1 Co 13:2 - Chuj San Sebastian Bible

² Wach'xam caw 'ac'b'il copiso calnec 'el spaxti Dios, mto tznachj 'el tas cujec, smasnil tas mant 'a mach 'ojtnac, toxn̈ej cojquec cab' smasnil tas 'a yolyib'n̈q'uinl tic, wach'xam caw tzca'c 'och qui c'ojl 'a Dios si'mb'il, sec tztac' qui'nec 'el junc witz 'a yet'ul, palta toto may qui chamc'ojlalec, to 'ixta', caw may jac copisoec.

Chuj San Mateo Bible

² Vach'chom ac'b'il copisio calanel slolonel Dios, vach'chom snachajel masanil tas mantalaj mach ojtannac cuuj, taxon̈ej cojtac masanil tas d'a yolyib'an̈q'uinal tic, vach'chom scac' val och Dios d'a co c'ool, yic syal quic'anel junoc vitz d'a yed'tal, palta tato max co xajanej co b'a, te malaj jab'oc quelc'ochi.

1 Co 13:2 ပူးပေါင်းရင်းမြစ်များ

Mt 13:11

Yuj cha, xyaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj, chajtl tzex 'aj eyoch 'a yol sc'ab'. Palta ax 'a eb' 'anma', matz ch'ox 'a eb'.

Mt 17:20

—Ma'ix 'eli, yujto ma'ix eya'ch Dios 'a e c'ojol. Wal yel tzwal 'ayex, toto tzeya'ch e c'ojl 'a 'a, wach'xam caw jab' 'icha jun pilc sat te rechiwo, 'oj stac' eyaln 'ixtc 'a jun witz tic: Eln̈ 'a et'l tic, 'ixc 'a junc xo lugar, 'oj e chioc. To 'ixta', 'oj 'el eyu'uj. Smasnil tas 'oj stac' eyu'uj, toto yel tzeya'ch Dios 'a e c'ojol.

Mt 21:19

Ax 'ix yilni 'ay jun te snun higo 'a sti b'e. 'Ix c'och 'a te', palta may junc sat te x'ilchj yu'uj. Cojn xil te 'ay. Yuj cha, xyaln 'ixtc 'a te': —Man̈x 'a cab' b'a'n̈ 'oj ac' junc a sat, xchi 'a te'. Yajn̈j wal cha, xtacj 'el te'.

Mt 21:21

—Wal yel tzwal 'ayex, toto tzeya'ch Dios 'a e c'ojol, toto may e chab'c'ojlal, tzann̈j tas 'oj stac' eyu'uj. Man̈ cojnoc tas xin b'o 'a te higo tic 'oj stac' eyu'uj. Palta tztac' eyaln 'a jun witz tic: 'Eln̈ 'a et'l tic, julb't a b'a 'a yojl a mar, toto 'oj e chioc, 'oj stac' eyu'uj.

A Tas Sc'ulejnac Eb' Schecab' Jesús Hechos 13:1

A 'a scal eb' creyente 'a chon̈b' Antioquía, ata 'ay jun tzo'n̈ eb' tzyac' Dios yal-l spaxti', 'ayc' pax jun tzo'n̈ eb' cuywjum: atn Bernabé, yet' Simón tzcuch pax Niger, Lucio 'aj chon̈b' Cirene, Saulo, yet' pax Manaén, atn jun q'uib'nc chan̈ yet' win Herodes, win ya'jnac yajil 'a Galilea.

Ro 11:25

Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.

Ro 15:14

Ex wu'tac, ex wanab', wojc xoni, to caw wach' e nab'en, caw jeln ex 'a yic Dios. Wojc paxi, to caw tztac' laj eya'lanc e nab'en ta'.

Ro 16:25

A ticnec, calc wach' paxti 'a Dios, yujto a tztac' ya'n qui te'nalec 'a smasnil tiempo. 'Ixta tzyal jun wach' 'ab'x tzwalcn 'eli, atn yab'xil Jesucristo. Yictax mantzac sb'o Dios yolyib'n̈q'uinl tic, molb'il xon yab'xil Cristo yu'uj.

1 Co 11:4

Tzann̈j junc winac, a yic tzleslwi, mto tzyaln 'el spaxti Dios, toto c'oxb'il junc tas yuj 'a sjolom, a tzyac' sq'uixwloc.

1 Co 12:28

Yuj cha, 'ayn̈ec xyac' Dios copisoec 'a yiglesia. B'ab'el, 'ayn̈ec schecb' Cristo cajec. Schab'il, 'ayn̈ec tz'ajx copisoec caln 'el spaxti Dios. Yoxil, 'ayn̈ec cuywjum on̈ec. An̈jtona' 'ayn̈ec tzqui ch'oxl milagro. 'Ayn̈ec tztac' ca'n b'oxc sc'ojl eb' ya'ay. 'Ayn̈ec tztac' tzon̈ colwji. 'Ayn̈ec tzon̈ 'a'w cuenta. 'Ayn̈ec pax tztac' tzon̈ paxtinec 'a jun tzo'n̈ chucchc ti'al.

1 Co 13:1

Q'uinloc caw jeln tzlaj cutquec qui paxtin 'a sti smasnil 'anma', yet' pax 'a sti eb' ángel. Palta toto may qui chamc'ojlalec, lajn on̈c 'icha junc tinab'. Mto 'icha jun tzo'n̈ q'uen pachb'mb'a yic son, 'ixta on̈ec.

