1 Co 12:28 - Chuj San Sebastian Bible

²⁸ Yuj cha, 'ayn̈ec xyac' Dios copisoec 'a yiglesia. B'ab'el, 'ayn̈ec schecb' Cristo cajec. Schab'il, 'ayn̈ec tz'ajx copisoec caln 'el spaxti Dios. Yoxil, 'ayn̈ec cuywjum on̈ec. An̈jtona' 'ayn̈ec tzqui ch'oxl milagro. 'Ayn̈ec tztac' ca'n b'oxc sc'ojl eb' ya'ay. 'Ayn̈ec tztac' tzon̈ colwji. 'Ayn̈ec tzon̈ 'a'w cuenta. 'Ayn̈ec pax tztac' tzon̈ paxtinec 'a jun tzo'n̈ chucchc ti'al.

Chuj San Mateo Bible

²⁸ Yuj chi' ay on̈ ix yac' copisio Dios d'a yiglesia. D'a sb'ab'elal, schecab' Cristo caji. Schab'il, tz'ac'ji copisio calanel slolonel Dios. Yoxil, ay on̈ c'ayb'um on̈. An̈ejtona', ay on̈ sco ch'oxel milagro. Ay on̈ syal cac'an b'oxoc sc'ool eb' penaay. Ay on̈ syal tzon̈ colvaji. Ay on̈ tzon̈ cachvaji. Ay on̈ pax tzon̈ lolon d'a juntzan̈xo ch'oc tial.

1 Co 12:28 ပူးပေါင်းရင်းမြစ်များ

Nm 11:17

Ax 'a yic 'oj weml b'i'an, ax in paxtin et'oc, ax wi'n 'el jac espíritu 'aych 'ayach, ax wa'n 'och 'a eb' yichm wincal chon̈b' tic. A eb' 'oj colwjoc et'oc, yic tzyiln eb' jun tzo'n̈ 'anma tic, sec man̈ a ch'ocjoc tzel eb'.

Mr 16:17

A eb' 'oj 'a'nc 'och 'a sc'ojol, 'oj sch'ox eb' jun tzo'n̈ milagro tic: Yuj in poder 'oj yi'l eb' jun tzo'n̈ demonio 'a eb' 'anma', 'oj paxtinc eb' 'a jun tzo'n̈ chucchc ti'al.

Lc 6:14

Atn eb' schecb' tic: A Simón, tzcuch pax Pedro yu'uj, yet' jun yu'tac Andrés sb'i, yet' Jacobo, Juan, Felipe, Bartolomé,

A Tas Sc'ulejnac Eb' Schecab' Jesús Hechos 11:27

A 'a jun tiempoal cha, 'ay jaywn̈ eb' tzyac' Dios yal-l spaxti'. 'Ix cot eb' 'a Jerusalén, xc'och eb' 'a Antioquía cha.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

1 Co 10:32

Wach'xam israel, mto man̈ israeloc, caw matz tac' ca'nec juwc 'el snab'en eb'. An̈jtona', yet' eb' yiglesia Dios quet'ec, matz tac' ca'nec juwc 'el snab'en eb'.

1 Co 12:18

Palta a Dios 'ix laj b'on junjn tas 'a qui niwnalec tic 'icha tznib'ej.

1 Co 12:29

Palta 'in man̈ on̈ schecb'oc Cristo qui masnil. Man̈ qui masnilc tz'ajx copiso caln 'el spaxti Dios. Man̈ on̈ cuywjumoc qui masnil. Matz tac' qui ch'oxn 'el milagro qui masnil.

1 Co 12:30

Man̈ qui masniloc tztac' ca'n b'oxc sc'ojl eb' ya'ay. Man̈ qui masniloc tztac' tzon̈ paxtinec 'a jun tzo'n̈ chucchc ti'al. An̈jtona', man̈ qui masniloc tztac' calni, tas tzyal 'el'ch jun tzo'n̈ chucchc til cha.

1 Co 14:2

'Ay eb' tztac' spaxtin 'a jun tzo'n̈ chucchc ti'al. A 'a Dios tzpaxtin eb', man̈oc 'a 'anma', yujto may junc mach tz'ab'n tas tzyal eb'. Yuj ton Yespíritu Dios tz'ajx yal eb' jun tzo'n̈ cha, palta may junc mach 'ojtnac tas tzyal eb' cha.

1 Co 14:4

A eb' tzpaxtin 'a jun tzo'n̈ chucchc ti'al, mun tzte'nb'i eb' sch'ocoj. Palta ax eb' tzaln 'el spaxti Dios, atn eb' tz'a'n ste'nal eb' yit creyenteal.

1 Co 14:5

Tzin nib'j tzex paxtin 'a jun tzo'n̈ chucchc til e masnil. Palta yel xo wal tzin nib'j tzeyal-l spaxti Dios. Yujto a jun tic, yel xo wal 'ay yopiso 'a yib'n̈ jun tzo'n̈ chucchc til cha. A jun tzo'n̈ cha, 'ay ton yopiso, toto 'ay mach tztac' yaln 'eli tas tzyal 'el'chi, sec wach' 'oj 'och ste'nal eb' creyente chi yu'uj.

Ef 2:20

'Icha junc n̈a 'ix b'o'i, 'ixta 'ex. An̈ schecb' on̈ Jesús tic on̈, yet' jun tzo'n̈ xo eb' schecb' Dios, 'icha to an̈ ca'jnac 'ejm yich on̈. Ax xo, 'icha to ax tusb'ilx q'ue 'a yib'an̈. Ax Jesucristo, 'icha junc q'uen q'uen yipnub' yich n̈a yaji, 'ixta yaj 'ayn̈ec.

Ef 3:5

A 'a yic pecti', mant 'ic 'ajx 'ojcaxc 'el wal jun tzo'n̈ tic. Al ticnec, yuj Yespíritu xwach' 'ajx cojcoc 'el an̈ sic'b'iln̈ 'el schecb'oc tic on̈, yet' jun tzo'n̈ xo eb' schecab'.

1 Ti 5:17

A eb' anciano wach' tzyutj ya'n cuenta eb' yit creyenteal, yowlal caw 'ay yel'ch eb' 'a sat eb' creyente smasnil, tzyac' eb' yip scuywji, tzyaln 'el eb' spaxti Dios, yowlal yel xo niwn cab' yel'ch eb' 'a sat eb' yit creyenteal.

A Ch'an̈ Carta D'a Eb' Hebreo 13:17

Caw tzeyiclj tas tzyal eb' tzex 'a'n cuenta. Yiclum tzeyutj e b'a 'a eb'. Yujto a eb' cha, wan ex stan̈wni eb'. Yojc eb', chajtlto 'oj yac' eb' scuenta 'a Dios. Wach' tzeyutj e b'a, sec tzalj eb' yiln jun munljel cha, sec matz cus eb'. Toto tzeyac' cus eb' yuj e tenmtaquil, caw man̈ wach'c eyico'.

A Ch'an̈ Carta D'a Eb' Hebreo 13:24

Tic tzwa't stzatzl sc'ojl junjn eb' schecb' Dios tzex 'iln ta'. Tzwa'n pax 'at stzatzl e c'ojl e masnil ex yic xo Dios wet'oc. Yet' pax eb' 'aj Italia, tic tzya't pax eb' stzatzl e c'ojol.