1 Co 12:9 - Chuj San Sebastian Bible

⁹ Yuj Yespíritu tic, 'ay pax eb' tzwach' 'a'j 'och sc'ojl 'a Dios. Yu'uj, 'ay pax eb' tz'ajx spoder ya'n b'oxc sc'ojl eb' ya'ay,

Chuj San Mateo Bible

⁹ Yuj Yespíritu tic, ay pax eb' svach' aq'uejoch Dios d'a sc'ool. Yuuj paxi, ay eb' tz'ac'ji spoder yac'anxi b'oxoc sc'ool eb' penaay.

1 Co 12:9 ပူးပေါင်းရင်းမြစ်များ

Mt 10:8

A eb' ya'ay yuj lepra, tz'ec' eyac' b'oxc eb'. Yet' pax jun tzo'n̈ xo eb' ya'ay, tzeyac' b'oxc sc'ojl pax eb'. Tzeya'n pax pitzwc eb' chamnac. An̈jtona', tz'ec' laj eyi'nc pax 'el ewin demonio 'a eb' 'anma'. Xe chaj jun e poder tic 'a nab'an̈ej, yuj cha, 'oj e colwj pax yet' 'a nab'an̈ej jun xo.

Mt 21:21

—Wal yel tzwal 'ayex, toto tzeya'ch Dios 'a e c'ojol, toto may e chab'c'ojlal, tzann̈j tas 'oj stac' eyu'uj. Man̈ cojnoc tas xin b'o 'a te higo tic 'oj stac' eyu'uj. Palta tztac' eyaln 'a jun witz tic: 'Eln̈ 'a et'l tic, julb't a b'a 'a yojl a mar, toto 'oj e chioc, 'oj stac' eyu'uj.

Mr 16:18

Toto 'oj syam eb' junc chan, toto 'oj yuc' eb' junc tas tzcham 'anma yu'uj, may 'oj 'aj eb'. Toto 'oj ya'b't eb' sc'ab' 'a sjolm eb' ya'ay, 'oj b'oxc sc'ojl eb' yuj eb', xchi Jesús.

Mr 6:13

Til wal ewin demonio xyij 'el eb' 'a eb' 'anma', til wal eb' ya'ay 'aj 'ix laj 'ec' succn 'och eb' aceite. 'Ixta x'aj sb'ox can sc'ojl eb' 'anma cha.

Lc 10:9

Tzlaj eya'n b'oxc sc'ojl eb' ya'ay 'ajtc tzex laj c'och cha. Tzlaj eyalnc 'ixtc 'a eb': Jab'xoj wal 'oj wach' 'och Dios yajlil 'ayex, xe chi 'a eb'.

Lc 9:2

'Ix schecn 'at eb', yic tz'ec' yalnc 'el eb' chajtl tz'aj eb' 'anma yoch 'a yol sc'ab' Dios, tz'ec' ya'nc can eb' b'oxc sc'ojl eb' ya'ay.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

A Tas Sc'ulejnac Eb' Schecab' Jesús Hechos 5:15

Yuj cha, xlaj 'ijx 'elt eb' ya'ay 'a yoltc caye yet' swaynub'. Ata 'ix stan̈wj eb' yec' Pedro, sec toq'ue tz'ec' jac yen̈l 'a yib'n̈ eb'.

1 Co 12:28

Yuj cha, 'ayn̈ec xyac' Dios copisoec 'a yiglesia. B'ab'el, 'ayn̈ec schecb' Cristo cajec. Schab'il, 'ayn̈ec tz'ajx copisoec caln 'el spaxti Dios. Yoxil, 'ayn̈ec cuywjum on̈ec. An̈jtona' 'ayn̈ec tzqui ch'oxl milagro. 'Ayn̈ec tztac' ca'n b'oxc sc'ojl eb' ya'ay. 'Ayn̈ec tztac' tzon̈ colwji. 'Ayn̈ec tzon̈ 'a'w cuenta. 'Ayn̈ec pax tztac' tzon̈ paxtinec 'a jun tzo'n̈ chucchc ti'al.

1 Co 12:30

Man̈ qui masniloc tztac' ca'n b'oxc sc'ojl eb' ya'ay. Man̈ qui masniloc tztac' tzon̈ paxtinec 'a jun tzo'n̈ chucchc ti'al. An̈jtona', man̈ qui masniloc tztac' calni, tas tzyal 'el'ch jun tzo'n̈ chucchc til cha.

1 Co 13:2

Wach'xam caw 'ac'b'il copiso calnec 'el spaxti Dios, mto tznachj 'el tas cujec, smasnil tas mant 'a mach 'ojtnac, toxn̈ej cojquec cab' smasnil tas 'a yolyib'n̈q'uinl tic, wach'xam caw tzca'c 'och qui c'ojl 'a Dios si'mb'il, sec tztac' qui'nec 'el junc witz 'a yet'ul, palta toto may qui chamc'ojlalec, to 'ixta', caw may jac copisoec.

2 Co 4:13

A 'a Ch'an̈ U'un̈, ata 'ay jun aljnac can 'ixtic: 'Ix wa'ch Dios 'a in c'ojol, yuj cha, 'ix waln 'el spaxti', xchi. An̈ xo tic on̈, lajnn̈ej tzcutj ca'n 'och 'a qui c'ojl yet' on̈. Tzcaln 'el on̈, yujto tzca'ch pax 'a qui c'ojl on̈.

Ef 2:8

Yuj wal swach'c'ojlal Dios on̈ colchjec, yujto xca'c 'och qui c'ojl 'a 'a. A jun tic, man̈oc on̈c xqui b'o'ec, yujto an̈j Dios tz'a'n 'ayn̈ec.

A Ch'an̈ Carta D'a Eb' Hebreo 11:33

A eb' cha, caw ya'jnac 'och eb' Dios 'a sc'ojol. Yuj cha, 'ay eb' ya'jnac ganar jun tzo'n̈ nacion̈, yic ya'n eb' owl yet'oc. 'Ay eb' caw tojl yutjnac ya'n yajlil. 'Ay eb' chajnac tas ya'jnac can Dios sti yu'uj. 'Ay eb' macjnac sti no león.