1 Co 13:3

Wach'xam tzqui siyjec 'ec' smasnil tas 'ay 'ayn̈ec 'a eb' meb'a', toxn̈ej tzca'c 'och qui b'a 'a yol sc'ab' chamel, toxn̈ej tz'a qui niwnalec tic, toto may qui chamc'ojlalec, nab'an̈ej tzquixtjec qui b'a, may jac spac 'oj qui cha'ec.

1 Co 13:8

A jun chamc'ojlal tic, may b'a'n̈ 'oj lajwoc. 'Ay jun tiempoal 'oj jawoc, man̈x yowlalc 'ay mach tz'ajx yopiso yuj Dios yaln 'el spaxti'. A 'a jun tiempoal cha, man̈x yowlalc 'ay mach tzpaxtin 'a jun tzo'n̈ chucchc ti'al. An̈jtona', man̈x 'a yopiso qui jelnalec ta'.

1 Co 14:29

An̈jtona', toto 'ayx tzeyal-l spaxti Dios, cojxn cab' chawn̈oc, mto 'oxwn̈oc ex tzeyal-li. Ax xo e masnil, caw tzeya'ch e chicn 'a spaxti Dios chi tzalx 'ayx cha.

1 Co 14:39

Yuj cha, ex wu'tac, tzeyac' eyip, sec 'oj stac' eyaln 'el spaxti Dios. Ax eb' tzpaxtin 'a jun tzo'n̈ chucchc ti'al, man̈ e tench wan eb'.

1 Co 14:4

A eb' tzpaxtin 'a jun tzo'n̈ chucchc ti'al, mun tzte'nb'i eb' sch'ocoj. Palta ax eb' tzaln 'el spaxti Dios, atn eb' tz'a'n ste'nal eb' yit creyenteal.

1 Co 15:51

Palta 'ay jun tas mant 'a mach 'ojtnac xoni. Tzin nib'j tzeyojquej 'el ticnec. An̈ creyente on̈ec tic, man̈ qui masnilc 'oj qui chami. Palta qui masnilec 'oj jelmjoc qui niwnalec tic.

1 Co 16:22

Toto 'ay junc mach matz chamc'ojlan Cajlil Jesucristo, 'ay cab' yowl sc'ojl Dios 'a yib'an̈. Ach Cajlil on̈, comnoc tzach jaw muc'uc.

1 Co 4:1

Yuj cha, yel xo wach' man̈oc 'ayn̈ tzeya'ch e nab'en on̈. Yujto ton̈j ya'mal servil Cristo caj on̈. A copiso on̈, to tzcac' cuyxoc jun tzo'n̈ cuynb'il yic Dios on̈, atn jun tzo'n̈ ch'oxb'il yuj 'ayn̈ec.

1 Co 7:19

Toxn̈ej chab'il jun yechl circuncisión chi cujec, toxn̈ej ma'ay, mayn̈ej yel'chi. Palta 'ay junx caw niwn yel'chi, to tzqui b'eylb'ejec 'icha tznib'j Dios.

1 Co 8:4

Ax ticnec, 'oj wal yuj jun tzo'n̈ tas tzc'uxxi, yic tox x'ajx xajmb'al-l 'a jun tzo'n̈ tzalx 'och diosal cha. A jun tzo'n̈ tzalx 'och diosal cha, cojquec, may jac yopiso eb' 'a yolyib'n̈q'uinl tic. Yujto cojn jun Dios 'ay, may junc xo.

2 Co 12:11

'Icha to man̈ nab'enal waji, yic tzwaln 'at in b'a wach'l 'ayex, palta ax xo in eyac' pural walni. Yujto smoj ax tzin eyal wach'il. 'Ay eb' cob' tzyalch sb'a schecb'oc Cristo si'mb'il. A 'a eb' tzlaj cob' eya'ch e nab'en. Wach'xam may xon jac wel'chi, palta may wal jac yel'ch eb' 'a in sat.

Gl 5:16

Tzwaln 'at pax junx tic 'ayex. Caw qui b'eylb'oquec 'icha tznib'j Yespíritu Dios. To 'ixta', ma'oj qui b'eylb'oquec 'icha tznib'j qui tu nab'enalec.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Gl 6:3

Toto 'ay mach caw 'ay yel'ch cob' snani, palta toto may pax yel'chi, mun tzcob' yixtc sb'a snani.

Ef 3:4

Ax yic 'oj eyilnc jun xin tz'ib'j 'at tic, 'oj nachjc 'el eyu'uj, to wojc xo jun tzo'n̈ cuynb'il yic Cristo, yujto 'ac'b'ilx 'ayin.

Ef 6:19

Tzex leslwi pax wu'uj, sec 'oj yac' Dios nachjoc 'el wu'uj, tas 'oj wala', sec an̈ja te'n 'oj wutc waln 'el wach' 'ab'ix, atn jun ch'oxb'il yuj Dios 'ayn̈ec.

A Scarta San Pablo D'a Eb' Aj Colosas 1:26

'Ay jun tas c'ub'b'il 'el yuj Dios 'a yictax mant 'a yolyib'n̈q'uinl tic. Palta ax ticnec, a x'a'n cojcoquec 'el an̈ yic on̈c xo tic. A 'a'jnac wopiso waln 'el jun tic.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

1 Jn 4:8

Toto matz qui chamc'ojlejec qui b'a, wal yel mant cojcoquec Dios, yujto a Dios, 'ayn̈j schamc'ojlal.