်းရင်းမြစ်များ

Gn 29:20

'Ixta x'aj smunlj win Jacob uque ab'il yuj 'ix Raquel, caw matz yab' win yec' tiempo cha, yujto caw tzchaml win yet' 'ix.

Job 13:15

Wach'xam yuj cha tzin smiln cham Dios, palta 'oj wa'chn̈ej Dios yipc in c'ojol, 'oj in col in b'a 'a yojltac.

Salmos 119:66

Cuyn 'a wach' nab'enal yet' 'a jelnal, yujto an tic, tox 'ix wa'ch in c'ojl 'a jun tzo'n̈ a checnb'il tic.

Pr 10:12

A eb' 'ay schichnc'ojlal, caw tzsay eb' tas tz'aj spitzw chan̈ owal, ax eb' 'ay schamc'ojlal, tzya'n̈j eb' niwnc'ojlal yuj tas tz'aj yixtxi.

Mt 10:22

Smasnil 'anma 'oj chichnc 'och 'ayx wu'uj. Palta a eb' 'oj 'a'nc techjoc smasnil jun tzo'n̈ cha masnto 'a slajub', 'oj colchjoc eb'.

Mr 9:23

—¿Tas yuj tzala toto tztac' wu'uj? A mach tzya'ch sc'ojl 'a Dios, smasnil tas tztac' yu'uj, xchi Jesús.

Ro 15:1

An̈ec tic, te'n on̈c xo 'a yic Dios, yujto tznachj 'el cujec, to may yowlal jun tzo'n̈ cha. Palta 'ay eb' mant 'a ste'nal, tzxiw eb' yu'uj. Yuj cha, yowlal tzca'c techjoc tas tzna eb', sec matz somchj 'el eb' cujec. Matz tac' qui comn b'onec 'icha tzqui nib'ej.

Ro 8:24

Yictax on̈ colchjec, tzca'c 'och yipc qui c'ojol, to 'oj qui wach' chac qui colnb'ilec. Q'uinloc tox 'ix qui chajec jun chi ticnec, to 'ixta', man̈x yowlalc tzat qui tan̈wjec sjawi. Yujto a tas tzquilc yet' qui sat, man̈xtzac qui tan̈wjec sjawi.

1 Co 13:4

'Oj wala', tas tzcutjec qui b'a, toto yel 'ay qui chamc'ojlalec. Caw niwn tzcutjec qui c'ojl 'a eb' quit 'anma'il, tzqui ch'oxnec pax qui wach'c'ojlal 'a eb'. Man̈ comnoc tzon̈ chichnec 'och 'a junc xo mach yuj tas 'ay 'a 'a. Man̈ qui b'an̈c qui b'a, mto tzquijec chan̈ qui b'a.

1 Co 9:12

'Ay jun tzo'n̈ xo eb' 'ay yaln yic schan yic 'ayex. Yuj cha, an̈ tic on̈, yel xo wal 'ec'b'al 'ay caln quic 'ayx on̈. Palta wach'xam 'ay caln quic 'ayx on̈, mant 'a jun 'ejmoc qui c'anjnac qui gasto 'ayx on̈. Caw tzcac' techjoc smasnil tas on̈, sec wach' niwn yel'ch yab'xil Cristo 'a 'ajtc tz'ec' cal-l on̈.

Gl 6:2

Caw tzlaj e coltc e b'a, sec 'oj laj techjoc syal eyuj e masnil. Toto 'ixta', wan eyiclni sley Cristo smasnil.

Dt 1:9

A 'a yic jun tiempoal cha, ata xwal 'ayx 'ixtic: A in ch'ocoj caw matz techj ex wilni.

Dt 22:27

Yujto tzyam cot win 'ix sch'ocj 'a 'aj may 'anma', yuj cha, wach'xam tz'el yaw 'ix, palta may junc mach tztac' scoln 'ix.

2 Ts 1:4

Yuj cha, tz'ec' cal e wach'l 'a scal eb' creyente 'a junjn yiglesia Dios. Yujto til wal tas tz'ajx 'och 'a eyib'an̈, caw niwn syal wan eyab'n ta', palta caw te'n tzeyutj eya'n 'och e c'ojl 'a Dios. Wan eya'n techjoc smasnil.

2 Ti 2:24

A eb' tz'a'n servil Cajlil, matz tac' scomn 'a'n 'och sb'a eb' 'a scal owal. Yowlal manso tzyutj sb'a eb' 'a smasnil 'anma'. Yowlal wach' tzyutj cuywjoc sb'a eb', niwn pax tzyutj eb' sc'ojol.

2 Ti 3:11

An̈jtona', lajn pax a te'nal wet' 'a scal jun tzo'n̈ tas tz'ajx 'och 'a wib'an̈, yet' jun tzo'n̈ xo tas tzwab' syail. 'In ojc xo, caw in 'ixtxi, yic wec' 'a chon̈b' Antioquía, 'a Iconio, yet' 'a Listra. Til wal wab'jnac syal 'a jun tzo'n̈ chon̈b' cha, palta a Cajlil, a coljnacn can 'el 'a yol sc'ab' smasnil.

2 Ti 4:5

Palta ach xo, caw te'n tzotj a nab'en 'a smasnil tiempo. Caw tzac' techjoc ab'n syail. Caw tzal-l wach' 'ab'x yic colnb'il 'a scal eb' 'anma'. Munljan̈ si'mb'il, sec may tas 'oj yac' palta 'a jun opiso cha.

A Ch'an̈ Carta D'a Eb' Hebreo 13:13

Yuj cha, 'elcoyc 'a 'aj 'ijxnac 'el Jesús 'a sti 'el chon̈b' cha, tzyal 'el'chi, to tzchaj qui c'ojl qui patquilx can 'el 'icha 'ajnc spatquilx can 'el Jesús.

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

A Sb'ab'el Carta San Pedro 4:8

Ax junx 'oj walb't 'ayx tic, to caw tzlaj qui chamc'ojloquec qui b'a yet' smasnil qui c'ojol. Wach'xam caw niwn smul junc xo mach 'ayn̈ec, toto 'ay qui chamc'ojlalec, 'oj ca'c niwnc'ojlal 'a 'a.