1 Co 12:31 - Chuj San Sebastian Bible

³¹ Yuj cha, tzeyac' 'ip e sayn jun tzo'n̈ opiso yel xo wach' tzyac' Dios. Palta 'ayt wal junx b'eyb'al yel xo caw wach' 'oj wal 'ayex.

Chuj San Mateo Bible

³¹ Yuj chi', tzeyac' eyip e sayan juntzan̈ opisio más nivan yelc'och syac' Dios. Palta ayto val junxo modo más vach' ol val d'ayex.

1 Co 12:31 ပူးပေါင်းရင်းမြစ်များ

Mt 5:6

A eb' tznib'j tojlb'oc snab'en wal 'a smasnil sc'ojol, caw wach' yic eb', yujto 'oj 'och Dios yet' eb', sec 'ixta 'oj 'aj eb'.

Lc 10:42

Palta junn̈j tas caw 'ay sc'a'l sb'o'i. Atn jun chi tznib'j María tic. Yuj cha, may junc mach 'oj 'i'nc 'ec' 'a 'a, xchi Jesús 'a 'ix.

1 Co 13:1

Q'uinloc caw jeln tzlaj cutquec qui paxtin 'a sti smasnil 'anma', yet' pax 'a sti eb' ángel. Palta toto may qui chamc'ojlalec, lajn on̈c 'icha junc tinab'. Mto 'icha jun tzo'n̈ q'uen pachb'mb'a yic son, 'ixta on̈ec.

1 Co 14:1

Caw tzeyac' eyip e chamc'ojlan e b'a junjn ex. An̈jtona', tzeya'n 'ip e sayn 'ec' jun tzo'n̈ 'opiso tzyac' Yespíritu Dios 'ayex. 'Ay wal jun 'opiso yel xo wach', atn jun alj 'el spaxti Dios.

1 Co 14:39

Yuj cha, ex wu'tac, tzeyac' eyip, sec 'oj stac' eyaln 'el spaxti Dios. Ax eb' tzpaxtin 'a jun tzo'n̈ chucchc ti'al, man̈ e tench wan eb'.

1 Co 8:1

A ticnec, 'oj wal yuj jun tzo'n̈ tas tz'ajx xajmb'al-l 'a jun tzo'n̈ tzalx 'och diosal, tzlajw cha, tzchix paxi. Yel tzeyala, a jun tzo'n̈ tic, tznachj 'el cujec qui masnil. Palta a qui jelnalec tic, ton̈j tzqui b'an̈c qui b'a yu'uj. Ax toto 'ay qui chamc'ojlalec 'a eb' quit creyenteal, caw tz'och ste'nal eb' cujec.

A Scarta San Pablo D'a Eb' Aj Filipos 3:8

Jantcn̈ej jun tzo'n̈ tas wa'jnac 'och yipc in c'ojol, may jac yel'ch 'a in sat ticnec. Yujto 'ay junx yel xo wach' tzin b'o'o, to tzwojquej 'el Cristo Jesús, atn Cajlilec. Yuj Cristo tic, c'uxn satnc 'el smasnil jun tzo'n̈ wa'jnac 'och yipc in c'ojl cha. Ax ticnec, 'icha c'alem xoj yaj 'a in sat, yujto tzin nib'j tzwique'ej Cristo 'a jun 'ejmn̈ej.

A Ch'an̈ Carta D'a Eb' Hebreo 11:4

A Abel, caw ya'jnac 'och Dios 'a sc'ojol. Yuj cha, a jun xajmb'al ya'jnac 'a Dios, caw wach' 'a yib'n̈ yic win Caín. Yuj cha, yaljnac Dios yu'uj, to wach' 'a sat, yujto caw xchaj jun xajmb'al cha. Wach'xam chamnc xo winac, palta 'icha to an̈ja tzat yal 'ayn̈ec, yujto ya'jnac 'och 'a sc'ojol.